( تكيف محتاج يتشحن ) بعني المفروض نصدق !؟

**ser3a_0** · 22-05-2014 08:38 PM

ماهو المشكله ان فعلا معظم الناس بتقول كده

مش عارف يعني بيتعاملو مع بنجلادشيين :d

**juba1983** · 24-05-2014 01:14 PM

ممكن لو حد قالك التكييف محتاج يتشحن تتفق مع معاه اتفاق قوله انا اشتريت بس شوف تكلفة شحن التكييف كام واعمله وانا احاسب عليه اذا وافق وطلع كلامه مظبوط يبقي ماخسرتش واذا اتهرب او برر موقفه .من رايي الشخصي ببعد عن العربيه كلها لاني والله اعلم مخبي عليه ايه تاني والمشكله ان كل واحد تكلمه يقولك انا مش تاجر وانا مسافر بره وببعها علشان ماركنهاش الكلمه الشائعة البيع بسبب السفر

**Land_Cruiser** · 24-05-2014 01:42 PM

الله اعلم بنيات الناس و لذلك ما تقدرش تقول ده نصب و لا لأ و لذلك نطلب منه يشحنه الاول قبل الشراء فلو وافق وراح يشحنه ده معناه انه جاد في البيع فعلا و كان مكسل زي ما بيقول و بعد ما يشحنه هيبان اذا كان سليم و لا لأ لان ممكن يكون فيه مشكله بس البائع ما يعرفهاش اما لو رفض و اتحجج يبقي اصرف نظر علي طول

**ser3a_0** · 25-05-2014 03:38 AM

الموضوع بقي عادي فله الضمير

هي دي المشكله

**mmahdy90** · 08-06-2014 10:53 PM

واحد صديقي كان بيعاين سيارة وصاحبها قاله الكلمة المشهورة إن التكييف محتاج شحن ولما ذهب بالسيارة لأحد المتخصصين ليعاين السيارة قاله يا دكتور العربية اصﻻ مافيهاش كمبرسور وﻻ حتي كويل :-) الظريف أن صاحب العربية يقوله يا استاذ ده كان شغال ثﻻجة

**SYD** · 09-06-2014 12:56 PM

المشاركة الأصلية كتبت بواسطة mmahdy90

واحد صديقي كان بيعاين سيارة وصاحبها قاله الكلمة المشهورة إن التكييف محتاج شحن ولما ذهب بالسيارة لأحد المتخصصين ليعاين السيارة قاله يا دكتور العربية اصﻻ مافيهاش كمبرسور وﻻ حتي كويل :-) الظريف أن صاحب العربية يقوله يا استاذ ده كان شغال ثﻻجة

هههههههههه
حلوة بردو كلمة ثلاجة دي

**Ahmed Saad** · 09-06-2014 09:33 PM

فعلا صباح النصب والغش وانا بدور على عربيه وقعت في فيكترا 2002 2000سي سي ايكوتك عامله 81000 وصاحبها طالب 69000 قولت اشوف لاقيت التكييف مش بيسقع ويقولي بسيطه ده محتاج شحن فرحت سايبه وقولتله حرام عليك دانت عايز تبيع العربيه بسبب التكييف وبتصتنصح وعاوز تلبسها لواحد وطبعا الاوبل معروفه في أعطال التكييف