الموضوع: استرا 2014 ولا سيراتو 2015

Akid astra wiith no doubt

المشاركة الأصلية كتبت بواسطة برنس الليالي

السيراتو افضل من ناحية الوسع والاوبشنز والمحرك والتوكيل واعادة البيع

الاسترا من ناحية الامان والثبات

السيراتو اوبشنز اكتر !!!!!!! إزاي بس؟؟؟

الأسترا اعلي من ناحية الثبات والأمان والأوبشنز والجودة والعمر الإفتراضي والإسم والراحة.
أوحش في التوكيل وإعادة البيع بس.

المشاركة الأصلية كتبت بواسطة yasser100

الاسترا مش بتسخن . الخوف من ده بس مستقبلا استنادا على ارتفاع وزن العربيه بالنسبه للموتور و استنادا لسوابق الفكترا مع الموتور 1600 و الاسترا مع الموتور 1300

سوابق الفيكترا ده مش مشكلة سخونة ولا الأسترا. معلومة بسيطة, مفيش استرا في تاريخ أوبل نزلت 1300 سي سي. أكيد قصدك عال1200.
مواتير أوبل القديمة مصممة أنها تسخن لسبب ان صبابات العادم مليانة صوديوم بيسموه Sodium Filled Exhaust Valves.
الصوديوم ده بينصهر عند درجة حرارة 95 مئوية وده علي عكس المتوقع بيبرد الصبابات أحسن. بس مينفعش يشغل المراوح عند 95 عشان كده أول مالصوديوم ينصهر هيتصلب تاني عشان بردناه, فخلوا المراوح السرعة الأولي بتاعتها علي 100 عشان ينصهر الصوديوم ويوزع درجة حرارة الموتور علي الصباب كله بدل مايتركز علي جزي واحد فقط وده سبب إن الناس فاهمة ان العربية بتسخن. فممكن يكون بالنسبة لنا العربية سخنة ودي مشكلة بس الهندسة بتقول أنها أحسن لتبريد الأجزاء المهمة اللي في الموتور.
و متنساش إن في الهندسة المواتير السخنة بتيقي more efficient عن الساقعة.
المواتير الجديدة عشان يوفره في الإنتاج بقت عادية فمش محتاجين أنهم يوصولوا درجة الحرارة ل100, خلوها ثابتة علي 90 زيها زي كل العربيات حالياً.

المشاركة الأصلية كتبت بواسطة yasser100

شكرا على الافاده :) و لكن ليس لهذا الوزن المرتفع تاثير على كفاءة الموتور مستقبلا ؟

هو الوزن التقيل هيسبب إرتفاع إسهلاك البنزين ده أكيد لأنك هتدوس بنزين أجمد عشان العربية تتحرك والوزن عامل حمل عالموتور ده أكيد. بس الموتور ده في تكنولوجيا عالية زي الvariable valve timing و في برضه balance shafts عشان نعومة الموتور ومنع الإهتزازات مع الأحمال. فأعتقد أن تصميمه عالي ومش هيحصل منه مشاكل بشرط........الإهتمام بالصيانة في ميعادها.

المشاركة الأصلية كتبت بواسطة yasser100

.تمام يا ريس . معليش هاتقل عليك . ايه موضوع بنزين 95 ده معاها و احساس بعض الملاك برعشه فى استخدام 92 بتروح بعد ما بيحطوا 95

مفيش تقل ولا حاجة يا كبير انت تأمر.
كل مواتير الاوبل مصممة أنها تشتغل من 91 لحد 98, ما عدا ال1400 تيربو ده لازم 95.
ال1600 المنصح بيه 95 , بس فيه knock sensor عشان يظبط الموتور مع ال92 بس بياخد حبة وقت عبال ميظبطها عالأخر.
الرعشة دي كانت عندي بس انا اصلي بحط 95 فمعتقدش انها من البنزين, هما عملوا حاجة في السوفت وير والرعشة راحت.
بس ركبت عربيات اصدقاء شغالين ب92 وكان الموتور بيسقف ويرعش بس بعد التليين كل ده راح والموتور اتظبط عال92, والمضحك انهم لو رجعوا يحطوا ال95 الموتور هيسقف تاني ويبرجل لحد ميتاقلم مع ال95
ملحوظة : الإنسيجنيا البنزين المنصح بيه .......98 يعني حتي لو واحد حط 95 فهو برضه مش هياخد القوة كلها من الموتور.