الموضوع: astra or crola 2014

المشاركة الأصلية كتبت بواسطة Mohamed.Hany

تسلم يا هشام باشا علي الجدول ده ,
بس انا ليا ملاحظات مش عارف حضرتك اخدت بالك منها ولا لأ :

تيل الفرامل بيتغير كل 15000 كم ؟ يعني هو عمره كدة و لا التوكيل بيعمل حركة مش ولا بد ؟
نفس الكلام للبوجيهات كل 25000 كم ليه ؟ انا عندي كل 120 الف كم
و سعر طقم السيور ب 4500 جنيه كل 45 الف كم مبالغ فيه جدا من منصور , انا عندي ب 1400 كل 100 الف كم .

تحياتي

العفو يا باشا حضرتك تأمر.
مش كده وبس.......الزيت مكتوب XHP !!!!!!!!!!!!!!!!!!!!!! إزاي يعني ؟؟؟؟؟
كل مواتير الأوبل الجديد لازم مواصفة إسمها DEXOS 2 ودي مش اي شركة بتعمله. وكده كده لازم لزوجة 5w30 أو 5W40.
تيل الفرامل اكيد مش هغيره علي كلام التوكيل لأنه المفروض يكشف عليه قبل مغيره لأن مفيش سواق زي التاني....انا معظم مشاوري طرق سريعة وإستخدامي للفرامل هادي وخفيف فأكيد هيقعد أكتر من كده هو منصور بيحب يقلب الزبون بس........لما التيل يتاكل هغيره....غير كده مش هسأل فيه.
البوجيهات بقه الله أعلم بيها بس المفروض كل 30 ألف ده المعتاد مش عارف ليه نزلوها ل25 يمكن عشان يكسبوا أسرع برضه محدش عارف.
سير الكاتينة قليل علي 45 عشان الزحمة والوقفة الكتير....الموتور ومكوناته من سيور وشدادات وغيره عمرهم بيقل حتي وحضرتك واقف مش لازم تكون بتتحرك....طالما الموتور داير يبقي عمره ببيقصر.....فكويس انه علي 45 عشان نحافظ عالموتور ونبقي في المضمون.....ال4500 دول سرقة رسمي بقه وسرقة مفيش بعدها كمان.

اه ونسيت اقول ان المواصفة اللي قبل الdexos 2 كان إسمها GM-LL-A-025 والمواصفة دي المفروض إن الزيت يقعد لحد 30 ألف كيلو في الإستخدام العادي و15 ألف في الإستخدام الشاق.
فأعتقد إن الdexos 2 زيه برضه.....وكده كده لازم يتحط عالأقل زيت كل 10000 عشان يبقي تخليقي.
فمنصور بيسرق العميل رسمي كده والزيت اللي هو كاتبه ممكن يدمر الموتور من اساسه !!!!.