الموضوع: الاخوه اللى حجزوا الاسبورتاج ٢٠١٥ والاخوه اللى استلموها

المشاركة الأصلية كتبت بواسطة tamerfawzi

تقرير هايل احييك عليه انا كنت محتار ولاكن بعد هذا التقرير الرائع توكلت علي الله في الفئه الاولي

العفو يا فندم تحت أمرك ومبرك مقدما ان شاء الله
وباذن الله مش هتندم

استهلاك البنزين اتحسن ولا زى ما هو ؟

المشاركة الأصلية كتبت بواسطة msdk

بص يا فندم الفروق كالتالى:‏
العربية بقت بتنزل 3 فئات مش 4 زى 2014 واللى بقت بتنزل 4 فئات دلوقتى هى ‏ix 35‎‏ نيجى بقى للسبورتاج‏

الفئة الاولى 2015 ‏

بتزيد عن 2014 اضاءة داخلية حمراء عبارة عن لمبتين واحدة فى حامل الاكواب والثانية تحت التكييف ‏
اما التغييرات فهى: 1- وحدة ريموت جديدة (يعنى مفتاح ريموت شكلة جديد زى بتاع السيراتو الجديدة والريو)‏
‏2- تغيير شكل الجنط بقى خماسى كدة شبة الجنط ال 17 بتاع موديل 2014‏
3- الشبكة اتغيرت بقت الفراغات فيها اوسع للتهوية وبقت نيكل هى والحتيتين اللى تحت الفانوس الامامى بقوا نيكل ‏بردوا زى موديل 2014‏
واللى يبص على موديل 2014 الفئة الاولى هيلاقى الشبكة والحتيتين دول لونهم فضى مش نيكل‏
‏4- ودة الاهم الفانوس الخلفى بقى اضاءة كاملة مش زى 2014 الحتة الشمال فقط وهو قريب من سيراتو الهاى لاين ‏بس مش ليد ودة بينزل فى كل الفئات
‏5- خط فضى بيمر تحت زجاج البابين (فضى مش نيكل)‏
6- العفشة بقت انعم بجد عن 2014 كمان
كل دة طبعا بجانب الكماليات اللى كانت بتنزل فى 2014 من مثبت سرعة - بلوتوث - مالتى - فامية خلفى وفى ‏الابواب الخلفية ولازم يثبت على الرخصة - سينسور بارك خلفى - سبويلر بستوب - والباقى انتوا عارفينة بفى
وهى دى الفئة اللى جبتها والحمد لله

أما الفئة الثانية 2015‏


التغييرات فهى: 1- نفس شكل الريموت للفئة السابقة ‏
‏2- تغيير شكل الجنط وبينزل فى الهاى لاين ايضا
‏3- الشبكة اتغيرت بقت زى خلية النحل - وبتنزل فى الهاى لاين كمان
والباقى بتاع 2014 زى الاكر النيكل والطارة والفتيس الجلد والليدات الامامى .....‏

أما الفئة الثالثة (الهاى لاين) زادت‏
1- سينور امامى
‏2- كاسيت تاتش بكاميرا
‏3- سماعة انفينيتى فى الشنطة ما عرفش دة ساوند ولا صب مش عارف بصراحة‏
‏4- العدادات اتغير شكلها بشاشة فى النص
‏

يارب ما كونش نسيت حاجة واكون قدرت افيد‏

اما بخصوص الاختيار فانا اخترت الفئة الاولى لانى شفت ان كمالياتها كافية على الاقل بالنسبالى
كمان ممكن تكون فى ناس بتقرا الكلام دة ومحتارة بين الاسبورتاج وix 35 ‎‏ والقشقاى و ‏xv‏ ‏
فى حد من الاخوة الاعضاء قال فى موضوع مثبت قبل كدة اسباب تفضيلة للسبورتاج عن مثيلاتها ما اعتقدش حد ‏محتار بعد ما شاف الموضوع انة يحتار بعد كدة ‏
طبعا مش كدة بس كلام استاذ محمد بدر وكتير من الاعضاء المحترمين اللى اشتروا العربية واللى عملوا تقارير ‏عليها احب اشكرهم كلهم واحد واحد واحب اقولهم ان بسبب كلامهم عن العربية وتقاريرهم الممتازة اقبلت على شراء ‏السيارة والحمد لله العربية بسم الله ماشاء الله طلعت زى ما قالوا واكتر حبتين
يارب ماكونش طولت عليكم وتقبلوا مرورى

جزاك الله خير عنا وبصراحه انا كنت محتار فعلا بين العربيات دي .. بس شيلت الاي اكس ٣٥ من دماغى عشان زي مابيقولوا تغور من وش غبور .. اما القاشفاى عربيه فقيره حتى وان كانت يابانى مع ان ال ٢٠١٥ هاتنزل منها فيها تفس اوبشنز الاسبورتاح واكتر بس هاتعدى تمن الاسبورتاج .. اما السوبارو فحدث ولا حرج عن الموتور البوكسر والفتيس السي في تى ومشاكله ... عشان كده الحمد لله استقريت على الاسبورتاج .. طبعا كلام حضرتك وكلام الاستاذ محمد بدر والاستاذ خوليو حببونى فى العربيه اكتر وساعدونى فى الاستقرار عليها دون عيرها وده بجانب ان العربيه واخده ٥ نجوم فى اختبارات التصادم ةمافيش ريفيو على النت قال عليها كلمه وحشه

بأمر الله اول مانزل اجازه هاحجزها واستنى دوري مع الصابرين .. بس هلى فى اقبال على فئات معينه فالتأخير فى التسليم بيختلف من فئه لأخرى او من لون لأخر ؟؟

اشكرك مره تانيه على مرورك الكريم والتوضيح الرائع

المشاركة الأصلية كتبت بواسطة م/محمد صلاح

جزاك الله خير عنا وبصراحه انا كنت محتار فعلا بين العربيات دي .. بس شيلت الاي اكس ٣٥ من دماغى عشان زي مابيقولوا تغور من وش غبور .. اما القاشفاى عربيه فقيره حتى وان كانت يابانى مع ان ال ٢٠١٥ هاتنزل منها فيها تفس اوبشنز الاسبورتاح واكتر بس هاتعدى تمن الاسبورتاج .. اما السوبارو فحدث ولا حرج عن الموتور البوكسر والفتيس السي في تى ومشاكله ... عشان كده الحمد لله استقريت على الاسبورتاج .. طبعا كلام حضرتك وكلام الاستاذ محمد بدر والاستاذ خوليو حببونى فى العربيه اكتر وساعدونى فى الاستقرار عليها دون عيرها وده بجانب ان العربيه واخده ٥ نجوم فى اختبارات التصادم ةمافيش ريفيو على النت قال عليها كلمه وحشه

بأمر الله اول مانزل اجازه هاحجزها واستنى دوري مع الصابرين .. بس هلى فى اقبال على فئات معينه فالتأخير فى التسليم بيختلف من فئه لأخرى او من لون لأخر ؟؟

اشكرك مره تانيه على مرورك الكريم والتوضيح الرائع

العفو حضرتك انا ما عملتش اى حاجة واى سؤال انا فى الخدمة ومبروك مقدما ان شاء الله
شوف حضرتك بالنسبة للحجز انا حجزت شهر ونص وبعدين سحبت فلوسى واشتريت باوفر لانى كنت مستعجل وعندى ظروف لازم عربية تحت ايدى
فالحجز لو الوقت مش فارق معاك احجز والتسليم ما لوش معيار معين يعنى تساهيل ربنا
والفئة الاولى هى اللى بتتاخر على ما اعتقد من ساعة ما زودوا الكماليات فيها من 2014 واعتقد الهاى لاين كمان
حضرتك بقى لو محتار بين الفئات انا كنت هجيب الهاى لاين بس لقيتها ب260 الف بالاوفر طبعا قولت الفئة الثانية لقيتها ب233 الف قولت لا بقى ما فيش غير الفئة الاولى
من وجهة نظرى فى السوق بيع وشراء معظم العربيات - انا بقول معظم - لما تبيع بيقرب من البيزلاين ولو عاوز تتاكد من كدة شوف اسعار الاسبورتاج الفئتين التانية والهاى لاين من مودل 2012 وحتى 2014 هتلاقى اللى بقولك علية بغض النظر عن سعر العربية كان كام وقتها او انة اقل من دلوقتى او الكماليات اقل
اما لو البيع مش قريب او انة مش فارق معاك اختار الفئة اللى تعجبك وفى النهاية هى مسالة راحة نفسية للفئة اللى انت عاوزها
واى سؤال انا فى الخدمة ومبروك مقدما مرة تانية ان شاء الله

المشاركة الأصلية كتبت بواسطة msdk

العفو حضرتك انا ما عملتش اى حاجة واى سؤال انا فى الخدمة ومبروك مقدما ان شاء الله
شوف حضرتك بالنسبة للحجز انا حجزت شهر ونص وبعدين سحبت فلوسى واشتريت باوفر لانى كنت مستعجل وعندى ظروف لازم عربية تحت ايدى
فالحجز لو الوقت مش فارق معاك احجز والتسليم ما لوش معيار معين يعنى تساهيل ربنا
والفئة الاولى هى اللى بتتاخر على ما اعتقد من ساعة ما زودوا الكماليات فيها من 2014 واعتقد الهاى لاين كمان
حضرتك بقى لو محتار بين الفئات انا كنت هجيب الهاى لاين بس لقيتها ب260 الف بالاوفر طبعا قولت الفئة الثانية لقيتها ب233 الف قولت لا بقى ما فيش غير الفئة الاولى
من وجهة نظرى فى السوق بيع وشراء معظم العربيات - انا بقول معظم - لما تبيع بيقرب من البيزلاين ولو عاوز تتاكد من كدة شوف اسعار الاسبورتاج الفئتين التانية والهاى لاين من مودل 2012 وحتى 2014 هتلاقى اللى بقولك علية بغض النظر عن سعر العربية كان كام وقتها او انة اقل من دلوقتى او الكماليات اقل
اما لو البيع مش قريب او انة مش فارق معاك اختار الفئة اللى تعجبك وفى النهاية هى مسالة راحة نفسية للفئة اللى انت عاوزها
واى سؤال انا فى الخدمة ومبروك مقدما مرة تانية ان شاء الله

ربنا يبارك فيك واشكرك على اهتمامك ... اما عن الحجز والاستلام انا مش مستعجل عشان عندى عربيه تانيه الحمد لله
بس فى سؤال بالنسبه لعفشة الاسبورتاج ٢٠١٥ .. هل هي ناشفه فعلا ؟؟ وهل فعلا العربيه خفيفه ولا ده كلام ؟؟ انا راكب سيفيك ٢٠٠٧ ومتعود على الثبات العالى والسرعه ماشاء الله
وسؤال تانى معلش .. العاى لاين فيها بارك اسست زى اللى بيبقى نازل بره فيها ولا متشال ؟؟؟

المشاركة الأصلية كتبت بواسطة م/محمد صلاح

ربنا يبارك فيك واشكرك على اهتمامك ... اما عن الحجز والاستلام انا مش مستعجل عشان عندى عربيه تانيه الحمد لله
بس فى سؤال بالنسبه لعفشة الاسبورتاج ٢٠١٥ .. هل هي ناشفه فعلا ؟؟ وهل فعلا العربيه خفيفه ولا ده كلام ؟؟ انا راكب سيفيك ٢٠٠٧ ومتعود على الثبات العالى والسرعه ماشاء الله
وسؤال تانى معلش .. العاى لاين فيها بارك اسست زى اللى بيبقى نازل بره فيها ولا متشال ؟؟؟

بص حضرتك اى فيس لفت فى الدنيا بيعدل فى حاجات بسيطة فى الشكل مع الاحتفاظ بالمظهر الاساسى للعربية مش بس كدة بيعدل فى العزل يخلية احسن والعفشة مثلا وهكذا
العفشة حضرتك اتعدلت وبقت ناعمة بجد مش هتحس بفرق عن السيفك لانها مع صاحبى ولما ركبت الاسبورتاج محستش بفرق بجد ولاحظ ان العربية عالية suv بس بجد هتبسط ان شاء الله انا معايا الجنط 16 موديل 2015 بس مش عارف اللى بجنط 17 اخبارها اية جايز تكون ناعمة عن 16 زى ما حصل فى السيراتو الجديدة اللى بجنط 17 انعم من اللى بجنط 16 وعن تجربة
اما الثبات العربية لحد 160 زى الفل ما عرفش بعد كدة اية اخبارها لانى ما زودتش عن كدة بصراحة
الهاى لاين مافيهاش بارك اسيست للاسف لكن الشاشة اللى فى نص العدادات بتحددلك العائق سواء ورا ولا قدام وكمان الكاميرا الخلفية بتقوم بالواجب
وحضرتك تأمر وربنا يوفقك للى فية الصالح والخير امين

المشاركة الأصلية كتبت بواسطة م/محمد صلاح

جزاك الله خير عنا وبصراحه انا كنت محتار فعلا بين العربيات دي .. بس شيلت الاي اكس ٣٥ من دماغى عشان زي مابيقولوا تغور من وش غبور .. اما القاشفاى عربيه فقيره حتى وان كانت يابانى مع ان ال ٢٠١٥ هاتنزل منها فيها تفس اوبشنز الاسبورتاح واكتر بس هاتعدى تمن الاسبورتاج .. اما السوبارو فحدث ولا حرج عن الموتور البوكسر والفتيس السي في تى ومشاكله ... عشان كده الحمد لله استقريت على الاسبورتاج .. طبعا كلام حضرتك وكلام الاستاذ محمد بدر والاستاذ خوليو حببونى فى العربيه اكتر وساعدونى فى الاستقرار عليها دون عيرها وده بجانب ان العربيه واخده ٥ نجوم فى اختبارات التصادم ةمافيش ريفيو على النت قال عليها كلمه وحشه

بأمر الله اول مانزل اجازه هاحجزها واستنى دوري مع الصابرين .. بس هلى فى اقبال على فئات معينه فالتأخير فى التسليم بيختلف من فئه لأخرى او من لون لأخر ؟؟

اشكرك مره تانيه على مرورك الكريم والتوضيح الرائع

هو الفتيس السي في تي فيه مشاكل وماتور البوكسر كده قصد حضرتك انع عيب مش ميزة

المشاركة الأصلية كتبت بواسطة m r. Z e c o

هو الفتيس السي في تي فيه مشاكل وماتور البوكسر كده قصد حضرتك انع عيب مش ميزة

والله ياباشا انا مقتنع جدا ان شركه زي سوبارو عمرها ماهاتنزل موتور او فتيس وحش ... بس احنا هنا مش عارفين نتعامل معاهم ... ناس تقولك بيغير زيت معين وناس تقولك مابيغيرش زيت اصلا وحتى ملاك العربيه هنا فى المنتدى متضايقين من الموتور والفتيس