الموضوع: استفسار بخصوص الكيا ريو والسيراتو

المشاركة الأصلية كتبت بواسطة prooo

ياراجل حرام عليك والله ..... يعني ولا فيها جنوط ولا مالتي فانكنشن ولا مرايات ضم ولا اشارات في المرايات ...ولا جلد في الفتيس والابواب والطاره ولا فوج لايت ولا انوار القرايه في الشماسات ولا مخدع بين الكرسيين ولا التحكم في ارتفاع كرسي السواق ولا مثبت سرعه ولا حساسات ولا فتحه سقف ........ دي كده بالسعر ده تبقى غاليه جدا وحرام عليك تجيبها لو جبتها هتندم .... الريو متتركبش الا هاي لاين ...... والهاي لاين السيدان الخليجي ب 136000 او 138000 يعني فرق 5000 ...... اعتقد ال5000 جنيه يستاهل فرق الكماليات دي ..... بلاش تجيبها انت اللي خسران لو جبتها حتى لما تيجي تبيع بعد عمر طويل ان شاء الله ساعتها مبيفرقش خليجي من وكيل اللي بيفرق الكماليات .... ارجو تقبل رائي الشخصي

انا معاك في اللي انت بتقوله ، حبيت اوضح بس ان فيه فئة وكيل فيها abs&ebd&airbag غير الهايلاين

عشان فيه ناس بتقلق من الخليجي وبتفضل الوكيل عشان الضمان وبتبص لبعض الكماليات اللي مش موجودة زي مثبت السرعة والفوجات والحساسات انها حاجت ممكن تركب بعد كدا لكن وسائل الآمان مابتتركبش وانا بصراحة واحد منهم ههههههه رغم ان الخليجي رجع يلعب في دماغي

المشاركة الأصلية كتبت بواسطة ahmedmohamed7

اللطيف انى مش لاقى الريو الخليجى الكاملة ديه :@
الفئة الى موجوده فى الليثى فيها كل حاجة فتحة سقف و جنوط و فوجات و مالتى وايرباج بس من غير abs و ديه ب 136 الف و مش هينفع اشترى العربية من غير abs
عشان كده فقرت فى فئة التوكيل الى ب 133 الى فيها الايرباجز و abs

كل الى انا عايزه خليجى abs وايرباجز و فتحة سقف و جنط 15 مش 17 كمان :) حد يدلينى عليها

مشكلة الخليجي ان فئاته كتير وحبة اردني علي حبة سعودي حاجة تحير !!
حاول تسأل في جابر عبدالشهيد اكبر مورد للسيارات الخليجي وماتنساش لما تلاقيها قبل ماتخلص فيها من باب الاحتياط تجيب رقم الـ vin عشان تتأكد وربنا يوفقك ويوفقنا في الاختيار

المشاركة الأصلية كتبت بواسطة ahmedmohamed7

فين جابر عبدالشهيد ده ؟ و هيفرق فى ايه ال VIN ؟ عايز طريقة تخلينى اتاكد من وجود ال immoblizer و ABS ؟

جابر عبدالشهيد 11 شارع الأنصاري متفرع من شارع الخليفه المأمون -مصر الجديده
فايده ال vin ‎‏ انك بتقدر تكشف من خلاله علي العربية وتعرف كل مواصفتها واللي من ضمنها هل فيها abs‏ وايمبولايزروهل هي سعودي أو اردني او الخ الخ
وفي طريقه تانيه عشان تتأكد ان العربيه فيها ايمبولايز أول ماتدور كونتاك في علامه هتظهر علي لوحة المعلومات عباره عن عربية وعليها مفتاح لو ظهرت يبقي العربية فيها ايمبولايزر‏ واتمني حد من الأعضاء يفيدك او يضيف او يصحح اللي انا قولته لو فيه حاجه غلط وربنا يوفقك في الشراء

المشاركة الأصلية كتبت بواسطة ahmedmohamed7

متشكر يا فندم جدا :)

لاشكر علي واجب وبالتوفيق انشاء الله وابقي طمنا وصلت لإيه