الموضوع: تقرير عن صيانه السيارة وشويه مشاكل ارجو المساعدة

السلام عليكم ورحمه الله وبركاته
السيارة فيكترا 1997 منوال 1600
سبب الصيانه ... انى وانا ماشى على الدائرى لقيت قدامى رصيف فاصل بين نزله والدائرى ففرملت وكسرت شمال علشان ابعد عنو بس اخدتو بالفردة اليمين والحمد لله
المهم كنت كلمت استاذ طنانى وقالى اعمل ظبط زوايا علشان نعرف المشكله من ايه بس ساعتها كنت والدى راحلو فوصفلو واحد فى فيصل طالبيه اسمو مركز المتحدة او المتحدين مش فاكر
المهم روحتلو يوم الجمعه اللى فات فكشف قالى العجله مرحله وفى فرق 2.50 قالى كدة حاجه من الاتنين اللى تخلى فى فرق كدة المقص او القنطرة فقالى احنا نبدء بالمقص علشان دة اسهل قالى هتجيب مقص جديد وتروح لمحمد طنانى تركبو وتجيلى نقيس زوايا تانى نشوف الفرق راح ولا
فكان معايا والدى فسالو هو ممكن انت تعملهولنا قالو اه ممكن بس انا بقولك كدة علشان انت جاى من عندو فوالدى قالو طيب اعملهالنا انت علشان طبعا مشوار رايح جاى والوقت وكدة
المهم بدا وهو شغال قالى المساعد بايظ والبطاحه وورانى المساعد بينزل مبيطلعش وركبلى من عندو مقص مستعمل
المهم روحت جبت المساعد والبطاحه فلقيت المساعد اللى عند الرتجل اسمو بلتشيان حاجه كدة المهم مكتوب عليه صنع فى المانيا )ايه رائيكو فى المساعد دة ( الراجل قالى هيبقى ناشف معاك اول اسبوع او اسبوعين بعد كدة هيبقى تمام جبتو ب 900 جنيه وجبت البطاحه ب 100 والورشه حسبلى المقص المستعمل ب 150 جنيه
المهم ركب الكلام دة وبعدها حط العربيه تانى على ظبط الزوايا فقالى بقت العجله مرحله 1.20 بدل 2.50 فقالى كدة الباقى فى القنطرة قالى ممكن نعملها زراجين فسالتو هتأثر فحاجه قالى لا
المهم ظبطها والفرق راح وخدت العربيه ولسه بتحرك يدوبك خرجت من الشارع لقيت صوت عالى اوى فى الماتور فبطلت العربيه لقيت الصوت مستمر وفتحت الكبوت لقيت المروحه شغاله قولت يبقى هى المروحه
المهم رجعتلو تانى فقالى المروحه بتحك فى الريداتير والريداتير مش ثابت فى مكانو فبعدناها عنو بافزين وقولتلو لو عاوز اظبطو قالى دى حوار هنفك الريداتيد ونركبو فكان الوقت اتاخر فقولت اشطه امشى على كدة مؤقت
بعد ما روحت لقيت فى صوت حكه كدة فى العجل وونا بجيب مارش بللقى صوت حكه فى العجل برضو فانا كانت العجله اللى قدام شمال بايظه ومريحه فقولت يمكن منها فتانى يوم جبت فردتين جداد يوكوهاما وجنط حديد بدل اللى باظ وركبت الفردتين قدام وجربت لقيت الدنيا تمام بس الصوت مراحش ولا وانا برجع الصوت مراحش بس العربيه تمام فقولت ان شاء الله هروحلو تانى الجمعه واشوف
عندى سؤال بقى هى الزراجين دى عبارة عن ايه وهل بتضر بحاجه ولا بتاثر على المدى البعيد او مع الجرى ولا عادى
اتانى سؤال المساعد كان بيعمل صوت تفريغ هوا لما باخد مطب فهل دة كدة بايظ لان اللى غيرتهم كانو بيعملو كدة واللى ورا نفس الكلام
انا عندى مشكله انى مبحسش بفرق انى اقول العربيه فاقت او لو فيها حاجه بايظه مبحسش ومباخدش بالى من الحجات البسيطه دى فهل دة عيب فيا واتلاشاه ازاى
ايه رائيكو فى الحجات دى كلها هل فى حد عاوز يعدل فى حاجه شايف انها غلط او كان فى حاجه احسن
شكرا جدا لمساعداتكم لينا واسف جدا على الاطالهه