تيدا و لا متيداش !

**matawfeek** · 26-05-2014 05:11 PM

العفو يا باشا تحت امرك

انا معلوماتى ان الهاتشباك بتبقى اغلى من السيدان
و طبعا خد بالك برده ان سعر اعادة البيع حسب ما عرفت مش تمام قوى و هى تقيلة فى بيعها فأنصحك تشترى حاجة نضيفة على اد ما تقدر و تكون عاملة كيلوات قليلة عشان تقعد معاك 5 او 6 سنين مثلا و لو بيعتها بعد كده بخسارة شوية ماتبقاش متضايق انما لو جبتها عاملة 150 الف و بعد سنتين تبقى عدت ال 200 الف فتبقى تقيلة فى بيعها و كمان محتاجة مشترى موافق على عربية عاملة 200 الف . بس طبعا تكون متأكد من العداد انه مش ملعوب فيه.
انا ليا تجربة مع المازدا 3 كنت هاشتريها و كانت عاملة 88 الف و لما كشفت عليها (فى التوكيل ) قالولى دى من سنة و نصف كانت بتعمل صيانة عندنا و كانت عاملة ساعتها 226 الف كيلو .

ملحوظة صغيرة سلبية لاحظتها امبارح بس عشان تقريبا كان اول مرة امشى فى شوارع مكسرة و مدقات كده . حسيت ان العربية عفشتها ناشفة سنة و العجلة بتترزع شوية و انا نازل من المطب او فى نقرة و كمان حسيت انها بالذات لما تبقى عجلة بتنزل نقرة قبل التانية او و انا بعدى من على قضبان عالية مثلا و عجلة تطلع قبل التانية ان انا بترج جامد قوى جوة العربية يمين و شمال و خصوصا ان الكرسى ليه جنبين كدة بيبقوا لفين حولين الجسم شوية فبيخبطوا فى الجناب جامد و السبب فى ده انها عربية عالية فاى رجة تحت فى العجل على ما توصل فوق عند الظهر و الكتاف بتبقى الرجة جامدة سنة .
بس طبعا دى مش حاجة تخليك ماتجيبهاش انا بس بقولك انى حسيت بفرق عشان انا كنت سايق هوندا و هى واطية و كراسيها واطية جدا.

حاجة تانية تعرفها عشان ماتتخضش زيى:
بعد ما اشتريت عربيتى اللى لونها نبيتى و انا بفرجها لواحد صاحبى لفت نظرى لأن فى جزء من الصدر اللى قدام خالص ورا الاكصدام على طول و تحت الفيبر الاسود البلاستيك . الصدر ده لونه رمادى باين قوى عند قفل الكابوت بينما بقيت الصدر نفس لون العربية. كنت فاكر ان صاحبها عمل بيها حادثة و مغير الجزء ده (لأنه بيتفك و يتركب مش بيتلحم) بس انهارده بصيت على النت و اتأكد من كذا صورة ان ده الطبيعى. و يا ريت لو حد يأكدلنا برده الحكاية دى.

ربنا يوفقك

**Naa22** · 09-06-2014 09:32 PM

المشاركة الأصلية كتبت بواسطة matawfeek

انا ممكن افيد حضرتك بخبرتى المتواضعة

انا اشتريت تيدا من 5 ايام تقريبا تيدا سيدان 2007 فبريكا برة و جوة ما عدا الاكصدامات و فى كلام ان الرفارف الامامية فيها جزء مرشوش و ماشية 85 الف كيلو و اشتريتها ب 83500 جنيه.
السعر معقول على حالتها عشان هى الحمد لله الموتور و الفتيس و العفشة و الاساسيات كويسة . و كنت شايف قبلها بيومين واحدة اختها 2008 ماشية 92 الف كيلو بس فابريكا بالكامل و حالتها اجدد شوية صغيرة و كان اخرها خالص 93000 جنيه.

انا عربيتى المفروض اعلى فئة فيها جنوط سبور و 2 ايرباج و اى بى اس و جراب نظارة و فوجات ( بس الطارة مش مالتى)

انا جبت العربية دى بعد صراع طويل من المقارنة بينها و بين مازدا 3 نفس الفئة . بس فى النهاية جبت التيدا عشان حاجتين اساسيين ( اتساع الصالون و الشنطة العالمى - ارتفاعها عن الارض المفيد جدا فى المطبات و المؤثر اكيد فى الثبات ( حسب كلام الناس ) بس مافرقش معايا عشان انا الحمد لله مابجريش على الطريق اكتر من 140 لو مسافر مرسى مطروح بس .

اللى خلانى اجيبها مقارنات اتعملت قبل كده بينها و بين المازدا 3 و واحد قال فيها القول الفصل فى جملتبن
المازدا قلبك هايختارها
التيدا عقلك هايختارها

على فكرة هى تبان عربية صغيرة لحد ماتحطها جنب العربيات التانية هاتعرف انها كبيرة جدا قريبة فى ارتفاعها من العربيات الكروس اوفر زى الماتريكس كده.

الخلاصة انا حتى الان مش شايفلها عيوب يمكن غير ان الكاسيت شرايط - شكلها مش اى حد يحبه - مش ثابتة مع السرعات العالية - احتمال تكون فراملها خفيفة سنة بسيطة عن عربيات تانية - مافيهاش اى بى دى زى المازدا اعلى فئة - مافيهاش تعليق منفصل للعجل زى المازدا - موتورها ( عندى ) صوته عالى شوية بس انا لسة محتاج اغير زيت فتيس و شوية سيور و بوجيهات و عندى خرطوم بيظبط هواء الموتور مقطوع فغالبا الصوت هايظبط بعد كده - مش ستيبترونيك .

بصراحة انا فعلا مش لاقى عيوب لحد دلوقتى و انا كان اقتناعى بيها 70 % قبل ما اجيبها بس حاليا مقتنع بيها 100 % بعد 5 ايام تجربة .

خلى بالك برده انا ماليش فى مقارنات العربيات قوى عشان مابدلتش كتير هى هوندا 97 من 2001 لحد من شهر بيعتها و جبت دى .

ربنا يوفقك ان شاء الله و تلاقى حاجة كويسة.

ملحوظة عشان ماتقعش فيها زيى : توكيل ابو رواش مابيرضاش يعمل كشف بيع و شراء ( شاسيه و دواخل و كبس موتور) فلو عاوز تكشف فى التوكيل ( وده افضل طبعا ) رتب من قبلها مع توكيل يكون عنده الكشف.

ana f nafs 7eeertaaak bas new cars
Mazda 3 2014 old shape base line wala Tiida 2014? hal seme3t ay 7aga 3anha noting enaha ta2feel thailand wel mazda japenese 100% ?

**S O P H O S** · 18-07-2014 02:39 PM

هي عربية بتعجبني جدا
بس الهتشباك وان كان في كلام علي الثبات

**matawfeek** · 19-07-2014 04:27 PM

انا سمعت فعلا و الله اعلم ان التيدا الجديد مش يابانى 100 %
ده غير ان الناس هنا بتتكلم على ان سعرها اللى هو فى حدود 165000 غالى قوى عليها بس برده ماعرفش ممكن تكون الاسعار كلها عالية و هم مش واخدين بالهم الله اعلم