عايز اروق الاسكودا فيفوريت

**MiDoHaLiM** · 23-05-2014 12:37 PM

بسم الله الرحمن الرحيم

اولاً عايز اشكر كل الاعضاء اللي في القسم دة لان بجد استفدت من خبرتهم و تجاربهم مع الفيفوريت بتاعتي , ثانياً معايا فيفوريت و الله عربية حمالة اسية و بتشتغل بضمير لكن مشكلتها الحرارة لكن الحمد لله عرفت اتغلب علي المشكلة دي , و عايز اروق العربية اركب , انذار و وحدة رفع و زجاج كهربا و جنوط و ارش العربية و نظام صوت كويس , المهم في كل دة الزجاج الكهربا و وحدة الرفع و الانذار مش عارف مين يركبهم ولا مكينة رفع الزجاج و اي ماكينة تركب علي الفيفوريت ولا ليها حاجة خاصة بيها لان انا تعبت فعلاً من اليدوي و واحد صاحبي عنده 128 و مركب كل دة و بيذل فيا , معلش بقي طولت عليكم و ياريت حد يشرح لي بالتفصيل لان عندي بحس ان الصنايعية عندهم غباء في التعامل مع العربية دي مش عارف ليه

**EngAhmedSayed** · 23-05-2014 02:45 PM

اشطة اول مرة اشوف واحد عاوز يروق الفيفوريت
بس لو حقيقة مش خسارة فيها لانها اول عربية اشتريها فيفوريت و بعشقها جدااااااااااااا
علشان كدة مش هستخسر فيها الرد
بس بشرط تعملنا تقرير و بالصور و بالتكاليف وكل حاجة
تمام
بص يا صديقى العزيز عاوزين نشتغل شغل الصح علشان يبقى شغل المصنع
سيادتك اولا هتجيب كونسولة بالذيل
لية بقى لانى دى بيركب فيها زراير زجاج الكهرباء مش فى الباب و هتعمله فى حدود 200 جنية
هتجيب عدد 4 مكنات كهرباء و عدد 2 وحدة رفع يعنى هتدخل فى تكلفة 600 جنية
و تجيب انذار وولف و خليه الكهربائى يشغلك كل الاوبشن اللى فيه
بمعنى علشان تيبقى فاهم
يشغلك اوبشن لما تيجى ماشى اول ما تدوس على الفرامل السنتر يقفل اتوماتيك
يشغلك اوبشن لما تيجى تسيبها من غير ما تقفل 15 ثانية تقريبا تقفل سنتر اتوماتيك
يشغلك اوبشن اول ما تيجى تبطل العربية السنتر يفتح اتوماتيك لوحده
يشغلك اوبشن اول ما تفتح اى باب فى العربية الانتظار يشتغل اتوماتيك
يشغلك اوبشن وحدة الرفع مع السنتر بالريموت
علشان لما تقولو على الاوبشنات دى و فتحلك بوقه سيبه و امشى لانه ممكن ميكونش فاهم
هتفرق الاوبشنات مع الكونصوله و زراير الكهرباء هتلاقى فرق فى العربية بقيت تحس انى متوكب مع الزمن شوية
الانذار بالسنتر يعملو بتاع 180 جنية تقريبا
نصيحة بخصوص الجنوط خليك فى الجنوط الاصلية بتاعتها لانى الجنوط الاسبور دة مشروع فاشل على العفشة
عاوز تروشها 4 طاسات و الله هيظبطو الشكل و بأقل تكلفة
اخبار الفوجات لايت بتخلى شكل العربية حلوه من قدام لو مش راكبين راكبهم بيخلو الشكل جميل
انا شرحتلك الحاجات اللى انا اعرفه
بخصوص نظام عندنا هنا فى القسم شاب عفريت فى نظام الصوت اسمه بيسو لو تعرف تقفشه اساله خبرته جامدة فى الموضوع
ربك المستعان

منتظرين التقرير و الشرح الوافى من سيادتك

بالتوفيق ان شاء الله

**المنسي** · 24-05-2014 09:48 AM

الكونسولة ومكن الزجاج عند بتوع الاستيراد وحدات الرفع والانزار عند بتوع الكماليات

**المنسي** · 24-05-2014 01:56 PM

المشاركة الأصلية كتبت بواسطة midohalim

يعني الفيفوريت ليه مكن خاص بيها وهل مكنة الفليشيا تركب عليها !! , الكهربائي اللي يركبهم ولا مين ؟!!!

معرفش هل ليها مكن خاص بيها ولا لا بس على ما اعتقد ان مكن الفليشيا يركب واللى يعملهم الكهربائى

**EngAhmedSayed** · 25-05-2014 10:37 AM

على فكرة بيركب عليها
مكن الفليشيا و ممكن يركب عليها مكن يابانى بس الكهربائى يعرف يوفق موديل على العربية
ولازم يكون متمارس
و الحاجات هتجيبه زى ما قلك
محمد المنسى
ربك المستعان

**EngAhmedSayed** · 25-05-2014 07:50 PM

هو انتا اصلا سيادتك منين

الموضوع: عايز اروق الاسكودا فيفوريت

LinkBack

أدوات الموضوع

عرض

-

-

-

-

-

المواضيع المتشابهه

لو سمحتم يا شباب الاسكودا عايز كود اللون ده للفنتازيا

مساعده انا جديد مع الاسكودا فيليشيا عايز اعرف اجيب قطع الغيار دى منين

فيفوريت

عايز اعرف الاسكودا الى معايا فانتازيا ولا كلاسيك انا محتار

عايز فيفوريت مكيفة وتكون بحالة ممتازة

الكلمات الدلالية لهذا الموضوع

المفضلات

المفضلات

ضوابط المشاركة