مقارنة مهمة للطبقة الاعرض فى المجتمع

**micoooooool** · 20-05-2014 05:59 AM

اعضاء المنتدى الكرام الذى اتشرف بالانضمام اليه مؤخرا , تحية طيبة
فى ظل الحيرة الشديدة , سؤال شائع ايه افضل عربية فى فئة ال100الف مع مراعاة القابلية للزياده 10 الاف كحد اقصى , الحقيقة انا محتار ما بين السانديرو ستيب واى الجديدة و البيجو 301 المانيوال و البروتون جين 2 مع العلم انى شاب فى الجامعه و اريد ان احصل على اعلى قيمة من الثبات و القوة و الكماليات مقابل المبلغ المدفوع
اناعن نفسى ارجح الجين 2 ولكن افيدونى بخبرتكم من حيث اسعار قطع اغيار و توافرها و المشاكل الشائعه فى كل موديل فيهم و سعر اعادة البيع و استهلاك الوقود و طلب اخير ارجو ان تكون المقارنة منطقية من شخص قام بتجربة السيارة و فى صورة منظمه لان رده سيصبح مرجعا لكثير من الزوار و هذا المبلغ هو امكانيات الطبقة الاعرض من الشعب
و عذرا على الاطالة

**tito32** · 20-05-2014 06:24 AM

انا بحب الجنى تو بس بيجو 301 بدات ف الانتشار وفى اعادة البيع افضل من الجنى تو واستخير ربنا
اما عن قطع الغيار ادخل هنا ف المنتدى قسم البروتون وانت تعرف ولما تشترى ممكن تعرفنا اشتريت ايه
مبروك مقدما

**ENG.MaRk** · 20-05-2014 08:18 AM

ثبات و قوة يبقي جين 2 و لكن خاماتها و تقفيلها متواضع .... الموتور بتاعها جبار و عن تجربة و سحبها ممتاز .... الطارة مالتي و لكن شكلها و خاماتها بعافية و التابلوه شكله مش حلو
البيجو 301 .... المانيوال فئة مافيهاش كماليت كتير و تقريبا هتخيب ظنك .... ثبات و قوة ممتازين و لكن ليس كالجين 2 و عن تجربة .... توكيلها أحسن نسبيا من بروتون و سعر إعادة البيع مش واقع زي الجين 2
الرينو سانديرو ستيب واي محترمة جدا و لكن ثباتها مش أوي فوق 150 .... ما تفكر في اللوجان الشكل الجديد .... علي أساس إن العربيتين التانيين سيدان ( أو ليفت باك ) ..... اللوجان الشكل الجديد هتبقي أعلي فئة فيها ب 102000 تقريبا و كمالياتها مرضية جدا بالنسبة للفئة ديه .... 2 air bags و فرامل ABS و مثبت سرعة
أتمني أكون أفادتك

**micoooooool** · 20-05-2014 09:48 PM

الحقيقة من ناحية الشكل كلهم حلويين بس مينفعش نقارن بينهم لانهم كاتيجوريز مختلفة و ادى الصور و كل واحد يقول رايه فى باقى المواصفات مثل استهلاك البنزين و اعتمادية السيارة و قطع الغيار و مدى توافرها فى السوق و مدى تناسبها مع فئتى العمرية و شكرا مقدما لمتابعتكم

**ahmzd** · 21-05-2014 12:13 AM

أنا رأيي إن اللوجان أفضل اختيار في اليدوي في الفئة السعرية دي.. والله أعلم .

**a7medalaa** · 21-05-2014 12:36 AM

في وحهة نظري السانديرو هتبقي احسن اختيار في الفئة السعرية دي هتاخد وساءل امان 2 airbags و ABS و emergency brake assist ده غير الكماليات مثبت سرعة و Parking sensors و تكييف Automatic و Multifunction و شكلها بقي تحفة الصراحة من بره ومن جوة برضه اتحسنت كتير و هتبقي اعتمادية عشان انتشار اللوجان و السانديرو القديمة و الجديدة متغيرش فيها اي حاجة في العفشة و الموتور فقطع الغيار هتبقي منتشرة و اعادة البيع احسن من البيجو و الجين 2 وتوكيل رينو محترم جدا بس بلاش الستيب واي خليك في السانديرو عشان ثباتها احسن من الستيب واي و سعر اعلي فئة 97 الف .. ربنا يوفقك للي فيه الخير

**micoooooool** · 21-05-2014 02:28 AM

المشاركة الأصلية كتبت بواسطة a7medalaa

في وحهة نظري السانديرو هتبقي احسن اختيار في الفئة السعرية دي هتاخد وساءل امان 2 airbags و abs و emergency brake assist ده غير الكماليات مثبت سرعة و parking sensors و تكييف automatic و multifunction و شكلها بقي تحفة الصراحة من بره ومن جوة برضه اتحسنت كتير و هتبقي اعتمادية عشان انتشار اللوجان و السانديرو القديمة و الجديدة متغيرش فيها اي حاجة في العفشة و الموتور فقطع الغيار هتبقي منتشرة و اعادة البيع احسن من البيجو و الجين 2 وتوكيل رينو محترم جدا بس بلاش الستيب واي خليك في السانديرو عشان ثباتها احسن من الستيب واي و سعر اعلي فئة 97 الف .. ربنا يوفقك للي فيه الخير

بيتهيالى ان الستيب واى جنطها اعرض هل ده ممكن يحل مشكلة الاراتفاع عن السانديرو العاديه
شكرا لاهتمامك و لردود جميع الاعضاء قبلك و فى انتظار اراء باقى الاعضاء

**a7medalaa** · 21-05-2014 09:05 AM

المشاركة الأصلية كتبت بواسطة micoooooool

بيتهيالى ان الستيب واى جنطها اعرض هل ده ممكن يحل مشكلة الاراتفاع عن السانديرو العاديه
شكرا لاهتمامك و لردود جميع الاعضاء قبلك و فى انتظار اراء باقى الاعضاء

ربنا يبارك فيك ويوفقك في اعتقادي اللي هيضيفه الجنط ال ١ بوصة زيادة مش هيساوي اللي قلله زيادة الارتفاع بشكل ملحوظ خصوصا ان السانديرو اصلا مش واطية يعني لو خايف انها تحك معاك مش هتحك ان شاء الله في اي مطب مع ابن خالتي و صديقي و بنترس العربية وماشاء الله مبتحكش انما لو عايز الستيب واي عشان الشكل فا اتوكل علي الله يعني جايز ماتكونش هتفرق كتيير اوي في الثبات لو طرقك مش سريعة كل يوم انا اللي محسوك شوية في النقطة دي وبهتم بيها جدا عشان بجري و طريقي دائري كل يوم المهم تبقي مبسوط من عربيتك