صيانه بطارية السياره

**mrghost** · 11-10-2008 06:50 PM

السلام عليكم ورحمة الله وبركاته
سوف اتكلم قليلا عن بطارية السياره وبعض طرق الصيانه
يوجد نوعين من البطاريات منها السائله والجافه
والبطاريات السائله هى التى تحتاج لصيانه دوريه وممكن اصلاحها اذا تلفت (فى بعض الاحيان ) وهى ارخص نوعا ما
بالبنسبه للبطاريه السائله يجب تزويد ارباع البطاريه بماء مقطر كل 3 شهور على الاقل (الماء المقطر ماء سخن لدرجة الغليان وبعد كده بيتكثف ويستعمل حتى نتخلص من الاملاح )
يجب ان تكون قواطيش البطاريه نظيفه حتى توصل الكهرباء جيدا وتشحن جيدا من الدينامو
تنظف القواطيش من الاملاح اما بقطعة سنفره او بالماء الساخن ولتجنب تكون الاملاح تغطى القواطيش بالشحم
يجب التأكد من ان البطاريه لا تسرب ماء من اعلى (من الغطيان ) حتى لا تتلف قاعدة البطاريه وتتآكل القاعده والبويه اللى اسفل القاعده
ممكن وضع البطاريه داخل (شنطه بلاستيك ) لانه لا يتآكل مع المياة المتسربه وبالتالى لن تتسرب المياه الى جسم السياره
يجب الا تترك الاسياره بدون تسخين اكثر من 4-5 ايام مع مراعاه المناخ (صيف ام شتاء)
مع الوقت تجد ان البطاريه لا تستجيب ويقولك الكهربائى ان عمرها الافتراضى انتهى وكل ده علشان انت تجرى تشترى واحده جديده وهو يشترى منك القديمة بارخص الاسعار فى هذه الحاله اذهب الى محل بطاريات وخليه يغير المياة ويضعها على الشحن فتره طويله ( انا بسيبها حوالى يوم) وبعد كده ركبها فى العربيه وامشى بيها وهتلاقيها فى اول الايام مش بتدور لو ركنتها فتره طويله فحاول انك تمشى بيها مشاوير كبيره لمده اسبوع مثلا وستجد ان البطاريه عادت للحياه من جديد (عن تجربه والله وفى اكثر من بطاريه مختلفين (حوالى 5 بطاريات )) وهذه العمليه لن تكلفك اكثر من 10 جنيه ثمن الشحن وتغيير المياه وشكرا