الاربى ام

**adhmmaamon** · 23-05-2014 11:18 PM

السلام عليكم ورحمه الله وبركاته .
كنت من فتره غيرت المشط بواحد المفروض انه اصلى علشان العربيه كانت بتبرجل ومش مظبوطه كهربا .. وبالفعل المشط الجديد ظبط الاداء عن الاول بكتير .

كمان غيرت الاسبراتير علشان القديم كان فيه بوش .. وبالمره رحت اشتريت موبينه اصلى تشيكى .. طبعا الاداء اختلف تماما عن الاول من حيث السحب والعزم والعربيه فاقت كتير .

المشكله بقى :
- لما بدور العربيه الاربى ام بيبقى على 700 لفه (ده والعربيه سخنه طبعا ) فى السلانسيه ..لما ببقى ممور العربيه ودوست بنزين المفروض ان الاربى ام يطلع وبعدين ينزل تانى لحد ال700 لفه . صح؟

للاسف مش ده اللى بيحصل .. لما بدوس بنزين الاربى ام بيطلع وبعدين ينزل لتحت جدا ممكن 400 او 300 لفه لمده 5ثوانى وبعدين يرجع يطلع تانى ل 700 لفه .. طبعا فى ال5 ثوانى دول العربيه بتبرجل ولازم الحقها واسند رجلى على البنزين .. فهل المشكله دى كهربا ولا كربراتير مع العلم ان الكربراتير نظيف ولسه مغيرله فلتر هوا ..؟؟؟؟؟؟

- المشكله التانيه ابتدت تظهر مؤخرا انى لما بمشى على التانى او التالت على سرعه 60 او 80 ومروحه الردياتير تبدأ تشتغل عزم العربيه بيقل ولازم اعوض قله العزم دى بالضغط زياده على البنزين .. (المروحه كبيره حبتين 7ريشه بس بتبرد العربيه كويس جدا كمان انا موصلها على كتاوت ) فهل الكتاوت ضعف ولا ايه السبب ؟؟؟؟

- المشكله التالته لما العربيه بتبقى على السلانسيه (العربيه واقفه ) بحس ان فيه زنه فى العربيه (حاجه كده كأن العربيه بترعش ) .. برضه مش عارف ايه السبب ؟؟؟

**ahmedamgad18** · 24-05-2014 12:17 AM

لو انت عندك حساس الايدل ... ممكن يكون عاوز يتنظف وهو المسئول عن عدد لفات الموتور بيقببها او بيزودها حسب الاحتياج .... بس مش عارف انت عربيتك فيها هذا الحساس ولا لأ ؟

**المنسي** · 24-05-2014 09:35 AM

قيست شحن الدينامو؟؟؟؟؟؟؟؟؟؟؟؟؟؟

**adiaa222** · 24-05-2014 10:50 AM

المشكله بقى :
- لما بدور العربيه الاربى ام بيبقى على 700 لفه (ده والعربيه سخنه طبعا ) فى السلانسيه ..لما ببقى ممور العربيه ودوست بنزين المفروض ان الاربى ام يطلع وبعدين ينزل تانى لحد ال700 لفه . صح؟

تمام من 7 الى 9

[/COLOR][/COLOR]
للاسف مش ده اللى بيحصل .. لما بدوس بنزين الاربى ام بيطلع وبعدين ينزل لتحت جدا ممكن 400 او 300 لفه لمده 5ثوانى وبعدين يرجع يطلع تانى ل 700 لفه .. طبعا فى ال5 ثوانى دول العربيه بتبرجل ولازم الحقها واسند رجلى على البنزين .. فهل المشكله دى كهربا ولا كربراتير مع العلم ان الكربراتير نظيف ولسه مغيرله فلتر هوا ..؟؟؟؟؟؟

[color="rgb(72, 209, 204)"]الكهربة احتمال تكون ماخرة او السلانسية عايز يزيد شوية من مسمار البنزين او فلتر البنزين مسدود او طرمبة البنزين ضعفت [/color]

- المشكله التانيه ابتدت تظهر مؤخرا انى لما بمشى على التانى او التالت على سرعه 60 او 80 ومروحه الردياتير تبدأ تشتغل عزم العربيه بيقل ولازم اعوض قله العزم دى بالضغط زياده على البنزين .. (المروحه كبيره حبتين 7ريشه بس بتبرد العربيه كويس جدا كمان انا موصلها على كتاوت ) فهل الكتاوت ضعف ولا ايه السبب ؟؟؟؟

[color="rgb(72, 209, 204)"]اروح لكهربائى يقيس شحن البطارية
[/COLOR]
- المشكله التالته لما العربيه بتبقى على السلانسيه (العربيه واقفه ) بحس ان فيه زنه فى العربيه (حاجه كده كأن العربيه بترعش ) .. برضه مش عارف ايه السبب ؟؟؟

[color="rgb(72, 209, 204)"]دة بياكد ان مشكلتك فى ضبط الكهربة
[/size][/quote][/color][/COLOR]

**aw2100** · 24-05-2014 10:40 PM

مشكلتك 85% من شحن الدينامو او ان البطارية ضعفت وده بسبب انك مركب مروحه قوية واكيد ترموستات 82/67 الواطية ودى بتخلى المروحة تشتغل طول مالعربية دايرة وتاكل البطارية وتحمل جامد على الدينامو
5% راجع على سير الدينامو ممكن يكون مرخى
نوع البنزين اللى بتفوله اية ؟
10% لو 80 ممكن يكون البنزين فيه ميه او وسخ وسد الكاربراتير وفلتر البنزين ؟؟