الموضوع: ممكن معلومات عن subaru impreza wrx sti و بتتعمل فين

حوار صعب ومكلف
الى هيعمل عربيه wrx sti ميبصش للفلوس الى هتدفع لانة عاوز عربيه آداء عالى و مصاريف تشغيل اعلى من اى عربيه وسعر اعاده بيع ضايع
يعنى بيصرف الفلوس دى لمزاجة

المشاركة الأصلية كتبت بواسطة A.Adel

+1

وإيه الضمانات اللي بيدهلك عدي ده
مش ممكن يسرقني ؟

وبيدفعله مقدم ولا حاجة ؟
ولا لما بيخلص ؟

متابع متابع

يا ريت تتفرجوا على الفيديو ده من الدقيقه 14 لان اللقطه دى عجبتنى
https://www.youtube.com/watch?v=wDKrcZ7xLY8

المشاركة الأصلية كتبت بواسطة eslamsubaru

أولا : اهنيك على تفكيرك : السوبارو فيها ميزة مهمة جدا و هى انك لما تحب تحولها للموديل الرياضى مش بتحتاج تلحم شاسيه و الكلام المش مضمون ده . و عليه بتجيب عربية و بتفضيها جوه بتاعتك و خلاص.

موديلات السوبارو من 2005 الى 2007 الرياضية هى كالأتى :
موديل بينزل بموتور 2500 سى سى من غير تربو قوته 165 حصان و ده لسه واصل مستورد عند هشام بالضاهر من 5 أيام.
موديل ال WRX ده بيكون موتور 2000 سى سى بس عليه تربو و بيكون 225 حصان
موديل ال WRX STI و ده اقوى موديل بيكون 2000 سى سى و تربو بس فيه تعديلات من الشركة الأم و بيكون 275 حصان.
تسارع ال WRX من زيرو الى 100 غالبا فى حدود 5.5-6 ثوانى
ال STI بتعمل من 4.5 الى 5 ثوانى تقريبا.

موضوع التحويل بقى :
النصين كاملين لل STI ممكن يعملوا 40000 الى 45000 و تكلفة التحويل تعملها 10 الى 15 الف يعنى مجمل فى حدود 55000 الى 60000 جنيه ..
اماكن التحويل : فى مصر فيه كذا واحد بس اللى اعرفه اعتقد اسمه أحمد الوكيل ده اللى كان عامل عربية هادى ربيع زميلنا .

فيه مكان ثانى بس ده 100% بس بالأردن و بيكون عن طريق صديق اردنى لينا اسمه عدى : و تم بالفعل عمل عربيتين من دمياط 2007 و تم تحويلهم الى STI و التكلفة كانت 60000 بالتنقلات و الجمارك .. و ميزة الأردن انهم متخصصين فالسوبارو و بيتم وضع العربية على الداينو و تظبيطها تظبيط 100% و بتخرج مفيهاش غلطة و بتكون زى الستوك .. ( و اللى اعرفه انهم بيعملوا الداينو عند واحد بالأردن مشهور جدا و كان الفائز بأخر سباق ريد بول دريفت اللى اتزاع و هو احسن داينو بالوطن العربى)

ده هشام :
https://www.facebook.com/hesham.sayed.7923?fref=nf


و ده عدى ممكن تسألهم و هيفيدوك جدا جدا :
https://www.facebook.com/odai.manna?fref=ts

و نصيحتى لو ناوى يبقى طبعا تحول لل STI لأن فرق التكلفة عن 2500 أو ال WRX مش فرق كبير بالسعر بتتكلم فى 5000 الى 10000 جنيه مع فارق رهيب فى القوة و المتانة بتاعة العربية.

+11111111 عدى ماشاء الله شغله نظيف اوووى انا شوفت واحدة من بتوع دمياط ماشاء الله ربنا يبارك لصاحبها فيها