عمل فى السعودية بس ملخبط شوية ياريت تساعدونى

**amrezzat82** · 22-05-2014 12:23 PM

يا جماعة انا فى فرصة عقد من شركة كبيرة فى دبي حتفتح فى السعودية و المفروض انها بتخلص الاجراءات خلال 2 او 3 شهور بالكتيير
شغلي حيكون مهندس منتدب لعمل استشارات هندسية بداخل شركة سعودية حكومية تعمل فى مجال المياه فى الرياض و راتب مناسب و أهو أحسن من القعدة هنا من غير شغل

المفروض ان حيطلع لي فيزا - زيارة عمل - لمدة شهر على شركة اسمها شركة سرايا الشرق للتجارة و المقاولات فى القصيم - عشان الشركة الكبيرة ديه لسه بتخلص الاجراءات زي ما قالولي

و بعد كده تطلع فيزا تانية زيارة عمل لمدة شهر او 2 و بعد كده يكونوا خلصوا الاجراءات و يطلعوا العقد بتاعي الموثق من وزارة العمل السعودية و الغرفة التجارية و يعملوا تصريح عمل و الاقامة

عايز آرائكم فى الحاجات ديه عشان انا متلخبط جدا و ايه المفروض أعمله عشان أحفظ حقي
و جزاكم الله خيرا

**minicooper20** · 22-05-2014 12:27 PM

هى قصه ملخبطه خالص
دبى
الرياض
القصيم
شركه حكوميه
مهندس منتدب
فيزا عمل
انا مش قلدر اجمع
بس القادر اجمعو انها لو شركه كبيره فعلا مش هتجيب ناس الا لنا تبقا جاهزه من كل الاوراق

**amrezzat82** · 22-05-2014 01:39 PM

انا معاك انها ملخبطة بس ده بشوفه كتير فى اي مكتب استشاري -
العميل و خصوصا لو كان من جهة حكومية زي شركة المياه بيضغط على الاستشاري عشان يجيب موظفينه قبل اي ورق أو عقد أو لي حاجة و الورق يطلع بعد شهرين ثلاثة
موضوع مهندس منتدب ده عادي جدا فى عقود الجهات الحكومية فى مصر و الخليج بحيث أن الاستشارين لازم يتندبوا ناس من عندهم يشتغلوا فى مكاتب الجهات ديه

بس برضه انت مردتش على سؤال - ياريت لو تعرف تجاوبنى

المشاركة الأصلية كتبت بواسطة minicooper20

هى قصه ملخبطه خالص
دبى
الرياض
القصيم
شركه حكوميه
مهندس منتدب
فيزا عمل
انا مش قلدر اجمع
بس القادر اجمعو انها لو شركه كبيره فعلا مش هتجيب ناس الا لنا تبقا جاهزه من كل الاوراق

**minicooper20** · 22-05-2014 04:02 PM

طيب ايه هو السوال و انا اجاوب على طول يا باشا

**ahmedwagdy03** · 22-05-2014 04:26 PM

بصراحة الكلام اللى بتقوله ده غريب حبتين . يعنى إيه تيجى على شركة كبيرة لسة مالهاش وجود فى السعودية .

عادة إن الشركات الخارجية بتدخل على كفيل من السعودية زى اللى حاصل مع دار الهندسة حاليا دخلت تحت كفالة بن لادن بس بتشتغل مع الحكومة عادى بإسمها .

المهم طالما إنت زيارة مش إقامة مافيش قلق إن شاء الله لإن باسبورك فى جيبك (أوعى حد يقولك بسبورك مع الشركة و تمشى بجواب ) لإن الكلام ده فى حالة لما يكون بيعملك إقامة . لو حسيت بأى قلق إنت حر نفسك.

**Ahmed_Rahem** · 22-05-2014 04:27 PM

عقد عمل مع الجهة اللاصلية لعملك (شركة دبى) وذكر بة كافة الحقوق ليك (المرتب والبدلات) والواجبات العليك (انتداب إلى السعودية) ومستقبل النقل إلى السعودية فى الشركة الجديدة. إجراء بسيط يحل كل المشكلة.
ولما شركة السعودية تفتح عقد عمل تانى او تحويل عقد العمل من دبى إلى السعودية، حسب الاتفاق فى العقد الاول.

والسلام ختام

**Ahmed_Rahem** · 22-05-2014 06:24 PM

المشاركة الأصلية كتبت بواسطة amrezzat82

شكرا يا زعيم- هو عقد العمل ده المفروض يكون موثق فى خارجية و لا وزارة العمل بدبي؟ ولا كفاية انه مختوم من عندهم و خلاص؟
هو صحيح مش لازم أبعتلهم الباسبور و أصل المؤهل الأول عشان يبقى فى عقد موثق؟

- برجاء من الأخوة اللى شاهدوا الموضوع (حوالي 120) يقولوا آرائهم وإن كان فى حلول تانية و لا ايه- خير الناس أنفعهم للناس -

طالما مش هيطلعلك تاشيرة من دبى يبقى مش محتاج توثيق من وزارة العمل، ولا وزارة الخارجية. عقد بين طرفين مختوم بختم الشركة وتوقيع المدير العام (او ما يعادلة).

**Ahmed_Rahem** · 22-05-2014 06:35 PM

انت محتاج حاجة منهم تثبت ان انت بتشتغل معاهم.
وجوازك فى ايدك محدش ياخدة لا فى السعودية (انت معار ليهم) ولا فى دبى (مخالف لقانون الامارات).
والسلام ختام

الموضوع: عمل فى السعودية بس ملخبط شوية ياريت تساعدونى

LinkBack

أدوات الموضوع

عرض

عمل فى السعودية بس ملخبط شوية ياريت تساعدونى - انشر الموضوع فى :

-

-

-

-

-

المواضيع المتشابهه

صوت مش نقى ياريت تساعدونى

شغل فى العفشة ياريت تساعدونى

ياجماعه نفسى البس نضارة شمس ياريت تساعدونى ياريت اصحاب الخبره يدخلوا

ياريت المرادى تساعدونى

ياريت تساعدونى

الكلمات الدلالية لهذا الموضوع

المفضلات

المفضلات

ضوابط المشاركة