اه لو كنت شفته ، كنت عملته مساحه !!

**MohabSaeed** · 12-10-2008 02:07 PM

للاسف ده طبيعى جدا فى بلدنا ..... الحقد و الغل و الكراهيه و التخلف و الجهل وصلو بينا لادنى مستويات التدنى فى الاخلاق .

انا مثلا راكن عربيتى تحت البيت " تحت البلكونه كمان " و احنا فى الدور الاول يعنى بينى و بين العربيه 6 متر , سبتها يوم واحد من غير الغطاء لقيت واحد حقير راسم على الكبوت صفحه فلوسكاب و مسطرها كمان , ده بجد !! يوم واحد من غير غطاء !!!!, فى الصحراء الى اسمها 6 اكتوبر !!!!!, و الشارع فاضى !!!!!!!!!!!
امبارح ركنتها فى المهندسين حوالى 4 او 5 ساعات لقيت الشنطه متجرحا مطرح قفص او صندوق و عامل تلات تجاريح بطول 10 سنتى
بجد قذاره
و الحل زى ماقولت مصر مايتجابش فيها عربيه زيرو , مايتجابش فيها عربيه غاليه , مايتجابش فيها عربيه نادره .
علاشان لما يحصل فيها حاجه زة كده " وده لازم يحصل " ماتزعلش اوى .

**mohamed ibiza** · 12-10-2008 02:29 PM

ربنا يعوض عليك يا شريف معلش فداك و ربنا ينتقم منه

**Sharky** · 12-10-2008 04:28 PM

لا حول و لا قوة إلا بالله
بجد حاجة تغيظ
معلش يا شريف قدر الله و ما شاء فعل

**Abdo_Eldesokey** · 12-10-2008 04:51 PM

يلا يا جماعة لموا من بعض عشان نجيب لشريف باشا مساحة

عايزين الموضوع يخلص على الديق عشان ممكن كده المحافظة دي تتقفل

يا باشا ولا يهمك اعتبرها زكاة عن العربية ... وربنا يهدي الناس دي

**shanodaa** · 12-10-2008 04:55 PM

ربنا يعوض عليك

**mahamedaraby** · 12-10-2008 05:02 PM

طيب معلش ما هو ممكن يكون الموضوع ليه بعد تانى

يعنى مثلا انت كنت فى محافظه زى بورسعيد وحاطط علم الاهلى فى العربيه

اكيد العربيه هيحصلها كده ممكن ؟

**SAbuhashem** · 12-10-2008 05:27 PM

شكراً لكل الاعضاء بالإسم دعمهم لي وعزائي تفهم الناس للوضع الغريب في مصر
Blackverna
وإنت كمان ليك وحشة والله شكراً ليك

أستاذ مدحت شكراً على كلامك الصافي الرقيق واتمنى أتعرف عليك قريبا

ً أحمد سامي بلاش إنت بالذات تتكلم :)

شاركي شكراً لذوقك

عبدو واضح انك تعرف هي محافظة إيه علشان خايف عليها :)

محمد عربي
لأ أنا كنت في محافظة ملهاش في الكورة ولا لها تطلعات تعصبيه نهائي
وأساساً أنا عربيتي معلهاش أي علامة ولا شعار لأي حاجة وكمان مش منتشرة بالشكل إلي نقول بعدها إنه تشابه فيها مع عربية تانية

Thanks
Eng.Sherif Shaker

**katkootaya** · 12-10-2008 07:46 PM

قدر الله و ماشاء فعل ...
ماتزعلش يا شريف ... زي ما قلتلك الحمد لله انها جت في العربيه مش فيك
فداك مليون مساحه ... والحمد لله انك ماشفتش الولد الي عمل كده علشان اكيييد كان هيبقى مصيره زي المساحه :D:D:D

لو تشوفوا بقه شريف بعد الواقعه ديه ..... ههههههههههههههههه ... كنتوا بجد هتموتوا من الضحك على النرفزه و العصبيه اللي كان فيها :k20:

بعد كده لو هتروح مكان خايف على العربيه فيه ... اركنها و روح بالسيتي كاب :err:

**hazem_khidr** · 12-10-2008 08:22 PM

قدر الله و ما شاء فعل يا شريف
الحمد لله انها جات في المساحه و بس
هات عربيه صغيره ما تزعلش عليها
استعملها و انت مسافر للمراكز و الارياف:D:D:D

**Ahmed Samy** · 12-10-2008 08:53 PM

المشاركة الأصلية كتبت بواسطة katkootaya

اركنها و روح بالسيتي كاب :err:

السيتي كاب ما يقدرش يدخل حدود المحافظة محل الواقعة لأسباب أمنية

ممكن تتوقفوا عند حدود المحافظة و تستقلو الركوبة الرسمية ... التوكتوك حضرتك

و هاتلاقو عليه علامات و مساحات عربيات أشكال و ألوان لأن ده هو الطراز السائد في المحافظة وصاحب الكلمة العليا بعد الكارو أبو حمار مش أبو حصان
ويعتبر تقليد لابد منه

زي تاكسي لندن كده :D:D