الموضوع: العزل الحراري للأسقف

فكرة جيده ربنا معاك :) متابع بشدة

المشاركة الأصلية كتبت بواسطة automea

فكرة جيده ربنا معاك :) متابع بشدة

المشاركة الأصلية كتبت بواسطة esam_refaat

واحد جارى عمل الاتى على ارضية السطح جاب الواح فوم ابيض سمك 4 سم وحط فوها مونة اسمن ورمل زى المحارة كده عشان تحفظ الفوم من التكسير والتطاير بس مش ينفع حد يمشى عليها كتير

فيها مشكلة لو سألتي سعر اللوح بكام ...وهل الفوم بيجي بالمتر المكعب ولا حسب السماكة ...لاني سمعت انو بالمتر المكعب وانتا بتقطع براحتك علي السمك المطلوب

وكمان لو فيها رخامة انا مساحة شقتي صافية بدون مداخل ومساقط حوالي 110 متر او 100 متر تقريبا ...فهيكون مطلوب كام لوح

المشاركة الأصلية كتبت بواسطة gelgel2004

السلام عليكم
اسمحلى اشارك بشويه معلومات
يفضل علشان نعزل الدور الاخير نعمل الاتى
المبانى بتاعه الدور الاخير من الطو الرملى ده لو فى حاله كان لسه الدور بيتبنى -
انما الدور لو مبنى نعمل الاتى
السطوح على الخرسانه
1/ ننظف الخرسانه كويس جدا جدا بالكنس و التنظيف
2/ نحط بلك سواء بالتسخين او بال الافرخ الجاهزه بع التسخين علشان الرطوبه و المطر
3/ نحط الواح الفوم السميك و دى تبتدى من 2 سم الى 15 سم و طبعا كل مازاد التخانة و السمك كانت النتيجه احسن
4/ طبق ه لياسة اسمنتيه او بلاط اسمنتى مع مراعاه الميول
الحل الاقتصادى
1/ ننظف السطح كويس
2/ نحط بيتومين سواء على البارد او الساخن
3/ بلاط اسمنتى بطبقة فوم من 5 - الى 7 سم مع مراعام الميول

حل اخير
تسيب الوضع كما هو حالى و تهمل تنده حديد بارتفاع 1.50 م مثلا يحيث يمر الهواء من تحتها و متنساش لو عاوز توفر الاستهلاك بتاع الطاقة المكيف يكون بنظام الانفرتر ( ماركة جرى او كاريير )
الحصان بيغطى فى الاحوال العادية من 8 الى 10 متر اما الدور الاخير 8 م فقط يعنى على الاقل لو المساحه 50 م للصاله فكدة حضرتك محتاج مكيف 5 حصان و فى الحاله ده ادامك كذا اختيار
1/ 2 مكيف انفرتر 2.5 ح جرى او يورك ( علشان يسلمو بعض )
2/ 1 جهاز فرى ستاند من الانواع السابق الاشارة اليها.

و اى استفسار تحت امرك

معلومات جيدة جدا وانا قريت الطريقة تفصيلا

لكن بالنسبالي في بعض النقط لو حضرتك توضحهالي


اية فايدة البلاك هل للعزل الحراري او لعزل الرطوبة والماء ....لاني لا احتاج لتلك النوعية من العزل انا محتاج عزل حراري فقط


هل البلك الساخن ضروري سواء جبت فوم او جبلت فلين ؟؟

واية رايك في الطوب الخفيف الابيض ....سألت البنا اللي كان بيجبلي الطوب الاحمر في العمارة قللي العربية كسر طوب ابيض متحملة ب180 جنية ل200 جنية ...فاية رأي حضرتك في الحل دا


الواحد يجيب عربية ونص مثلا ويفردهم كويس ويعمل عليهم لايسه اسمنتية بحيث السقف يكون متساوي

بس قلقي من النقطة دي اني احتمال ابني دور كمان فهل دا ممكن يكون لية تأثير علي سيراميك الدور اللي هيتبني ..


عند حضرتك فكرة عن الاسعار

واسف جدا علي كثرة الاستفسارات


تحياتي العطرة لك من ساهم في الموضوع

اية فايدة البلاك هل للعزل الحراري او لعزل الرطوبة والماء ....لاني لا احتاج لتلك النوعية من العزل انا محتاج عزل حراري فقط
البلك للعزل الرطوبة و غلق مسامات السقف

هل البلك الساخن ضروري سواء جبت فوم او جبلت فلين ؟؟
ممكن الساخن او على البارد انما الساخن لزوجته بتكون احسن
واية رايك في الطوب الخفيف الابيض ....سألت البنا اللي كان بيجبلي الطوب الاحمر في العمارة قللي العربية كسر طوب ابيض متحملة ب180 جنية ل200 جنية ...فاية رأي حضرتك في الحل دا
موش فاهم يعنى كسر الطوب يعنى ايه انما الطوب الابيض اكثر من ممتاز اللى هو الرملى بيعزل صوت و حراره و موفر جدا فى الوزن و الكهراء عموما اذا كان ده فياريت تعمل ال
شقه كلها منه و هو عموما بيتباع بالمتر المكعب لدى الشركة .
الواحد يجيب عربية ونص مثلا ويفردهم كويس ويعمل عليهم لايسه اسمنتية بحيث السقف يكون متساوي

بس قلقي من النقطة دي اني احتمال ابني دور كمان فهل دا ممكن يكون لية تأثير علي سيراميك الدور اللي هيتبني ..

ممكن لو عليت بارتفاع متوسط فمفيش مشكله و ممكن لما تبنى تفك الفوم لو انما لوموش هتعمل بلك

كسر الطوب هو هدر مصنع الطوب

واقصد الطوب دا

[sor2]http://www.souqaldoha.com/vb/attachment.php?attachmentid=24411&d=1325671858[/sor2]

المشاركة الأصلية كتبت بواسطة hugan

لو تكلفه ااعزل عاليه اعمل سقف معلق افضل احسب التكلفه وشوف اﻻرخص

لحد دلوقتي محسبتش اي تكاليف لعدم معرفتي بالاسعار


لكن عرفت ان الفلين الابيض ( الفل العادي اللي بيكون جاي في كراتين الغسالات والتلاجات وكدا )
ارخص شيء

لسة برضو معنديش معلومات كافية عن الموضوع بشكل كبير , فبجمع كل المعلومات الاول بحيث لو حبيت ابني ميكنش في مشكلة في الدور اللي هيتبني ....

خصوصا في كل الاحوال ان التكلفة هتكون اقل بكتير من تكلفة اني اركب تكيف او اتنين عندي لاني مساحة الصالة 50 متر فاقل شيء تكيف 5 حصان سعرة مش هيقل عن 6500 جنية او 7000 جنية

انا حاطط ميزانية 2000 جنية للعزل او 2500 إن شاء الله


بنتظار مشاركة الاعضاء ولو في حد يتكرم ويسألنا عن الاسعار لاني خارج مصر :)