الموضوع: استرا 2014 ولا سيراتو 2015

المشاركة الأصلية كتبت بواسطة برنس الليالي

وحدة وحدة

-النيو سيراتو فيها شاشة تاتش
- تحكم في وضع القيادة ( مش فاهم قصدك إيه بس الأسترا بتتحكم في إرتفاع الدريكسيون ودخلوله وخروجه)
-كراسي كهربائية في 10 اتجاهات مع ذاكرة للحفظ ( فعلا)
- ليدات امامية وخلفية (دي اوبشن ؟؟؟؟ بتفرق عربية عن عربية ؟؟؟؟؟؟)
- فتحة سقف (الاسترا مافيهاش فتحة سقف غير في التربو ودي فئة سعرية تانية خالص)
- وفيها درج مجهز بخاصية التبريد (مجهز !!! يعني مفيش تبريد)
- زر تشغيل واطفاء المحرك (الاسترا نفس الفكرة بس مش زرار.....يعني مش لازم تفضل معلق المفتاح لحد مالموتور يدور....هي لفة واحدة وتسيب المفتاح والموتور بيكمل لوحده الدوارة)
- كاميرا خلفية (الأسترا سنسورز )
- مرايات حرارية (مش فاهم قصدك...الأاسترا بتقفل وتفتح كهربا)
- خاصية ضبط أرتفاع كرسى السائق (الاسترا فيها!!!!! )
- ناقل الحركة بعجلة القيادة (فعلاً)
- غير المحرك الـ130 حصان بيجيب تسارع للـ100 في اقل من الـ10 ثوان

الاسترا اللي يميزها الـesp وفيها 4 ايرباج مش 2 زي السيراتو

ده غير أن الاسترا فيها تحكم في الزجاج من الريموت.
و traction control.
إضاءة اوتوماتيكية.
حساس مطر.

فيه واحد صاحبي كان معاه الاسترا ٢٠١٣ انجوي مشي بيها ٢٨٠٠٠ كم و باعها في اخر السنة ب ١٤٩٠٠٠ عشان يجيب سيراتو هاي لاين ٢٠١٤ خليجي رغم ان الناس كلها قالتله حتحس بفرق كبير المهم هو كابر عشان الاوبشنز و جابها ب ١٦٥٠٠٠ المهم الأسبوع الي فات باع السيراتو و هي ماشية ٧٠٠٠ كم ب ١٥٢٠٠٠ و بيدور علي استرا كسر زيرو انجوي ٢٠١٤ و كان بيكلمني عايز يشتري بتاعتي . قالي انا طمعت في الاوبشنز بس فعلا لا وجه للمقارنة في السواقة بين ال ٢ و مصر انه يرجع يجيب الاسترا قلتله طب ما كان مالاول لازم العند يعني!!

المشاركة الأصلية كتبت بواسطة Hesham256

ده غير أن الاسترا فيها تحكم في الزجاج من الريموت.
و traction control.
إضاءة اوتوماتيكية.
حساس مطر.

تحكم في وضع القيادة comfort - normal - sport بتخلي الطارة تقيلة على السرعات عشان تحس ان العربية مسكة نفسها جامد مش عايمة

- وزر تشغيل المحرك دا مهم ... العربية مش بتدور لما تدوس عليه إلا لما يكون المفتاح في جيبك يعني لو واحد غيرك جرب يدوس مش حتدور إلا والمفتاح جوا العربية

- الكاميرا الخلفية بتبينلك وراك على الشاشة وانت بتركن

المشاركة الأصلية كتبت بواسطة superdry90

فيه واحد صاحبي كان معاه الاسترا ٢٠١٣ انجوي مشي بيها ٢٨٠٠٠ كم و باعها في اخر السنة ب ١٤٩٠٠٠ عشان يجيب سيراتو هاي لاين ٢٠١٤ خليجي رغم ان الناس كلها قالتله حتحس بفرق كبير المهم هو كابر عشان الاوبشنز و جابها ب ١٦٥٠٠٠ المهم الأسبوع الي فات باع السيراتو و هي ماشية ٧٠٠٠ كم ب ١٥٢٠٠٠ و بيدور علي استرا كسر زيرو انجوي ٢٠١٤ و كان بيكلمني عايز يشتري بتاعتي . قالي انا طمعت في الاوبشنز بس فعلا لا وجه للمقارنة في السواقة بين ال ٢ و مصر انه يرجع يجيب الاسترا قلتله طب ما كان مالاول لازم العند يعني!!

مش للدرجادي هي العملية ارتياح بس
هي الاسترا ثبات طبعاً بوجود الـesp
بس كمحرك وشد معتقدش انها افضل بتاتاً من السيراتو

المشاركة الأصلية كتبت بواسطة برنس الليالي

تحكم في وضع القيادة comfort - normal - sport بتخلي الطارة تقيلة على السرعات عشان تحس ان العربية مسكة نفسها جامد مش عايمة

- وزر تشغيل المحرك دا مهم ... العربية مش بتدور لما تدوس عليه إلا لما يكون المفتاح في جيبك يعني لو واحد غيرك جرب يدوس مش حتدور إلا والمفتاح جوا العربية

- الكاميرا الخلفية بتبينلك وراك على الشاشة وانت بتركن



مش للدرجادي هي العملية ارتياح بس
هي الاسترا ثبات طبعاً بوجود الـesp
بس كمحرك وشد معتقدش انها افضل بتاتاً من السيراتو

تمام...بس الاسترا الدريكسيون بيتقل لوحده عالسرعات ده غير إن الكمبيوتر ADAPTIVE يعني لو لقاني بشد وبحرق من الأول بيعلق النقلات متأخر ولو في مطلع مثلا مش بتنقل من الأول أو الثاني (حسب المطلع) لحد مالمطلع يخلص.
بس أعتقد طالما السيراتو فيها Sport -comfort وكده يبقي كمان استجابة الدواسة بتفرق وسرعة استجابة الفتيس وتسقيط النقلات أسرع.
مهو الاسترا مش هتدور غير لما المفتاح يكون فيها أصلاً ودي امان برضه وفيها Immobilizer مش عارف السيراتو عملوا إيه في الحوار ده.
هي الكاميرا حاجة كويسة بس اصلها مش موجودة في عربيات كتير.....ولا الإنسيجنيا حتي فيها.

المشاركة الأصلية كتبت بواسطة Mohamed.Hany

في بعض الاوبشنز تحتاج لتوضيح فقط

- تحكم في وضع القيادة (.مش فاهم قصدك إيه بس الأسترا بتتحكم في إرتفاع الدريكسيون ودخلوله وخروجه)
هو يقصد و ضع القيادة في الكمبيوتر بتاع العربية تقدر تختار برامج لقوة تقل الباور بتاع الدركسيون normal sport comfort

-كراسي كهربائية في 10 اتجاهات مع ذاكرة للحفظ ( فعلا)
هو اوبشن جيد بصراحة و بتقدر تسجل وضعين للكرسي في الذاكرة

- ليدات امامية وخلفية (دي اوبشن ؟؟؟؟ بتفرق عربية عن عربية ؟؟؟؟)
الليدات شياكة و مدية شكل رياضي شبابي خصوصا الخلفية

- وفيها درج مجهز بخاصية التبريد (مجهز !!! يعني مفيش تبريد)
التبريد شغال فيها و بتقدر تقفله او تفتحه

- زر تشغيل واطفاء المحرك (الاسترا نفس الفكرة بس مش زرار.....يعني مش لازم تفضل معلق المفتاح لحد مالموتور يدور....هي لفة واحدة وتسيب المفتاح والموتور بيكمل لوحده الدوارة)
هو يقصد نظام الدخول الذكي و زرار start stop engine

- مرايات حرارية (مش فاهم قصدك...الأاسترا بتقفل وتفتح كهربا)
مرايات تعتيم قصده و اعتقد دي موجودة في الاسترا برضو

السيراتو بتزيد برضو شوية حاجات تانية

حساست ركن امامية
Welcome lights في مقابض الابواب و المرايا
مسند يد خلفي و حامل اكواب
مخارج تكييف خلفية


غير كدة الاسترا تكتسح في الامان و الثبات و جودة الخامات الداخلية.
يعيبها فقط بطئ الطلعة الاولي و ضيق المساحة الداخلية و التوكيل فقط لا غير.

الكلام ده مبني علي تجارب شخصية للعربيتين و الاتنين محيرين جدا في الفئة السعرية دي بجانب الفلوانس و الكورولا ، تحياتي للجميع و مبروك مقدما للي بيفكر

شكرا للتوضيح الوافي.
بس انا الطلعة عندي مش وحشة أوي يعني....مش بحس انها بطة...بس أنا بحط 95....أنا جربت اشغلها 92 تفويلتين كده وفعلاً لقيتها تقيلة بغباوة رحت راجع تاني 95 والطلعة بقت عادية مش وحسة...بس عالسرعات بتجري جري فظيع.
المساحة الداخلية بالنسبالي مش قضية خالص....انا شايفها عادية. السيراتو أوسع من جوة ده أكيد. بس هي أوسع من كل العربيات في الفئة دي أصلاً.
التوكيل انا بتعامل مع حبيبة اللي في الرحاب والصراحة دول محترمين جدا جدا وحببوني في التوكيل وناس امينة وعندهم صنايعة فهمين. منصور لازم يتشتم فخليني ساكت أحسن.

المشاركة الأصلية كتبت بواسطة mohamed.hany

ربنا يباركلك يا هشام باشا في عربيتك و الاسترا طبعا لا غبار عليها.
كنت محتار جدا مبين الاسترا و الفلوانس و الكورولا و السيراتو و ربنا هداني للكورولا و الحمد لله مبسوط و يارب كل الناس تبقي مستريحة و مبسوطة باختياراتها مهما كانت و ده مربط الفرس.
تحياتي ليك و لبرنس الليالي

شكراً لذوقك العالي وربنا يباركلك في الكورورلا ويكفيك شرها ويبعد عنك الحاسدين.
الكورولا من أحسن السيارات في الفئة دي شكلاً وموضوعاً.