الموضوع: ياريت رأيكم فى ماكينة حلاقة الذقن باناسونيك es-sl41

تسلم ياغالى على النصيحة وربنا يعفينا ويعفيك من الهم ده

بعد تجربة المكنة لمدة 4 ايام عملتلى التهابات اكتر من الموس نفسه وفى اماكن مكنش بيحصل فيها اى التهابات خالص زي الخدود وفعلا لازم تعيد بالمكنة كتير اوى على دقنك عشان بتسيب شعر كتير اوى
تم التجربة على الناشف و ايضاً بأستخدام فوم نيفيا للبشرة الحساسة .

بص هى نصيحة مش عارف اذا كانت هتنفع ولا لا
سيب الالتهابات لغاية ماتخف خالص واشترى ماكينة للبشرة الحساسة الى بتحلق وش واحد مش بتنعم زى الموس
لانى انت تقريبا عندك شعر بيطلع لجوة وهو دة الى بسب التهابات
واحلق كل اسبوع عشان بشرتك ترتاح

المشاركة الأصلية كتبت بواسطة الاستاذ

بص هى نصيحة مش عارف اذا كانت هتنفع ولا لا
سيب الالتهابات لغاية ماتخف خالص واشترى ماكينة للبشرة الحساسة الى بتحلق وش واحد مش بتنعم زى الموس
لانى انت تقريبا عندك شعر بيطلع لجوة وهو دة الى بسب التهابات
واحلق كل اسبوع عشان بشرتك ترتاح

بس انا لما اسيب الشعر يطول بيغرز اكتر فى الجلد و الآلتهابات بتزيد كل ما الشعر يطول ،، عشان كده لازم احلها مرة كل يومين او تلاته بالكتير قبل ما الشعر يطول ويغرز فى الجلد و يسبب الآلتهابات دى .

المشاركة الأصلية كتبت بواسطة bob_2005

بس انا لما اسيب الشعر يطول بيغرز اكتر فى الجلد و الآلتهابات بتزيد كل ما الشعر يطول ،، عشان كده لازم احلها مرة كل يومين او تلاته بالكتير قبل ما الشعر يطول ويغرز فى الجلد و يسبب الآلتهابات دى .

كل الشعر كدة ولا كام شعراية
لو كام شعره شيلهم ليزر احسن او شيل الشعر الى بيدخل لجوه بالمنقاط وبعدان احلق

المشاركة الأصلية كتبت بواسطة الاستاذ

كل الشعر كدة ولا كام شعراية
لو كام شعره شيلهم ليزر احسن او شيل الشعر الى بيدخل لجوه بالمنقاط وبعدان احلق

لاياعم ليزر ايه انا عاوز احل المشكلة مش عاوز اشيل دقني خالص زي الحريم :)

زى ماقولتلك الماكينة الكهرباء هاتزودلك المشكلة لانها بتنعم على الاخر وانت لازم ماتنعمش ؛ بالنسبة لنصيحة العضو ( الاستاذ ) انك تحلق كل اسبوع او تستخدم الملقاط علشان تطلع الشعر اللى تحت الجلد فده هايزودلك المشكلة اكتر ؛ لو انت شايف ان فيه التهابات دلوقتى جامدة يبقى حط نقطة من كريم بتنوفيت على الالتهابات وماتحلقش دقنك الا كمان يومين بعد استخدام بتنوفيت كل ليلة قبل ماتنام بربع ساعه ؛ كل التهاب بنقطة ؛ بس اوعى تحط اى كريم فيه كورتيزون على شفايفك او المنطقة اللى حوالين شفايفك ؛ المنطقة اللى حوالين شفايفك او شفايفك لو فيها التهاب يبقى حطلها كريم جينتامايسين وبرضه نقطة صغيرة فوق الالتهاب ؛ ماتنساش جيل انتونى لوجيستيك اللى قولتلك عليه لانه هايريحك اوى اوى ؛ لو حسيت ان فيه مناطق الشعر فيها محبوس حاول تطلع طرف الشعرة او اول الشعرة بدبوس طرحة بعد ماتسخنه على النار ؛ وتطلع الشعرة براحة ؛ لو حسيت انها معصلجة سيبها ؛ لكن ماتستخدمش ملاقط