الموضوع: تجربتي المتواضعة مع v5

ينهار ابيض كل دى عيوب اللة يكون فى العون العربية انا كنت بحترمها جدا كسيارة معرفش ان فيها كل العك دا

العيوب كتيرة شوية
والمهم موضوع الفرامل متوسطة !

المشاركة الأصلية كتبت بواسطة altmami

انا السيارة معايا من 1\4\2014 ماشي بها 2000كم
العيوب التى ظهرت بالترتيب:-
1-صوت خبط حديد في العفشة من الامام وصوت تزييق بالعفشة بشكل عام
2-صوت خبط و رزع في علبة الدركسيون على المدقات
3-صوت صفارة شديد من تيل الفرامل للعجل الامامي
4-صوت دخول هواء على السرعات العالية من البابين الاماميين
5-صوت الماتور عالي عن سيارتي السابقة(لوجان 2010معايا من الزيرو)
6-باب الشنطة يحتاج اسلوب خاص للغلق من المرة الثالثة او الرابعة
7-لايمكن تركيب زينون حسب كلام التوكيل سواء عنده او بالخارج
8-تعليق بالسنسور باركينج + لمبة الايرباج
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)
11- الفرامل متوسطة
12- الفرش الداخلي ضعيف و يحتاج الى فرش جلد
13-خامات البلاستيك الداخلي ضعيفة
14- الدهان به مشاكل بناء على كلام اكثر متخصص بما فيهم المتخصص بمركز الصيانة

المميزات:-
1- الثبات
2-الارتفاع عن الارض
3-صالون داخلي مريح وواسع و مريحة في السفر
4-الصاج قوي
5- الشكل جميل(وجهة نظر)

الصيانة:-
اتعامل مع مركز صيانة المصرية الاوروبية المركز المعتمد بالاسكندرية(ذهبت للمركز 3 مرات منذ وقت الشراء)
1-تم فحص تيل الفرامل و تنظيفة و اختفى الصوت لساعات قليلة وتم تنظيفة مرتين بعد ذلك و الصوت كما هو.
2-تم تربيط العفشة بالكامل و تشحميها حيث اخبروني ان السيارة تاتي من الخارج و نتيجة الشحن فان العفشة بتتفكك و اختفى صوت خبط الحديد و ظل صوت النزييق و صوت الخبط بعلبة الدركسيون حتى الان (طبيعة السيارات المرتفعة كما اخبرني السيد المهندس صاحب المركز)
3-تظبيط باب الشنطة و لم تحل المشكلة حتى الان (طبيعة الشنطة كما اخبروني)
5- تغيير الزيت حيث ان الزيت الموجود زيت تليين
4-باقي العيوب اخبروني بالمركز انها ليست عيوب و لكن هي طبيعة السيارة حيث انها تجميع صيني

العربية معايا بقالها سنة و3شهور


/مش فيهم اي حاجة من الحاجاات اللي بتقول عليها حضرتك خااااااااااااااااااااااال ص


بالنسبة للعيوب التى ظهرت بالترتيب عند حضرتك:-
1 + 2 ( لا يوجد نهائيا )
3-صوت صفارة شديد من تيل الفرامل للعجل الامامي
نعم يوجد صوت ( لكن هذا الصوت يوجد في عر بيات جديدة ايضا اقصد انواع اخري الان )
4-صوت دخول هواء على السرعات العالية من البابين الاماميين
غير موجود بالعكس انا ماشي علي 170 علي الاقل معايا 5 اشخاص و الشنطة مليانة
ولا الهوا سامعه في العربية وثبات عالي وغرز كمان علي السرعة دي

5-صوت الماتور عالي عن سيارتي السابقة(لوجان 2010معايا من الزيرو)
تتميز باتخفاض صوت الموتور وكمان لو انت مشغل التككيفف
6-باب الشنطة يحتاج اسلوب خاص للغلق من المرة الثالثة او الرابعة
( دي كانت معاي ساعة لما جبت العربية وفي صيانه ال 2000 كيلو عملتها في التوكيل وانتهت نهائيا )
7-لايمكن تركيب زينون حسب كلام التوكيل سواء عنده او بالخارج
معرفش حاجة عن الموضوع دا ( لاني مش محتاجه خالص)
8-تعليق بالسنسور باركينج + لمبة الايرباج
غير موجود نهائايا
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)

غير صحيح ان السحب ضعيف راجع موضوعي السحب من 0-100
ولسه قايل اني كنت ماشي علي ساكندرية الصحراي والعربية مليانة علي اخرها ناس وشيل
ومع ذلك كانت جايب ال 170 وال 180 مرتاح وعلي rpm هادي كمان

11- الفرامل متوسطة
حرام عليك ( فراملها انقذتني علي الاقل مرتين) والشكر لله طبعا والفرامل القوية للعريبة خصوصا اني بمشي بسرعة دايما وكمان abs +ebd
12- الفرش الداخلي ضعيف و يحتاج الى فرش جلد
لسه الفرش الداخلي معاي من ساعة ما جبتها ومش كسيتها ولسه كانه جديد
العيب في الموكيت اللي في الارضيه لكن بينضف باي مكنسة في اي car care service

13-خامات البلاستيك الداخلي ضعيفة
ضعيفة ازاي؟ في حاجة طقت او اتكسرت من الكروم اللي عندك مثلا؟
14- الدهان به مشاكل بناء على كلام اكثر متخصص بما فيهم المتخصص بمركز الصيانة
الدهان في مشكلة من اي ناحية برضه
انا عندي كل حاجة تمام خصوصا في اخر نقطتين 13 و 14

برضه عاوز انوه علي الحادث اللي خصل ليا في موضوع كتبته هنا برضه للاستفادة
بخصوص عربية نص نقل جاي بسرعة وانا واقف علي مطب ومسك فرامل شديدة لكن عربيته دخلت فيا من ورا (لانه اعمي اساسا) انا قلت العربية اتدششت من ورا لانه صوت الخبطة كان رهيب
ومع ذلك كل اللي حصل خدش في الاكصدام الفبر لا يتعدي عدة سنتيمترات والفانونس وكل حاجة تانية سليمة وحته صغيره من الدهاان اتخدشت وباين فيها الخدمة الممتازة للدهان

لو في وقت هبقا اصورها


اي استفسار تحت امرك

سلام عليكم

استاذsmsm ربنا يبارك لك في عربيتك و يحفظك من كل شر انا كتبت العيوب الى ظهرت عندي و يمكن تكون حاجة غريبة انها تظهر مره واحده و في مسافة ووقت قصير بس انا بحكم على العربية الى معايا مقارنة باكثر من سيارة كنت امتلكهم قبل كده وعلى فكرة انا قدمت شكوى في حماية المستهلك ورحت افحصها في مركز رمسيس المعتمد لبريليانس طبقا لكلام الوكيل في جسر السويس وعمل تقرير اقر فيه كل العيوب الى ذكرتها و ارسله للتوكيل و مستنى اروح بنفسي التوكيل في القاهرة لان محدش سئل فيه و ربنا المستعان

المشاركة الأصلية كتبت بواسطة altmami

استاذsmsm ربنا يبارك لك في عربيتك و يحفظك من كل شر انا كتبت العيوب الى ظهرت عندي و يمكن تكون حاجة غريبة انها تظهر مره واحده و في مسافة ووقت قصير بس انا بحكم على العربية الى معايا مقارنة باكثر من سيارة كنت امتلكهم قبل كده وعلى فكرة انا قدمت شكوى في حماية المستهلك ورحت افحصها في مركز رمسيس المعتمد لبريليانس طبقا لكلام الوكيل في جسر السويس وعمل تقرير اقر فيه كل العيوب الى ذكرتها و ارسله للتوكيل و مستنى اروح بنفسي التوكيل في القاهرة لان محدش سئل فيه و ربنا المستعان

اشكرك علي ردك استاذ altmami

المشكلة ممكن تكون فردية لكن هيا مش عيوب في العربية بشكل عام
دا اللي حبيت اوضحه خصوصا انها مع ناس كتير واعضاء كتير في المنتدي هنا

ومش تسيب حقك انت دافع فيها مبلغ كان ممكن يجيبلك عربيات كتير زيرو
تقبل تحياني