اه لو كنت شفته ، كنت عملته مساحه !!

**abdelaziz-waleed** · 12-10-2008 09:27 PM

معلش يا شريف
قدر الله وما شاء فعل
الواحد مش عارف يقول ايه على الاشكال ديه
ربنا يا خدهم ويريحنا منهم
اعتبرها فداء عنك وعن صحتك
الله اعلم ربنا فداك بيها عن ايه
الحمد لله على كل شيئ

**MoToRiZeR** · 12-10-2008 09:29 PM

زي اللي بيخربش العربية بمسمار .. ولا ليه مصلحة ولا كسب حاجة .. بس أهي رخامة ! انا فاكر برضه كريم كريبتون كان كتب إنه مرة نزل لقي مرايته مكسورة و محطوطة عالسقف و تحتها ورقة مكتوب فيها "للإصلاح إتصل ب 07770777" .. حاجة تشل ! عالم بلطة ! بس هي دي ثقافة الجوع فعلاَ و الواحد بيدفع ضريبة فساد المجتمع ككل .. فا الحمد لله إنها بتيجي في العربية مش في الواحد نفسه هي حاجة تغيظ بس الحمد لله إنك بخير يا شريف باشا :)

**Abdelrahman** · 13-10-2008 02:47 AM

ربنا يعوض عليك ويحفظنا ويحمينا جميعا من شر الحاسدين والحاقدين

فعلا لا حول ولا قوة إلا بالله العلي العظيم

**Noha.M** · 13-10-2008 03:27 AM

المشاركة الأصلية كتبت بواسطة Islam_galal

ثقافة الأذي
معرفش ليه المصريين بيستمتعوا بأن يمارسوا الأذي مع بعض
سرقة الماركات من السيارات
قفل الشوارع في الأفراح و الجنازات مهما كان عرض الشارع !!!!
إزعاج العالم كله بالكاسيت
فعل كل ما هو ممنوع حتي لو بدون فائدة و أحيانا بان يأذي الشخص نفسه (زجاج السيارة بالكامل فيمية غامق جدا حتي الزجاج الأمامي !!!!)
و غير ذلك كثير

المتعارف عليه عمليا
اللي يقدر مايعفيش، و اللي اتظلم لازم يظلم
لا حول و لا قوة إلا بالله

كلام مظبوط

زى بظبط اللى بيمشو يجرحولك العربية من اولها لاخرها بمسمار

محدش بقا بيحب الخير لحد على فكرة

معلش يا باشمهندس بسيطة ان شاء الله :)

**SAbuhashem** · 13-10-2008 11:44 AM

المشاركة الأصلية كتبت بواسطة Ahmed Samy

السيتي كاب ما يقدرش يدخل حدود المحافظة محل الواقعة لأسباب أمنية

ممكن تتوقفوا عند حدود المحافظة و تستقلو الركوبة الرسمية ... التوكتوك حضرتك

و هاتلاقو عليه علامات و مساحات عربيات أشكال و ألوان لأن ده هو الطراز السائد في المحافظة وصاحب الكلمة العليا بعد الكارو أبو حمار مش أبو حصان
ويعتبر تقليد لابد منه

زي تاكسي لندن كده :D:D

دول أحلى وأجمل ناس والله

ومش أوي كدة يا أحمد دول عندهم ماك وكوك دور يا راجل :)

وبغض النظر والله أنا بحب المحافظة دي جداً بس الواد اللي عمل كدة ده حرق لي دمي

كان عندي فكره إن الحركات المتخلفة دي في القاهرة بس علشان الاختلاف الواسع للطبقات فيها فبينتج الحقد والغل وكل الافات الإجتماعية المعروفة
بس طلع إن فعلاً مصر كلها بتشرب من نيل واحد :)

Thanks
Eng.Sherif Shaker

**د.محمود صلاح** · 14-10-2008 04:25 PM

شئ غريب .. هل لو شوفت حد بيعمل كده فى عربية غيرك كنت هتنهره ؟

**SAbuhashem** · 14-10-2008 07:24 PM

المشاركة الأصلية كتبت بواسطة د.محمود صلاح

شئ غريب .. هل لو شوفت حد بيعمل كده فى عربية غيرك كنت هتنهره ؟

دكتور محمود إنت جبت مربط الفرس
ازاي العربية مركونه قدام نادي والباركينج قدامه محطة أتوبيس يعني عشرات الناس شايفين العربيه والمنطقه مش ضلمه منوره جداً وشارع عام
محدش كلف نفسه يمنع البني أدم ده أو حتى يقول عيب أو حرام
إيه السلبية العجيبة دي ؟

Thanks
Eng.Sherif Shaker