الموضوع: استشاره فنيه بخصوص شراء اوكتافيا a4 2008

المشاركة الأصلية كتبت بواسطة aymankhalifa

معتز باشا صباح الفل و شكرا على الرد
بص هوه عايز يغير من باب التجديد و عايز يجيب رابيد او استرا الجديده
و يعني انته رايك اتكل على الله؟؟
و هيه تساوي كام كده؟؟؟

اكشف بس على العربية كويس وياريت تقولنا هو طالب كام فيها..وبالنسبة للسعر انا لازم ابص على العربية علشان انا بابص على حاجات معينة واعرف العربية دى اتلعب فيها واللا بحالتها علشان اقدر احدد السعر

المشاركة الأصلية كتبت بواسطة aymankhalifa

شكرا يا معتز بس للاسف العربيه ده في الاسكندريه بس انا كنت عايز اعرف ايه الحاجات اللي ممكن تبص عليها علشان تعرف العربيه ده تمام و لا لاا

بص الموضوع هيبقى صعب عليك شوية ..دة عايز واحد فاهم وحافظ العربية مسمار مسمار انما بالكلام كدة صعب يعنى انا مش عارف اقولة بصراحة ...الكلام حتى لو هايتقال عايز يتقال على الطبيعة علشان يبقى واضح ...بس انا ممكن اقولك كلام عام ...بص على هوايات التكيف ...بتبقى مكسرة / المخدع اللى فى النص ..المفصلتين بتوعة بيبقوا مكسورين / طبعا تشوف ماية الاربة ..بيحط الماية الحمرا بتاعتها ولا ماية حنفية ..لو ماية حنفية متكملش فرجة على العربية / بص على خرطوم البيانوا اللى واصل بين البوابة وفلتر الهواء بيبقى مقطوع من واصلة فايز الزيت لو مقطوع يبقى عداد العربية دى ملعوب فية / طبعا السمكرة والبوهية ما ينفعش تتقال /اطلع جرب العربية وحس نقلات الفتيس بينقل كويس واللا بيغيب واللا بينتش ../وطبعا لازم العربية تتحط على الجهاز / بص على حالة الفرش من جوة والطابلوة مبهدل مخربش مقطع / سيب العربية لما تسخن واستنى لما المراوح تشتغل وحس العربية فيها رعشة واللا لا ..لو فيها يبقى المراوح فيها رفة وفى حاجة فيهم عايزة تتغير / بص على العربية من تحت مرشحة زيت من تحت من اى حتة ..واخدة خبطة من تحت . فيها مصفحة واللا لا ...ولو مفهاش الكارتيرات البلاستيك بتاعتها كاملة واللا ناقصة ..يعنى دة كلام عام انما الباقى ما ينفعش يتقال كلام لازم على الواقع وخلى بالك ان الحاجات اللى ناقصة بفلوس وغالية ...على سيبيل المثال هوايات التكيف الصغيرة لوحدها 100 ج لو هتاخد ال2 ب150ج الكبيرة اللى فى النص بـ 200 الكارتيرات الواحدة ب100ج المخدع ب300ج المساحة الخلفية لو مكسورة او مش موجودة ب400ج فادا كلة بيجمع فلوس بالاضافة ان لو فىها الحاجات دى ناقصة او مكسرة تبقى العربية دى متهانة وملعوب فيها كتير يبقى السعر بتاعها مش اللى احنا قولنا علية خالص ....وبالتوفيق