السلام عليكم و رحمة الله و بركاته

العربية ماروتي 2009 ماشية حوالي 45000 كيلو كنت حاطط زيت موبيل 1xhp اللي هو 5000 كيلو و بعد حوالي شهرين فجأة لقيت لمبة الزيت بتنور زودت الزيت و بعدها بشوية اللمبة نورت تاني و لقيت مقياس الزيت مش جايب اي حاجة خالص يعني مفيش نقطة زيت روحت زودت زيت و بصيت على طبة الزيت و الفلتر لقيتهم مربوطين كويس و مفيش تسييل زيت حواليهم بس لقيت الموتور معرق زيت من تحت
رحت لميكانيكي كشف عليها قاللي المكنة فيها بخر احتمال تكون جوان وش سلندر و ممكن يكون في بستم مكسور
فك الماكينة حتة حتة و مسمار مسمار لقى بستم من التلاتة مكسور من الجنب
جبت الآتي:
1- طقم بستم ياباني بـ 225 جنيه
2- جوان وش سلندر بـ 135 جنيه
3- فرش سلندر
4- فلتر زيت تويوتا بـ 25 جنيه
5- زيت شيل الاحمر
6- بلية nks بـ 20 جنيه

و لسة بيقفل الماكينة ادعولي و لو في كومنتات قولولي
ياريت تقديري كده الصنايعي هياخد كم بعد العمرة دي؟