الموضوع: انا زهقت من بلى العجل ياجماعه

الف شكر يااستاذ ادوارد على ردك ومتابعتك
طيب ممكن عنوانه ونظبط يوم نتقابل فيه عشان انا شغلى فى المطار ممكن اجى جسر السويس على
التجنيد ونخش عليه
بس ﻻزم اشترى البلى اﻻول قبل ماروح وﻻ ايه

المشاركة الأصلية كتبت بواسطة hamasa99

الف شكر يااستاذ ادوارد على ردك ومتابعتك
طيب ممكن عنوانه ونظبط يوم نتقابل فيه عشان انا شغلى فى المطار ممكن اجى جسر السويس على
التجنيد ونخش عليه
بس ﻻزم اشترى البلى اﻻول قبل ماروح وﻻ ايه

لا شكر على واجب
عنوانة سهل لو انتة جى من المطار عند كوبرى التجنيد تدخل شمال كأنك رايح على اشارة روكسى اول لما تدخل شمال بعد الكوبرى بحاجة بسيطة هتلاقى محل ادوات كهربائية وفرن افرنجى فية فتحة بعد افرن على ناصيتها خراط اسألة فين ورشة الاسطى مختار هيوصفلك والف من دلك لانة مشهور جداً
وفية بعديها بشوية محل بلى محترم اسمة الكومى ممكن تشترى من عندة انا اشتريت منة راجل محترم وعندة ضمير
وتحت امرك فى اى وقت وممكن تروحلة الرابعة او الخامسة بس اهم شىء بالنهار افضل

والله ياباشا ده كتير علينا ديه وصفه سهله ديه وصفه هايله
بس معلش هتقل عليك طب فى حد جنبه يفكلى الجنبين ويبص على الجنط لو فى حاجه او اى سبب يبوظ البلى تانى ...
وشكرا أستاذ ادوارد

ياباشا تحت امرك المهم مشكلتك تتحل
فتح عينك تاكل ملبن ههههههههه
انتة هتروح للاسطى مختار وتسأل على الاسطى حسين هو هيوديك جنبة ميكانيكى اسمة شريف راجل فاهم وجدع وهيراجع على كل حاجة ويقولك
والاسطى شريف راجل عندة ضمير والاسطى مختار والصنايعى حسين عندهم ضمير ومش محتاجين يفتحوا شغل لان عندهم شغل كتير
الاسطى شريف شاف لقى انى محتاج بلية واحدة بس فى جنب والجنب التانى البلية متغيرة قريب من اللى اشتريت منة العربية
عارف حتى مسامير العجل راجع عليهم ولقى مسمار خفيف قالى قريب دة هينعم وخلى الاسطى حسين يمشط السن ويجددة
روح وهما هيراجعوا على كل حاجة ويعملوا اللى شايفينوا صح متقلقش
انتة نفسك هتدخل هتلاقى شغل فى حاجات اكبر من كدة بكتير هتحس انك فى منطقة صناعية لسيارات وهتلاقى معظم الميكانيكية هناك ههههههه