الموضوع: معاناتى فى تظبيط لادا سمارا بالورقه والقلم

المشاركة الأصلية كتبت بواسطة عمرو عقبه

الاخوه الافاضل..
السلام عليكم..
دى قصتى مع لادا سمارا 2108 موديل 88
دى صورتها لما كانت معروضه للبيع على دوبيزل من قبل البائع..


واللى حصل كالتالى..
1- ظبط فرامل وتغيير مكبس (25 جنيه) وزيت فرامل (15 جنيه) ومصنوعيه (30 جنيه).
2- تغيير كلاكس (15 جنيه) وحجر ريموت (10 جنيه) مصنوعيه 15 جنيه.
3- تغيير زيت وفلتر (85) ومصنوعيه (10) واكراميه لصبى (5).
4- مرايه (45).
5- غطاء قماش للعربيه (85).
6- فردة كاوتش اندونيسى (290 ) ومصنوعيه تغيير وتركيب (7).
7- تصليح أكرة باب (10 ).
8- تغيير اسبراتير (220) وطمبوره خلفيه استيراد (50 ) ومصنوعيه (20).
9-كشاف اشاره (35).
10 - تظبيط كلاكس واشارات (15).
11- تظبيط فرامل وملو تيل وخراطة طنابير كله (180)
12- ترصيص الكاوتش الامامى (10).
13- تغيير لمبه اماميه (35)
14- طقم شمبر وفلتر وتغيير زيت مرتين وجوانات - نص عمره - كله بالمصنوعيه حوالى 500 جنيه.
15- وش فانوس امامى (25).
16- لمبة شبورة وتظبيط فيوزات كله بالمصنوعيه (30 ).
17- جلدة رداخ طلمبة بنزين بالزغاد (25) وتركيبها (10)
18- تغيير قاعدة شاربون للمارش (100) ومصنوعيه (25)
19- تغيير طقم بوجيهات (55)وتنظيف كربراتير ومصنوعيه الكل (20 )
20- تغيير قلب مساعد (175) وبيضتين مقصات (100) و2 كوبلن (300) ومصنوعيه (80).
21- بودره لكاوتش كان بيسرب (40).
22- فلاشه كاسيت (40).
23- تغيير استبن بايظ بواحد تيوبلس مستعمل والفرق (50)
24- كوريك تمساحه مستعمل 1 طن (75).
25- سمكره كامله (700).
26- دهان (بره كامل فرن وتلقيط دواخل وارضيه ودواخل عجل اندر كوت) الاتفاق على (1500)..

والسنيوره حاليا خرجت من السمكره ودخلت الدهان ودا شكلها بعد ما فضيتها كلها من الداخل بنفسى عشان اى حاجه فيها تتعمل ..






هذا وسنوافيكم بالاخبار تباعا وبالتكاليف والصور الجديده..
بس نصيحه من أخ.. تجنب شراء عربيه محتاجه تظبيط عشان هتزهق من الصنايعيه..
ويارب يكون فى الموضوع افاده لاى اخ فى المنتدى..

ربنا معاك يا فندم .... و يباركلك فيها إنشاء الله

مساء الفل يا رجاله ..
نكمل..
34- انبوبتين دفيكون وغمازين اشاره ومزيل صدأ 40 ج..
35- تركيب شريط للزجاج الامامى ومصنوعيه تركيبه وتركيب بربيز الشنطه بعد الدهان.. كله 65 ج..
36- تظبيط الكهرباء وتركيب الفوانيس واللذى منه.. 110 ج..
37- 2 غيار مساحه اماميه و2 رشاش مياه 20 ج..
38- اندركوت وتنر لاعاددة دهان دواخل العجل (هعيد عليها).. 20 جنيه..
39- شريط فسفور اسمر بدلا من جريده تركب على الابواب.. 15 جنيه..
40- لصق دبل قيس لتركب الاستوب .. 5 جنيه..
41- تربيط عفشه.. 10 جنيه
42- كارتيرات دواخل العجل الاربعه و4 دلايات .. 250 جنيه..
43- اصلاح كالون.. 10 جنيه
44- تغيير علبة شكمان.. 100 جنيه
45- تغيير كتاوت مروحة ريداتير وتظبيط دينمو.. 40 جنيه..
46- جلدة دواسة فرامل وجراب محمول وعمله معدنيه.. 10 ج
47- فواحه 10 جنيه..

........
هناك بعض النثريات لم تذكر.. مثل الاكراميات وثمن رفايع مثل الصواميل والورد والامير وما الى ذلك..
.......
هذه قصتى مع لادا سمارا..
أسوأ ما فيها هو التعامل مع الصنايعيه..
وأسوأهم هو صنايعى الدهان..
لا بارك الله له..
وأفضلهم .. صنايعى السمكره..
احيانا لما كانت تظهر حاجه اثناء الدهان والمعجون كان ياخد اللمبه ويروح يعملها عند البوهيجى..
........
صحيح صرفت كتيييييييييييييير
لكن اتعلمت كتييييييييييييييييير
والعلام مش ببلاش..
على حساب جيبك ووقتك..
كل يوم بعد الشغل كنت اسهر اشتغل فى العربيه لحد 2 بالليل..
فكيت دواخل العربيه كلها بنفسى وركبتها بنفسى..
ورشيت فبر العربيه كله بعد ما لحمت المكسور منه بدفيكون وركبته بنفسى..
وركبت الشنطه وزجاج الهوايات والمرايات وفرش الابواب والكراسى والسماعات بنفسى..
وعملت مفرش للتابلوه بنفسى..
عرفت كل كبيره وصغيره فى العربيه بتتعمل ازاى..
فكيت حزام الامان وصلحته..
صلحت طبلة باب كانت عطلانه الصنايعى نفسه معرفش يصلحها..
كله بتوفيق ربنا فى الاول طبعا..
........
شكر خاص,,
أختى.. وزوجتى .. شاى وساندوتشات
أمى.. كانت بتدعيلى (ربنا يقويك يابنى)..
أخويا.. وفر لى كل العده من اصغر مفك مرورا بالصاروخ والشنيور لحد الكمبروسر..
..
وشكرا لكم لاتساع صدركم..
اليكم بعض الصور..
بعضها مش واضح لكن هجيب لكم صور احسن ان شاء الله..
الصوره دى لما كنت بشتغل فيها جنب البيت..


دى صورة مفرش التابلوه.. انا اللى عملته بنفسى..



الصوره دى عند بتاع الكرتيرات..


الصوره دى..
لبعض الفبر كان مكسور صلحته ورشيته..


الصوره دى لقاعدة بطاريه عملتها بنفسى عشان البطاريه السايله بتاكل الصاج..

دى ورة العربيه حاليا..
مش واضحه قوى معلش..

الف مبروك ..احسن حاجه لماتعرف كل حاجه عن عربيتك ..ربنا يديك خيرها ويكفيك شرها :)

صور بجوده اعلى..