الموضوع: تيريوس 4x4 ومعدل استهلاك الوقود

السلام عليكم ورحمة الله و بركاته

انا حبيت اعرض عليكم تجربتي مع موضوع معدل استهلاك الوقود لاني اعتقد ان موضوع مهم و بيشغل اهتمام معظم الناس في ظل الرخاء الاقتصادي اللي احنا فيه.
المهم انا طبقا لمعدلات استهلاك الوقود اللي بتظهر في كمبيوتر الرحلات للعربيه كان استهلاكي من اول ما اشتريت العربيه علي النحو التالي:
1- داخل المدينه و الزحمه ومع تشغيل التكييف المعدل كان ما بين 8.5 و 10.5 .
2-في المشاوير البسيطه وبدون تشغيل التكييف المعدل كان من 8.5 و 9 .
3 في المسافات الطويله و بمعدل سرعات ما بين 100 و 140 كان معدل الاستهلاك ما بين 7.5 و 8 .

من كام يوم كان التنك عندي فاضي و اضتريت اني احط 10 لتر بنزين 90 لحد ما اللاقي بنزينه فيها 92 المهم حطيت البنزين ومشيت و لقيت العداد بتاع معدل الاستهلاك اتجنن و بقي 20 لتر لكل 100 كم و مع المشي شويه نزل و بقي ما بين 13 و 14 و دماغه والف جزمه مينزلش عن كده.
المهم اني من كل ده لقيت ان افضل معدلات استهلاك الوقود للسياره بيكون في الطرق المفتوحه و مع قياده طبيعيه و ليست رياضيه بمعني عدم الظغط علي دواسة البنزين بقوة لتسريع النقلات او القياده علي الاوفر درايف وايضا كلما ارتفع رقم الاوكتان للبنزين المستخدم بيكون معدل الاستهلاك اقل.
ملاحظه اخري مهمه ان بعض محطات البنزين بيكون الخزانات بتاعتها غير نظيفه و قديمه و بالتالي حتي لو البنزين 92 و لكن بيكون ملئ بالشوائب مما يتسبب في مشاكل للسياره و ارتفاع معدل استهلاك للوقود.