صيانه بطارية السياره

**D . a .\ AYMAN** · 30-11-2008 10:36 PM

المشاركة الأصلية كتبت بواسطة Mohosaka

شكرا للمعلومات الجميلة بس لى سؤال
لو العربية هتتركن فترة مدة شهر او اكتر فهل ممكن شحن البطارية فى البيت بدل تدوير وتشغيل العربية كل 4 او خمس ايام ولو ممكن شحن البطارية فى البيت اية المطلوب لعمل دة ؟ مع العلم ان البطارية سائلة وشكرا

أنا برضه نفسي أعرف إزاي ممكن الواحد يشحن البطارية من مخرج الكهرباء اللي في البيت ... يعني هل في adaptor يحول الفولت والأمبير من 220 فولت الى 12 فولت مع أمبير 75 - 80

وهو أصلا التونجر اللى بيبقى عند الكهربائي ده عبارة عن إيه

ياريت اللى يعرف يقوللنا بارك الله فيكم

**mrghost** · 04-12-2008 05:51 AM

المشاركة الأصلية كتبت بواسطة Mohosaka

شكرا للمعلومات الجميلة بس لى سؤال
لو العربية هتتركن فترة مدة شهر او اكتر فهل ممكن شحن البطارية فى البيت بدل تدوير وتشغيل العربية كل 4 او خمس ايام ولو ممكن شحن البطارية فى البيت اية المطلوب لعمل دة ؟ مع العلم ان البطارية سائلة وشكرا

معلش اتأخرت فى الرد بس
طبعا ينفع بس لازم يكون عندك تونجر فى البيت زى اللى عند الكهربائى بس طبعا غالى جدا

**mrghost** · 04-12-2008 05:53 AM

المشاركة الأصلية كتبت بواسطة m7nsh

متشكر جداااااااا يااستاذ خالد على اجابتك ليا

ومعلش فى سؤال تاااااانى

ينفع الواحد يغير بطاريته السائله بجافه ؟؟ او العكس ؟؟

ينفع وده احسن علشان تريح نفسك من حكاية تزويد المياه كل شويه بجانب ان فوران المياه من البطاريه يسبب تآكل قاعده البطاريه والبويه اللى فى الحوض
بس هى بتبقى اغلى حوالى 100 جنيه فقط عن البطاريه السائله

**mrghost** · 04-12-2008 05:57 AM

المشاركة الأصلية كتبت بواسطة NYSMA

أنا برضه نفسي أعرف إزاي ممكن الواحد يشحن البطارية من مخرج الكهرباء اللي في البيت ... يعني هل في adaptor يحول الفولت والأمبير من 220 فولت الى 12 فولت مع أمبير 75 - 80

وهو أصلا التونجر اللى بيبقى عند الكهربائي ده عبارة عن إيه

ياريت اللى يعرف يقوللنا بارك الله فيكم

طبعا فيه والتونجر ده عباره عن ترانس (transformer) السعه بتاعته (rated ) كبيره حوالى مثلا 100 امبير ولا حاجه وبينزل الجهد من 220 فولت ac الى حوالى 16 فولت dc
علشان لازم يكون جهد الشحن اكبر من جهد البطاريه (زى الموبايل كده البطاريه 3.7 فولت والشاحن بيطلع حوالى 5 فولت)
وطبعا بيسحب كهرباء جامده من البيت
يعنى حوالى وليس بالظبط p=v*i
حوالى 4.5 امبير من كهرباء المنزل ودى قيمه كبيره مش صغيره
معلش اصلى مهندس كهرباء

**lancerevolution** · 05-12-2008 03:10 AM

القواطيش كان عليها ملح روحت للكهربائى حط عليها شحم مشيت بيها يومين تقريبا العربية مسخنتش فيهم قوى المهم تالت يوم سافرت بيها ورجعت ركنتها فى حتة واسعة الشحم نزل بين القواطيش و العمود و فصل كهربة العربية و بهدل الدنيا و بوظ الكمبيوتر مش عارف أبرمجه كويس لحد دلوقتى فيا ريت الحذر الشديد فى حتة الشحم و إنه يكون تقيل و ميدخلش بين العمدان و القواطيش

**lancerevolution** · 05-12-2008 03:15 AM

معلومة تانية الكهربا الى فى الورشة غير كهربة البيت دا نظام و دا نظام تانى خالص الى فى الورشة 3 فاز بيستعمل فى الأغراض الصناعية و الأحمال العالية جدا عكس البيت 1 فاز و الى بيستعمل للأحمال الخفيفة و عملية شحن البطارية تعتبر حمل كبير جدا

**mrghost** · 06-12-2008 07:10 PM

المشاركة الأصلية كتبت بواسطة lancerevolution

معلومة تانية الكهربا الى فى الورشة غير كهربة البيت دا نظام و دا نظام تانى خالص الى فى الورشة 3 فاز بيستعمل فى الأغراض الصناعية و الأحمال العالية جدا عكس البيت 1 فاز و الى بيستعمل للأحمال الخفيفة و عملية شحن البطارية تعتبر حمل كبير جدا

حضرتك التونجر ممكن يشتغل على كهرباء البيت عادى بدون مشاكل بس هو اساسا غالى لانه زيه زى السخان والاحمال العاليه دى يعنى مش شرك 3 phase لا ممكن يشتغل على 1 phase