تجربتي المتواضعة مع v5

**altmami** · 22-05-2014 04:28 PM

اشكركم على الاهتمام
اما بالنسبة للعيوب فاعتقد ان معاكم موديل 2013 لان الموديلات السابقة ل 2014 كانت بيتعملها فحص من الشركة البافارية اما بعد ما بريليانس اصبحت توكيل منفصل في اواخر 2013 خلعت البافارية ايدها من الموضوع و ده السبب ان الشحنات الجديدة فيها عيوب كتير وده كان كلام مسئولين في مراكز الصيانة و حماية المستهلك الى لقيت عندهم شكاوى كتير ضد بريليانس و للصدفة البحتة وانا رايح هناك اعمل الشكوى لقيت المسئولة بتقولي ان في واحد كان موجود قبلي بشوية بيقدم شكوى وعربيته بريليانس v5 2014بس المشكلة عنده ان العربية فيها صدا و اكتشفه وهو بيركب فرش بالارضية

**yaso12** · 22-05-2014 05:27 PM

(دى طبيعة السيارات الصينى كما اخبرونى) دائماً مثيرة للجدل ولا يتفق عليها اثنان.

**smsm159753** · 22-05-2014 06:17 PM

المشاركة الأصلية كتبت بواسطة altmami

اشكركم على الاهتمام
اما بالنسبة للعيوب فاعتقد ان معاكم موديل 2013 لان الموديلات السابقة ل 2014 كانت بيتعملها فحص من الشركة البافارية اما بعد ما بريليانس اصبحت توكيل منفصل في اواخر 2013 خلعت البافارية ايدها من الموضوع و ده السبب ان الشحنات الجديدة فيها عيوب كتير وده كان كلام مسئولين في مراكز الصيانة و حماية المستهلك الى لقيت عندهم شكاوى كتير ضد بريليانس و للصدفة البحتة وانا رايح هناك اعمل الشكوى لقيت المسئولة بتقولي ان في واحد كان موجود قبلي بشوية بيقدم شكوى وعربيته بريليانس v5 2014بس المشكلة عنده ان العربية فيها صدا و اكتشفه وهو بيركب فرش بالارضية

انا موديل 2013 صحيح
لكن معقولة في 2014 كل العيوب دي ظهرت؟؟
يا ريت تحدثنا بالتفاصيل بعد اذنك ؟ وكل عيوب العربيات مش االعربية نفسها لكن التوكيلات علي اختلاف الانواع من الياباني للكوري للصيني

**tnn1960** · 24-05-2014 05:52 PM

والله انا كنت ناوى اشترى موديل 2015 لون ابيض عاجبانى جدا لكن كلامكم خوفنى شوية
طيب اتكل على الله ولا ليكم راى تانى والثقة الحمد لله فيكم اكيد
طارق نصير

**smsm159753** · 24-05-2014 09:17 PM

المشاركة الأصلية كتبت بواسطة tnn1960

والله انا كنت ناوى اشترى موديل 2015 لون ابيض عاجبانى جدا لكن كلامكم خوفنى شوية
طيب اتكل على الله ولا ليكم راى تانى والثقة الحمد لله فيكم اكيد
طارق نصير

والله يا باشا
معايا موديل 2013 مش فيها اي مشاكل
غير صوت تيل الفرامل ساعات مزعج (حله بقفل القزاز ولا بسمع اي حاجة خاااااالص)
العزل بتاع العربية ممتاز جداااااااا

**Father Fam** · 28-05-2014 01:50 AM

المشاركة الأصلية كتبت بواسطة smsm159753

العربية معايا بقالها سنة و3شهور

/مش فيهم اي حاجة من الحاجاات اللي بتقول عليها حضرتك خااااااااااااااااااااااال ص

بالنسبة للعيوب التى ظهرت بالترتيب عند حضرتك:-
1 + 2 ( لا يوجد نهائيا )
3-صوت صفارة شديد من تيل الفرامل للعجل الامامي
نعم يوجد صوت ( لكن هذا الصوت يوجد في عر بيات جديدة ايضا اقصد انواع اخري الان )
4-صوت دخول هواء على السرعات العالية من البابين الاماميين
غير موجود بالعكس انا ماشي علي 170 علي الاقل معايا 5 اشخاص و الشنطة مليانة
ولا الهوا سامعه في العربية وثبات عالي وغرز كمان علي السرعة دي

5-صوت الماتور عالي عن سيارتي السابقة(لوجان 2010معايا من الزيرو)
تتميز باتخفاض صوت الموتور وكمان لو انت مشغل التككيفف
6-باب الشنطة يحتاج اسلوب خاص للغلق من المرة الثالثة او الرابعة
( دي كانت معاي ساعة لما جبت العربية وفي صيانه ال 2000 كيلو عملتها في التوكيل وانتهت نهائيا )
7-لايمكن تركيب زينون حسب كلام التوكيل سواء عنده او بالخارج
معرفش حاجة عن الموضوع دا ( لاني مش محتاجه خالص)
8-تعليق بالسنسور باركينج + لمبة الايرباج
غير موجود نهائايا
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)

غير صحيح ان السحب ضعيف راجع موضوعي السحب من 0-100
ولسه قايل اني كنت ماشي علي ساكندرية الصحراي والعربية مليانة علي اخرها ناس وشيل
ومع ذلك كانت جايب ال 170 وال 180 مرتاح وعلي rpm هادي كمان

11- الفرامل متوسطة
حرام عليك ( فراملها انقذتني علي الاقل مرتين) والشكر لله طبعا والفرامل القوية للعريبة خصوصا اني بمشي بسرعة دايما وكمان abs +ebd
12- الفرش الداخلي ضعيف و يحتاج الى فرش جلد
لسه الفرش الداخلي معاي من ساعة ما جبتها ومش كسيتها ولسه كانه جديد
العيب في الموكيت اللي في الارضيه لكن بينضف باي مكنسة في اي car care service

13-خامات البلاستيك الداخلي ضعيفة
ضعيفة ازاي؟ في حاجة طقت او اتكسرت من الكروم اللي عندك مثلا؟
14- الدهان به مشاكل بناء على كلام اكثر متخصص بما فيهم المتخصص بمركز الصيانة
الدهان في مشكلة من اي ناحية برضه
انا عندي كل حاجة تمام خصوصا في اخر نقطتين 13 و 14

برضه عاوز انوه علي الحادث اللي خصل ليا في موضوع كتبته هنا برضه للاستفادة
بخصوص عربية نص نقل جاي بسرعة وانا واقف علي مطب ومسك فرامل شديدة لكن عربيته دخلت فيا من ورا (لانه اعمي اساسا) انا قلت العربية اتدششت من ورا لانه صوت الخبطة كان رهيب
ومع ذلك كل اللي حصل خدش في الاكصدام الفبر لا يتعدي عدة سنتيمترات والفانونس وكل حاجة تانية سليمة وحته صغيره من الدهاان اتخدشت وباين فيها الخدمة الممتازة للدهان

لو في وقت هبقا اصورها

اي استفسار تحت امرك

سلام عليكم

انا معايا v5 عمله ٤٥٠٠كم ورأيي وتجربتي معاها نفس كلام حضرتك بالظبط

احتمال العربية الاولى فيها مشكلة خاصة

**Father Fam** · 28-05-2014 01:54 AM

المشاركة الأصلية كتبت بواسطة smsm159753

انا موديل 2013 صحيح
لكن معقولة في 2014 كل العيوب دي ظهرت؟؟
يا ريت تحدثنا بالتفاصيل بعد اذنك ؟ وكل عيوب العربيات مش االعربية نفسها لكن التوكيلات علي اختلاف الانواع من الياباني للكوري للصيني

انا v5 موديل ٢٠١٤ ولا شايف فيها اي من العيوب دي خالص وعملت صيانه في البفارية جسر السويس

**Father Fam** · 28-05-2014 02:05 AM

المشاركة الأصلية كتبت بواسطة altmami

انا السيارة معايا من 1\4\2014 ماشي بها 2000كم
العيوب التى ظهرت بالترتيب:-
1-صوت خبط حديد في العفشة من الامام وصوت تزييق بالعفشة بشكل عام
2-صوت خبط و رزع في علبة الدركسيون على المدقات
3-صوت صفارة شديد من تيل الفرامل للعجل الامامي
4-صوت دخول هواء على السرعات العالية من البابين الاماميين
5-صوت الماتور عالي عن سيارتي السابقة(لوجان 2010معايا من الزيرو)
6-باب الشنطة يحتاج اسلوب خاص للغلق من المرة الثالثة او الرابعة
7-لايمكن تركيب زينون حسب كلام التوكيل سواء عنده او بالخارج
8-تعليق بالسنسور باركينج + لمبة الايرباج
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)
11- الفرامل متوسطة
12- الفرش الداخلي ضعيف و يحتاج الى فرش جلد
13-خامات البلاستيك الداخلي ضعيفة
14- الدهان به مشاكل بناء على كلام اكثر متخصص بما فيهم المتخصص بمركز الصيانة

المميزات:-
1- الثبات
2-الارتفاع عن الارض
3-صالون داخلي مريح وواسع و مريحة في السفر
4-الصاج قوي
5- الشكل جميل(وجهة نظر)

الصيانة:-
اتعامل مع مركز صيانة المصرية الاوروبية المركز المعتمد بالاسكندرية(ذهبت للمركز 3 مرات منذ وقت الشراء)
1-تم فحص تيل الفرامل و تنظيفة و اختفى الصوت لساعات قليلة وتم تنظيفة مرتين بعد ذلك و الصوت كما هو.
2-تم تربيط العفشة بالكامل و تشحميها حيث اخبروني ان السيارة تاتي من الخارج و نتيجة الشحن فان العفشة بتتفكك و اختفى صوت خبط الحديد و ظل صوت النزييق و صوت الخبط بعلبة الدركسيون حتى الان (طبيعة السيارات المرتفعة كما اخبرني السيد المهندس صاحب المركز)
3-تظبيط باب الشنطة و لم تحل المشكلة حتى الان (طبيعة الشنطة كما اخبروني)
5- تغيير الزيت حيث ان الزيت الموجود زيت تليين
4-باقي العيوب اخبروني بالمركز انها ليست عيوب و لكن هي طبيعة السيارة حيث انها تجميع صيني

اتفق مع حضرتك في العيوب ٤ و ٦ فقط
فعلا معايا صوت الهواء بيزيد بعد ١٢٠
والشنطة عايزة قوة
التوكيل قاللي تظبط
لكن باقي العيوب حتى ٤٥٠٠كم لم اواجهها ولم اسمع عنها مع اي ممن اعرفهم حتى استعمال سنة ونصف

انصحك بزيارة توكيل البفارية جسر السويس