ريو ولا شارك !!!؟

**lalalala** · 27-05-2014 11:44 AM

يا جماعه بعد اّنكوا معايا في حدود 140000 ومينفعش يزيدوا خالص وكنت محتار بين ريو هاتشباك 2014 كامله وجنط 17 وطاره مالتي فانكشن وبلوتوس وفتحه سقف يعني تعتبر هاي لاين وبين اللانسر شارك 2014 1600cc بس فاضيه هي اوتوماتيك بس وفيها الكاسيت العريض واسبويلر لكن مفيش فوجات ولا جنوط بس مش مشكله انا ممكن اجيب جنوط وفوجات عادي بس محتار بينهم الاتنين لو حد يقولي انهي احسن يبقي كتر خيره

**ahmed.Elashy** · 27-05-2014 12:10 PM

الموضوع انت اللي تجاوب ع نفسك فيه
حضرتك معاك المبلغ ده و مش هينفع تزوده والمبلغ مش قليل دا مبلغ محترم ماشاء الله
يبقي المفروض تركب بيه عربيه متدلعه عشان تحس انك فعلا اشتريت حاجه
الشارك طبعا تحفه بس سعرها عالي شويه والفاضيه منها مش هتحبها اوي عشان مفهاش اوبشن ولا اي وسائل راحه
الريو عربيه واكله السوق اعاده بيع حلوه وممييزات كتير
انا عن مفسي افضل الشارك بس دا لو معايا مبلغ اعلي
خاليك في الريو

**Mo3taz mostafa** · 27-05-2014 12:23 PM

مقارنة محسومه مش هقول لمين

**moumen_hs** · 27-05-2014 12:34 PM

باشا أخويا كان فى نفس حرتك ولما شوفنا العربييتين شلناهم من التفكير الشارك فاضية مفيش أى أوبشن كانك راكب شاهين معدل الريو موتور 1400 قليل مع الوقت وناس اشتكت منها على الطريق السريع نصيحة بلاش شوف الكروز الجديدة تحفة بس ب 150 الف بس فيها عيب واحد من وجهة نظرى وطية شوية وعيب تانة مش مؤثر أزواق فى قماش كتير فى التبلوة ودة أكيد بيتاثر بالشمس يعنة مش عملى وشوفها ,احكم هتلاقى فلاق كتير بينها وبين الريو

**mac os** · 27-05-2014 12:41 PM

لو تقدر تزود 5 الف تانى تجيب الشارك تانى فئه وكيل فيها abs و 2 ايرباج وجنوط سبور 16
او تجيب الريو هاى لاين وكيل برده سيدان
الريو اقل ثبات من الشارك طبعا وموتور اقل قوه بس كمايات اعلى بكتير جدا
الشارك عربيه اساسيتها ممتازه ثبات وموتور وعفشه والريو شكل وكماليات واعاده بيع كويسه جدا وتكلفه صيانه ووكيل افضل من الشارك بكتير

**max13** · 27-05-2014 01:36 PM

المحرك والثبات والوسع والعتمادية الشارك يبقى محسومه للشارك بدون نقاش والكماليات ممكن تزودها براحتك فوج لايت او جنوط او سينسور

**K.Ossama** · 27-05-2014 02:10 PM

شارك أحسن فى كل حاجة ماعدا ان الشكل بقاله شوية

**Fadi Ezzat** · 27-05-2014 09:51 PM

الريو الجديدة جامدة اوى اعتقد انها تمسب

**Mohab555** · 27-05-2014 10:26 PM

بص يا باشا انا هقولك المفيد .. انا عربيتى ريو 2013 خليجى توب لاين و اخويا معاه شارك 2013 تانى فئة
------
الريو : عربيه ممتازة .. تكييف رائع ... تصميم داخلى و خارجى جميل و متطور .. امكانيات و كماليات كتير جدا و كلها مفيده و حلوة ... من اثبت العربيات الكورى الى ممكن تسوقها ..قطع غيار و مصاريف صيانة مش غاليه .. توكيل محترم .. عيبها تنكها صغير 40 لتر ..

الشارك : طبعا اليابانى و اعتمادية ممتازة ... ادائها جميل سواء من ناحيه السحب او الثبات و اكيد كثبات احسن من الريو شويه ... العزل فيها سىء و الريو تتفوق عليها .. الشارك اوسع شويه من الريو ... توكيل الشارك فى منتهى السوء للاسف ...و فقيره فى الكماليات جدا