الموضوع: سؤال مهم جدا فى رينو ستيب واى 2014

مش عارف بصراحه يارب الاعضاء تفيدك
بس حجزتها بكام ؟؟ لانى بفكر فيها اليومين دول

السلام عليكم
الاستيب واي 2014 فيها فئتين التوب لاين ب 100900 جنية وفئة اقل بس مش متاح الحجز ليها الان

الكاسيت فعلا بشاشة تاتش سواء ملاحة او تشغيل الاغاني والملفات الصوتية

وعلي الفكرة السعرة دة من التوكيل انا قبل ما احجزها من التوكيل سألت بالمصرية للسيارات وكان سعرها 103000 وفي بعض المعارض من 104 الي 105

للعلم انا حجزتها يوم 10 الي فات ومدة التسليم من شهرين الي شهرين ونص ودية اول عربية ليا بس اخويا ووالدي عشاق الرينو وعن تجربة شخصية الرينو لو جايبها زيرو هتعشقها
وعلي فكرة انا قبل ما حجز لحسن حظي كانت موجودة بالتوكيل وجربت اغلب الاشياء فيها وعربية رااااااائعة بمعني الكلمة مقارنة بسعرها ومعفية من الجمارك يعني بتشتري عربية بأقل من سعرها حوالي من 25 الي 30 الف

ولو فية اي استفسارات بشأن الخواص قولي لاني لما حجزت اخذت عرض فية كافة مواصفات الاستيب واي من التوكيل

بالتوفيق
السلام عليكم

الف شكر ليك انا كمان ادونى البرشور بتاعها بس لقيت الشاشة عليها دايره بتؤكد ان ده اختيارى وسمعت ناس بتقول انى لازم ادفع 2000 جنيه لو عايز الشاشة التاتش ...والكلام كتير حتى فى المصرية قالولى هنسال التوكيل ...الغريبة بقى انى سالت التوكيل امس اكدلى ان كل الموديلات تنزل شاشه تاتش سواء الوجان او السنديرو او الستيب واى ، بس لما شفت السانديرو امس فى المصرية لقيتها شاشة كاست عاديه ....حاجه تحير ومفيش حد عارف يفيدك فى اى حاجه

ياريت تاكد
هل فيها الشاشة التاتش هل فيها سنسور بارك...ياريت تقولنا لانك كده الوحيد اللى شاف الستيب واى 2014 الشكلالجديد تقريبت

المشاركة الأصلية كتبت بواسطة moataz1313

ياريت تاكد
هل فيها الشاشة التاتش هل فيها سنسور بارك...ياريت تقولنا لانك كده الوحيد اللى شاف الستيب واى 2014 الشكلالجديد تقريبت

الشاشة تاتش مليون بالمئة والي بيقول يدفعو 2000 جنية دية اشعة دة حتي انا لما شوفتها كانت المعروضة في التوكيل الفئة الي مش متاح حجزها الي هيا اقل وكان الكاسيت سي دي عادي وسألتة وقتها دية نفس مواصفات الي هجزها قالي لا الي حضرتك حاجزها الكاسيت بتاعها بشاشة تاتش وفية نفيجيشن

الاستيب واي مفيهاش سنسور بارك

وعلي فكرة الاستيب واي كانت موجودة من شهر في المصرية والتوكيل ودلوقتي مش موجودة في معرض تقريبا بس شوفتها في الشارع اكثر من مرة يعني بدئو يسلمو خلاص

وللعلم لو عايز المفيد اتصل ب 16202 وقولهم مكانك وقولهم عايز رقم اقرب معرض سيارات لرينو واتصل بالمعرض واسئلة دة الي هيقولك المفيد وللعلم انا سألت تاني الان بالمعرض علي الشاشة وأكدلي انها هستلمها بشاشة تاتش

واضافة للسابق العربية دية هتتحارب بشكل لا تتخيلة عشان هتأثر علي سوق عربيات كثير جدا لانها الاولي مقارنا بأي عربية بنفس سعرها او حتي ازيد من 10 الي 20 الف

المشاركة الأصلية كتبت بواسطة asermohamed

الشاشة تاتش مليون بالمئة والي بيقول يدفعو 2000 جنية دية اشعة دة حتي انا لما شوفتها كانت المعروضة في التوكيل الفئة الي مش متاح حجزها الي هيا اقل وكان الكاسيت سي دي عادي وسألتة وقتها دية نفس مواصفات الي هجزها قالي لا الي حضرتك حاجزها الكاسيت بتاعها بشاشة تاتش وفية نفيجيشن

الاستيب واي مفيهاش سنسور بارك

وعلي فكرة الاستيب واي كانت موجودة من شهر في المصرية والتوكيل ودلوقتي مش موجودة في معرض تقريبا بس شوفتها في الشارع اكثر من مرة يعني بدئو يسلمو خلاص

وللعلم لو عايز المفيد اتصل ب 16202 وقولهم مكانك وقولهم عايز رقم اقرب معرض سيارات لرينو واتصل بالمعرض واسئلة دة الي هيقولك المفيد وللعلم انا سألت تاني الان بالمعرض علي الشاشة وأكدلي انها هستلمها بشاشة تاتش

انا النهاردة رحت للمصري قالول مفيهاش واكدولى انها مش بتنزل مصر لسه .. وحجزت العادية هاى لاين,,ودلوقت اتصلت 16202 وحولونى على معرض امام نادة هليوبلس وقالى مفيهاش شاشة , اللى موجود فى البلشور لسه منزلتش , وقالى برده مفيش غير العادية ...ياريت تتاكد من انها بتنزل بالشاشة وتقولى اتكدت من مين لانى بصراحة احتديت على الرد عليا لما قالى معنديش المعلومة قلتله امال اعرف منين اروح اسال عن العربية فى شركة تويوتا....فياريت تتاكد عشان اروح اخرب بيت المصرية اللى مصر الجديدة.