الموضوع: مساعدتكم علشان متخمش في بعض احتياجات السيارة

المشاركة الأصلية كتبت بواسطة Nabil EGY

تحياتي لكل أعضاء منتدى نايل موتورز.. بجد قبل ما أشتري عربية استفدت كثير بخبراتكم

أنا لسه جايب - سوزوكي بالينو موديل 1998 أوتوماتيك .. ده أول ركوبه لي وأدعوا الله أن يرزقني خيرها ويكفيني شرها.


ألف مبروك و ربنا يديك خيرها و يكفيك شرها و معلش هتتبهدل شوية علشان تظبطها فى الأول

كنت عايز أسألكم فقط على شوية حاجات مطلوبة تتعمل في العربية .. يعني سعرها وأيه أفضل نوع لها والمصنعية بتاعتها علشان متخمش من الميكانيكية .. خاصة أن ده أول تعامل لي معاهم.

1- طقم سيرفيس + بوجيهات

2- طقم سيور (كاتينة ودينامو)

3- جوان كارتيرة + أويل سيل كوبلن يمين (علشان العربية بتسرب زيت بعد ما بركنها)

4- تنظيف ريداتير (ممكن يتكلف كام)

تنظيف الردياتير سهل و بيبقى فى حدود 25-30 جنيه و يا ريت تروح لبتاع ردياتيرات يفكه و يغسله بره غسلة حلوة من جوه و من بره و يكبسه هوا علشان يتأكد إن مفيش تسريب
5- سلك سرعة

6- كشف كهرباء العربية + تظبيط نور الصالون علشان الأبواب لو مفتوحة أو متقفلتش كويس ينور النور (يتكلف كام)


7- تغيير زيت الماتور+ الفلتر (ايه أفضل نوع لـ 3000 وبكام)

شوف عربيتك ماشية قد إبه و هتلاقى هنا فى قسم الزيوت ناس كتير هتساعدك و أنصحك تغير زيت و فلتر علشان تعرف تتابع تغيير الزيت بعد كده مظبوط
8- عندي زيت الباور في الوعاء بتاعه بعد علامة الحد الأدنى بشوية صغيرة هل محتاج أزوده ؟ وبيتكلف كام وايه أفضل نوع ؟

[COLOR=rgb(85, 18, 230)]غلط جدا طبعا و لازم يتزود و تشوف التسريب منين علشان طلمبة الباور كده هتبوظ و الباور أكيد تقيل معاك[/COLOR]
9- هل من المهم تغيير فلتر البنزين كاحتياط بالمرة ؟

[COLOR=rgb(85, 18, 230)]أه غيره علشان تبقى بدأت من جديد و تبقى عارف المرة اللى بعدها هتغير الفلتر إمتى مظبوط و يفضل تربطه بطقم السيرفيس
[/COLOR]
10- عندي أوكرة أحد الأبواب الخارجية مفوته .. هل أغيرها كلها ولا هي الحكاية سوستة ؟؟ ولو غيرتها ممكن تتكلف كام ؟

[COLOR=rgb(85, 18, 230)] ممكن تكون مكسورة روح لحد بتاع أبواب هيظبطهالك عادى[/COLOR]

معلش أسئلة فنية كمان ؟؟ أعذروني للإطالة

- في صوت طقطقة خفيف لما أجيب الدريكسيون أقصى اليمين أو الشمال .. هل في حاجة في الباور ؟

لو و إنت بتلف بالراحة الصوت بيظهر فى الملفات يبقى كبالن خارجية عاوزة تتغير

- العربية بطلت مني وانا ماشي "مشوار التجربة بتاع العربية" بعد ما دوست فرامل لفترة طويلة نسبياً في زحمة .. ناس قالتلي بوجيهات لكن هل في شئ تاني ممكن يكون السبب ؟

راجع على المساتر الفرامل و كده كده إنت هتغير البوجيهات

هل في حاجة تنصحوني أعملها غير تغيير الحاجات اللي فوق كده بحكم ان العربية مستعملة .. وانا عايز اروقها صراحة علشان تكون بإذن المولى عز وجل جاهزة للمشاوير بتاعتي ومتعذبنيش ؟

آسف مرة أخرى للإطالة وأتمنى اللي يعرف اي حاجة يشاركني بيها وشكراً لكم جميعاً مقدما