الموضوع: استرا 2014 ولا سيراتو 2015

القي نظرة خاطفة على الفلونس العاجي

المشاركة الأصلية كتبت بواسطة yasser100

اه معاك لما يكون وزن العربيه 1613 كجم و منزل عزم 260 نيوتن تمام , يعمل اى تكنولوجى يعادل به الوزن , لكن ينزلها 1400 كجم و الموتور بالوضع ده , صعب شويه , التيربو طبعا هايكون احسن له بس فرق السعر مش قليل و اعتقد انه الراجل مش بيتكلم انه يدفع فوق ال 200000 جنيه علشان كده انا قولت له السيراتو لو مش هايشترى الاسترا التيربو , التيربو بحوالى 225 الف و العاديه ب 185 الف

لو نزلوها موتور 1800 هتبقي أغلي من التيربو وأضعف برضه فمينفعش يعملوا كده.
المواتير ال1600 كلها في نفس الرينج بتاع القوة والعزم, لو خدنا موتور السيراتو أو الإلانترا هنلاقيه 130 حصان وعزمه 160, والعزم في الأسترا 155 فمش فرق خالص والعزم هو المسئول عن الحركة الأولية من الوقوف.
النيربو بطلت تنزل من السنة دي عشان منصور شايف انها هتبقي ب240 ألف والسعر ده يجيبلك الإنسيجنيا أول فئة, فبطل ينزلها, و دي طبعاً وجهة نظر متخلفة منه عشان مش كل الناس عايزة عربية في حجم الإنسيجنيا ومش كل الناس بتركب اول فئة. انا واحد لو الأسترا التيربو ب240 هجيبها ومش هجيب الإنسيجنيا اول فئة ب249 !!!!!!
الأسترا منصور كان عايز يعملها مبيعات عالية, فنزل الموتور ال1600 العادي عشان يعرف ينافس في السوق, في رينج الأسعار من 170 ل200 وواللي بيشتري ال1600 العادي, أكيد عارف انه سحبها مش هيبقي قد كده.
و مينفعش نقول الاسترا لأ عشان موتورها ضعيف !!!!! كده يبقي إحنا بنصطاد الوحش وبنفكس للحلو (اللي هو باقي العربية). الأسنرا عربية عائلية مريحة وفيها الطابع الرياضي ذات جودة عالية والموتور مش مصمم للحرق والشد والحوارات دي. ده في الأخر 1600 مش حاجة.

المشاركة الأصلية كتبت بواسطة amh_1983

يا جماعة مع الاسف انا اخري في الفلوس الاسترا بس مش هقدر اعلي عن كدة خالص
انا هشتري تقسيط فعاوز ان شاء الله لما اجي ابيع كمان 5 سنين مثلا ميكونش فية خساير جامدة

في استرا جديدة كلياً هتنزل بره أخر السنة دي أو علي نص 2015 كده. بس محدش عارف هيجيبوها مصر إمتي. خصوصاً انها مش هتنزل بموتور 1600 تاني. هيبدلوا ال1600 اللي هنا بموتور 1000 سي سي و3 سيلندر بس تيربو بيطلع 115 حصان برضه بس 170 نيوتن عزم من 1700 لحد 4900 rpm. فهو موتور جامد جامد يعني.
فلو نزلت مصر قبل خمس سنين (و ده الأغلب) يبقي الشكل الحالي أكيد هيخسر وممكن يخسر جامد لو الجديدة أحسن بكتير من الحالية.
السيراتو معنديش فكرة الموديل الجديد إمتي.

المشاركة الأصلية كتبت بواسطة محمود حسن

١٠٠٠ سي سي!!!!
طب مثلا انا وانت نعرف ان العزم عالي وجدا
طب بالنسبة للناس الي رايحة تشتري في حدود ٢٠٠ الف تعتقد هيسيب السيراتو او الكورلا ال ١٦٠٠
ويشتري ١٠٠٠ سي سي؟
وبرضو اكيد منصور مش هيقبل بالوضع ده لان اكيد المبيعات هتقل بسبب الثقافة بتاعت الشعب

مهو لازم دعايا وإعلانات عشان يبين أنه 1000 سي سي اه بس أجمد من ال1600 العادي وسعاتها الناس هتقلك انا أجيبه عشان أوفر في البنزين.
مهو لو منزلش ال1000 سي سي يبقي هيضطر ينزل ال1600 التيربو اللي في الإنسيجنيا وكده الاسترا هتبقي غالية جداً وممكن تتطلع لسعر الإنسيجنيا.
يأما منصور يعمل حركاته اللذيذة جداً وينزلها بمواتير قديمة بس أوبل مش بتصنع المواتير دي خلاص كله هيتبدل بالمواتير التيربو الجديدة.
بعدين ال1000 سي سي تيربو جمركها هيبقي قليل فسعرها هيبقي قليل.
و ممكن منصور ميجيبهاش خالص غير مالأسترا ال 2020 تنزل

الاسترا الجديدة الهاتشباك هتنزل بره ٢٠١٦ يعني في مصر مش قبل ٢٠١٧ لانهم لسه أصلا محددوش شكلها حيبقي ايه هي بس اسمها استرا ٢٠١٦ لحد دلوقتي. و بعدين الهاتشباكحتغير شكل قبل السيدان الي حتفضل تنزل حتي مع نزول الهاتشباك الجديدة و دي عادة اوبل بتغير شكل السيدان متأخر

المشاركة الأصلية كتبت بواسطة superdry90

الاسترا الجديدة الهاتشباك هتنزل بره ٢٠١٦ يعني في مصر مش قبل ٢٠١٧ لانهم لسه أصلا محددوش شكلها حيبقي ايه هي بس اسمها استرا ٢٠١٦ لحد دلوقتي. و بعدين الهاتشباكحتغير شكل قبل السيدان الي حتفضل تنزل حتي مع نزول الهاتشباك الجديدة و دي عادة اوبل بتغير شكل السيدان متأخر

2015 و في نسخ تجريبية اتعملت خلاص.
Vauxhall Astra 2015 release date & price | Auto Express