الموضوع: ممكن معلومات عن subaru impreza wrx sti و بتتعمل فين

السلام عليكم

لو عايز اعمل العربيه تروح لمين ؟!
هوا بيحصل لحام او نصين ولا نقل مكنه و خلافه مش اكتر ؟!
العربيه امكانيتها واحده يعنى مش حته من هنا و حته من هنا يعنى الشركه بتنزل تجميعه واحده لموديل 2007 مثلا wrx sti ؟!
تكلفه التحويل دا هتكون كام ان شاء الله ؟
احسن موديل اجيبو مستعمل منها و اركب عليه ؟! لانى سمعت ان كان فى مشاكل فى الماتور من الشركه و اتحل بعد 2005 ؟!
امكانيات العربيه هتكون ايه كا hp و من صفر ل 100 فى اد ايه ؟!
هل هيكون فى مشاكل فى الترخيص ؟!

اخيرا

ايه افضل انى اعمل الموضوع دا و يبقا subaru imperza wrx sti ولا اعمل دا فى بومه و اخليها evo 9

المشاركة الأصلية كتبت بواسطة blazer

لو مش هتفرق معاك التكلفه طبعا ال wrx sti افضل من ال evo عشان ال evo محتاجه لحام فى الشايه عشان مفيش فى الى بتنزل مصر مكان لتثبيت الكارونة
لو عاوز تحول عربيك افضل شكل فى راى ال 2007
تجيب عربيه شاسيه سليم فقط و هتشترى نصفين wrx sti نفس الموديل و يفضل نفس اللون عشان تاخد الكبوت و الاكصدامات من غير ما ترش
و هتفك عربيتك و تفضى النصفين فيها و ورقك يبقى سليم و هتثبت الماتور الجديد على الرخصه و خلاص على كدا
بس طبعا الموضوع مكلف و بيتهيالى النصفين مش هيقلوا عن 40 الف جنية و يفضل انك تعمل اوردر بعربيه تجيلك متقطعه عشان تكون عامله كيلو متر قليل و تجيلك بللون الى انت عاوزه

-تقصد ورق عربيه و العربيه مش فارقه حتى لو حادثه ؟ ولا هيكل ساليم مش راشش وبس مكنه مهريه ؟! لتقليل السعر
-الماتور هيكون نوعو ايه و بيوصل كام حصان و بتربو كام ؟!
-و معاه الورق يتاعو بيترخص عادى كام cc و كدا ؟!
-يعنى دى امكانيات ال 2007 wrx sti ولا فى اختلاف ؟

• Engine 2.5 L Flat 4-cylinder
• Drivetrain All Wheel Drive
• Transmission 6-speed Manual
• Horse Power 293 hp @ 6000 rpm

-ايه الفرق بين wrx sti / wrx sti limited
-موضوع الدهان انا عايز اغيرو ل لونين مثلا او كبوت و شنطه بلون مختلف فا عادى ؟!
-موضوع الترخيص اخلص العربيه و بعد كدا ارخص كل حاجا مره واحده مع العلم ان كدا هرخص سبولير . فتحه فى الكبوت . ماتور . لون ولا كل ما اجى اعمل حاجا اطلب الموافقه و اعملها ؟!

و اروح لمين مينصبش عليا فى فلوس او قطع من العربيه و كدا !

هشام اللي في الظاهر شفت عنده واحدة لسة بتتعمل بس ٢٠٠٨ مش ٢٠٠٧.
أساله أكيد هيفيدك عشان هو أصلا بيستورد حاجات سوبارو.

المشاركة الأصلية كتبت بواسطة lordnykon

هشام اللي في الظاهر شفت عنده واحدة لسة بتتعمل بس ٢٠٠٨ مش ٢٠٠٧.
أساله أكيد هيفيدك عشان هو أصلا بيستورد حاجات سوبارو.

العنوان ؟!

المشاركة الأصلية كتبت بواسطة مش فاكر

السلام عليكم

لو عايز اعمل العربيه تروح لمين ؟!
هوا بيحصل لحام او نصين ولا نقل مكنه و خلافه مش اكتر ؟!
العربيه امكانيتها واحده يعنى مش حته من هنا و حته من هنا يعنى الشركه بتنزل تجميعه واحده لموديل 2007 مثلا wrx sti ؟!
تكلفه التحويل دا هتكون كام ان شاء الله ؟
احسن موديل اجيبو مستعمل منها و اركب عليه ؟! لانى سمعت ان كان فى مشاكل فى الماتور من الشركه و اتحل بعد 2005 ؟!
امكانيات العربيه هتكون ايه كا hp و من صفر ل 100 فى اد ايه ؟!
هل هيكون فى مشاكل فى الترخيص ؟!

اخيرا

ايه افضل انى اعمل الموضوع دا و يبقا subaru imperza wrx sti ولا اعمل دا فى بومه و اخليها evo 9

أولا : اهنيك على تفكيرك : السوبارو فيها ميزة مهمة جدا و هى انك لما تحب تحولها للموديل الرياضى مش بتحتاج تلحم شاسيه و الكلام المش مضمون ده . و عليه بتجيب عربية و بتفضيها جوه بتاعتك و خلاص.

موديلات السوبارو من 2005 الى 2007 الرياضية هى كالأتى :
موديل بينزل بموتور 2500 سى سى من غير تربو قوته 165 حصان و ده لسه واصل مستورد عند هشام بالضاهر من 5 أيام.
موديل ال WRX ده بيكون موتور 2000 سى سى بس عليه تربو و بيكون 225 حصان
موديل ال WRX STI و ده اقوى موديل بيكون 2000 سى سى و تربو بس فيه تعديلات من الشركة الأم و بيكون 275 حصان.
تسارع ال WRX من زيرو الى 100 غالبا فى حدود 5.5-6 ثوانى
ال STI بتعمل من 4.5 الى 5 ثوانى تقريبا.

موضوع التحويل بقى :
النصين كاملين لل STI ممكن يعملوا 40000 الى 45000 و تكلفة التحويل تعملها 10 الى 15 الف يعنى مجمل فى حدود 55000 الى 60000 جنيه ..
اماكن التحويل : فى مصر فيه كذا واحد بس اللى اعرفه اعتقد اسمه أحمد الوكيل ده اللى كان عامل عربية هادى ربيع زميلنا .

فيه مكان ثانى بس ده 100% بس بالأردن و بيكون عن طريق صديق اردنى لينا اسمه عدى : و تم بالفعل عمل عربيتين من دمياط 2007 و تم تحويلهم الى STI و التكلفة كانت 60000 بالتنقلات و الجمارك .. و ميزة الأردن انهم متخصصين فالسوبارو و بيتم وضع العربية على الداينو و تظبيطها تظبيط 100% و بتخرج مفيهاش غلطة و بتكون زى الستوك .. ( و اللى اعرفه انهم بيعملوا الداينو عند واحد بالأردن مشهور جدا و كان الفائز بأخر سباق ريد بول دريفت اللى اتزاع و هو احسن داينو بالوطن العربى)

ده هشام :
https://www.facebook.com/hesham.sayed.7923?fref=nf


و ده عدى ممكن تسألهم و هيفيدوك جدا جدا :
https://www.facebook.com/odai.manna?fref=ts

و نصيحتى لو ناوى يبقى طبعا تحول لل STI لأن فرق التكلفة عن 2500 أو ال WRX مش فرق كبير بالسعر بتتكلم فى 5000 الى 10000 جنيه مع فارق رهيب فى القوة و المتانة بتاعة العربية.