الشريط البلاستيك للزجاج الامامى فى لادا سمارا

**عمرو عقبه** · 19-05-2014 09:14 PM

الاخوه الافاضل..
محتاج ضرورى ..
الشريط البلاستيك للزجاج الامامى فى لادا سمارا 88
اللى بيركب حوالين الزجاج الامامى (البربيز الامامى)..
ياريت حد يفيدنى اجيبه من فين جديد او استعمال وسعره كام تقريبا

**ibnelfared** · 23-05-2014 03:23 PM

تقصد ألى لونة فضى

**عمرو عقبه** · 24-05-2014 03:20 AM

لا انا قصدى الكاوتش البلاستيك اللى لونه اسود اللى بيركب فيه الزجاج الامامى ساير داير!!

**SHNORY** · 25-05-2014 09:00 PM

يا حاج عمرو اسمع كلامي
قولتلك كل الحاجات دي بتتباع بالمتر عند بتوع الاكسسوار
ايه فايده انك تشتري شريط بلاستيك ولا فولاذ حتي بقاله اكتر من 20 سنه بيتعرض لعوامل الزمن ؟؟

**عمرو عقبه** · 26-05-2014 11:33 PM

يا جدعان انا قصدى الشريط بتاع البربيز الامامى مش الباب الامامى ..
الشريط دا بيختلف من عربيه للتانيه ..
وهو مش بالمتر .. دا كل عربيه ليها شريط معين.. دا اللى عرفته من الصنايعيه..
وهو على شكل دايره متصله مش شريط بيتباع بالمتر..
اتصلت بأبو حلوه اشهر واحد بتاع زجاج فى طنطا قالى هوفق لك واحد بتاع عربيه تانيه بس تعالى لى بالعربيه لحد المحل!!!!

**ahmedelaraby** · 31-05-2014 01:43 PM

انا لسة مركبه المتر ب 15 ج من عند بتاع الزجاج وهو اللي ركبهولي بطريقة محترفة لفه الاول على الزجاج وبعدين حط خيط في الشفة التانية وريح الزجاج على العربية ودخل جوة شد الحبل وهوب كان راكب فى مكانه بكل سهولة

**ahmedelaraby** · 31-05-2014 01:44 PM

وفي نوع ب 10 ج المتر وده مصري ونوعين مستورد واحد ب 15 ج المتر والتاني كان ب 25 ج المتر والزجاج خد حوالي 3.4 م او 4 م

**tito32** · 31-05-2014 02:02 PM

بالتوفيق بس قلنا وصلت لفين بالمتر وبكام ومنين

**عمرو عقبه** · 09-06-2014 02:00 AM

الراجل فعلا ركب شريط من عنده بيتباع بالمتر ( اسمه شريط 24 تقريبا) و قالى ان خامته مستورده ركب شريط للبربيز الامامى وركب بربيز الشنطه (كانت حاجته كامله بس مخلوع) واخد فى كله 65 جنيه..

عذرا يا شنورى..
كلامك صح وانا اللى كنت متربس ومصمم انه بيتباع جاهز لكل عربيه واحد معين.. ولو كنت صممت على كده كنت هجيبه من زغلول من عربيه بقالها مش اقل من 20 سنة خدمه وقالى انه ب 100 جنيه!!!
هو دا فرق الخبر يا اكسلنس..
مانتحرمش منك يا كبير..