تجربتى مع حل مشكله الحرارة

**superherocivil** · 25-05-2014 02:20 AM

السلام عليكم انا من فتره كنت اشتكيت من الحراره العاليه للعربيه هنا في المنتدى من غير مطول عليكم انهارده رحت لواحد فكلى الرداتير طبعا بعد مطلع عينه و سلكناه ونضفناه وطلع منه بلاوى طبعا ونضفنا الماكينه وبرده طلع منها بلاوى وحاطلى ميه عاديه قالى تقعد بيها اسبوع نجرب دوره التبريد ونتأكد ان مفهاش تسريب بعدها هنفضى ونكبس هوا وننضف تانى وبعدين نحط ميه خضرا هو بيقنعنى بالاسبانى انا كنت عايز احط ميه توتال حمرا المهم عمل حركه انا مش مقتنع بيها شال ترموستات الكوع وقالى ملوش لازمه في الصيف عشان تحسن تبريد العربيه فالسؤال هنا :
1- اشيل الترموستات بتاع الكوع ولا ارجعه تانى وليه
2- احط ميه خضرا ولا حمرا ونوعها ايه
3- لما فك الرداتير طبعا فك معاه السربنتينه بتاعه التكييف انا لاحظت بعدها التكييف مبقاش بيبرد هل ممكن يكون الفريون اتسرب ولا ده يبقى عطل تانى
العربيه قيد التجريه هشوف اداء التبريد وهتابع معاكوا ع المنتدى
عذرا على الاطاله وفى انتظار ردودكوا

**medosalah** · 25-05-2014 02:54 AM

يا باشا سربنتينه التكييف دي هي اللي بيعدي جواها الفريون علشان يبرد

يبقي بديهي جدا ان لما تفك السربنتينه الفريون هيطير

واكيد لو كنت واقف ساعتها كنت هتسمع صوت تسريب الفريون وشوفت التبخير بتاعه

وعلشان كده اهم شيء انك ما تحاولش تشغل التكييف علشان الكباس ما يتحرقش

**sherif_m72** · 25-05-2014 02:56 AM

مبروك وبالتوفيق
معلش انا داخل اسأل على طريقة الفك
المفروض انه يفك الاكصدام عشان يعرف يحل السربنتينه
سؤالى هو فك ازاى من غير ما يفك الاكصدام

**hilal** · 25-05-2014 03:09 AM

المشاركة الأصلية كتبت بواسطة sherif_m72

مبروك وبالتوفيق
معلش انا داخل اسأل على طريقة الفك
المفروض انه يفك الاكصدام عشان يعرف يحل السربنتينه
سؤالى هو فك ازاى من غير ما يفك الاكصدام

مبروك على ايه؟
ده كله خطأ
ازاي يشيل ترموستات الكوعة؟
وازاي يفك السربنتينة؟
انصحك بالذهاب الى شخص فاهم في الاوبل لإصلاح ما أفسده هذا الجاهل

**superherocivil** · 25-05-2014 05:10 AM

يا جماعه الرداتير بتاع العربيه مربوط في السربنتينه بتاعه التكييف وعشان تفكه لازم تحرر السربنتينه من مكانها هو حررها بس من مسمارين من تحت كانوا مربوطين في الرداتير من غير ميفك خراطيم ولا يحركها من مكانها وعشان يفك الرداتير فك الاكصدام طبعا

**Astra Lovers** · 25-05-2014 03:13 PM

المشاركة الأصلية كتبت بواسطة hilal

مبروك على ايه؟
ده كله خطأ
ازاي يشيل ترموستات الكوعة؟
وازاي يفك السربنتينة؟
انصحك بالذهاب الى شخص فاهم في الاوبل لإصلاح ما أفسده هذا الجاهل

+11111111111111111111111

الموضوع: تجربتى مع حل مشكله الحرارة

LinkBack

أدوات الموضوع

عرض

-

-

-

المواضيع المتشابهه

مشكله في عداد الحرارة

مشكله فى عداد الحرارة .. وسؤالين صغيرين

مشكله فى مؤشر الحرارة

تجربتى مع الحرارة وشكر خاص للأستاذ فادى

تجربتى مع زيادة الحرارة فى المحرك

الكلمات الدلالية لهذا الموضوع

المفضلات

المفضلات

ضوابط المشاركة