عايز اروح شرم الشيخ افيدونى

**svneleven** · 22-05-2014 03:49 PM

ميكروباص هيكون غالي مش أقل من 1200 مثلا جنيه رايح جاي.

**وليد مسلم** · 22-05-2014 03:56 PM

المشاركة الأصلية كتبت بواسطة shiko85

الميكروباص ممتع جدا فالسفر
انا قصدى تاخد ميكروباص ليك لوحدك, زمان كنا بنعمل كده ميكروباص سياحه و بنروح بيه شرم و طابا و نوبيع
تلف الكنبه و يبقى عندك مساحه ممتازه و مريحه جدا

يااااااااااااااااااااااه
فعلا انا فاكر وانا صغير كنا بنروح نصيف كده
والسواق بيفضل معانا وهوه اللى بيرجعنا تانى
كانت ايام جميله

جزاك الله خيرا

**alrabeh** · 22-05-2014 07:16 PM

أعرف واحد محترم معاه عربية النترا 2013 لو حبيت ممكن أسأله الرحلة تتكلف كام

لو ما يضايقش حضرتك الفندق اسمه ايه والتكلفة كام

وأجازة سعيدة وتروح وترجع فى أمان الله وحفظه

**alrabeh** · 22-05-2014 07:19 PM

أخبار الجو ايه هناك الفترة دى أنا شايف درجات الحرارة فى شرم الصغرى من 27-30 والكبرى من 32-38
فهل جو البحر بيخفف من حدة الحر ولا أفضل السفر فى الشتاء

**mohamed_hamdi** · 22-05-2014 09:12 PM

اخي الفاضل وليد باشا المحترم و رفيق الفكر السياسي نصيحة من اخوك غالبا الاكبر بلاش السوبرجيت طالما معاك ما شاء الله ٣ اطفال و السيطرة صعبة عليهم و رحلة مش قصيرة و الطيران التذكرة النهاردة ليك و لاختنا الفاضلة كل فرد ١٠٩٠ جنيه و الاطفال ٧٧٥ جنيه للطفل يعني بتتكلم في حدود ٤٥٠٠ طيران بس وفعلا افضل حل ليك مع الاسرة و طبعا الشنط الخاصة بالرحلة هو ميكروباص خاص مكيف سياحة و تكلفته مقارنة بالطيران رائعة و افضل كمان من فكرة العربية الالنترا الخصوصي حتى لو أغلى شوية و تبقى اشتريت راحتك و الاسرة.
بخصوص الفنادق الاربع نجوم و تنفع الاسرة فممكن تعمل معاينة فعلية من موقع بوكنج.كوم بعد ادخال التواريخ الخاصة بالرحلة و معها فلترة الفنادق في شرم الشيخ الى اربع نجوم فقط و ستجد فندقين او ثلاثة بدون ذكر اسماء منعا للحرج مع المنتدى و بهم العاب مائية و بوفيهات افطار و عشاء او افطار فقط و دي نصيحتي لان العشاء بره الفندق احسن و ارخص و كل يوم حاجة جديدة و بدون التقيد بمواعيد. حاول تختار الفندق ذو التقييم العالي من النزلاء السابقين و اقرأ تعليقاتهم و تقييمهم للمكان و الغرف. لو عايز ترشيح معين ابعتلي على الخاص لو حبيت و سارد عليك فورا
بخصوص التوقيت فالفترة الحالية كويسة جدا لشرم من حيث درجة الحرارة قبل الارتفاع الى ٤٢ درجة في ٧ و ٨ .
لاي مساعدة تؤمر يا كنج و دعاء من القلب بحسن الاختيار و اجازة سعيدة و حاول تعمل زي اخوك و تخلي الاجازة شاملة يومين الانتخابات بتوع ٢٦ و ٢٧ طالما مقاطع زي اخوك و الكثيرين من رافضي المسرحيات الهزلية.

**qkash.com** · 23-05-2014 12:02 AM

متابع....... ياريت اللي عنده تفاصيل اكتر عن رحلات قام بيها لشارم ياريت يفيدنا
لأني بفكر برده ان شاء الله في رحلة لأسرتي الصغيرة انا وزوجتي وابنتي

وجزاكم الله خيراً

**وليد مسلم** · 25-05-2014 09:12 AM

المشاركة الأصلية كتبت بواسطة alrabeh

أعرف واحد محترم معاه عربية النترا 2013 لو حبيت ممكن أسأله الرحلة تتكلف كام

لو ما يضايقش حضرتك الفندق اسمه ايه والتكلفة كام

وأجازة سعيدة وتروح وترجع فى أمان الله وحفظه

الفندق هو شيراتون
والاسعار هى الغرفه المزدوجه ب 550 جنيه لليله الواحده
وجزاك الله خيرا يا اخى

**mohamed_hamdi** · 28-05-2014 01:07 PM

وليد باشا و باقي الاخوة المحترمين، ان شاء الله راجع القاهرة النهاردة بالليل و هرفع تقرير مصغر عن اماكن الترفيه و بالاسعار قدر الامكان و كل واحد يرتب حسب رغبة الاسرة عنده. تحياتي للجميع سواء مقاطعين زي العبد لله او مشاركين في العرس الديمقراطي.