بعد حيرة كبيرة لمدة شهور مابين افيو الجديدة وبيكانتو هاى لاين واكسنت ار بى مستعملة
فى الاخر
اشتريت متسوبيشى اتراج 2014
العربية شكلا حلوة مقارنتا بالافيو وفى الطبيعة احلى من برة صاجها زى كل العربيات من الاكسنت للانوس مفيش فروق ملحوظة بالنسبة للمتور انا جايب الفئة الاولى اوتوماتك العربية سريعة على الرغم من انه 1200 سى سى لكن السرعة جميلة يمكن علشان المتور تربو
من جوة العربية فقيرة شوية يمكن للفئة الاعلى افضل شوية هى مفيهاش مدخل usb ولا ومدخل ولاعة والاقزار الخلفى مانيول لكن يعوض ده ان العربية واسعة بشكل كبير جدا جدا اللى قاعد من قدام مرتاااح جدا واللى قاعد ورة ممكن يفرد رجلة بسهولة الفرش جيد والعربية فيها اى بى اس وفيها واحد ايرباج والفئة المانيول زيها لكن الفئة الاعلى فيها 2 ايرباج
سعر المانيول 98 والفئة الاولى اوتو 104 الف والفئة الاعلى 113 الف
ودا فديو للعربية بالضبط بنفس الشكل
Auto Focus - New Attrage 2014 30/01/2014 - YouTube