لو الترس و مشكلة الفتيس دى اى متخصص ميحان يحلها ان شاء الله فى ساعتين و الكبالن برده و البطاحات امرها سهل
بس المشكله ان العربيه تبقى متهانه وعاوزه صيانه كبيره اكتر من القطع دى و كل شويه تعطل منك فى حاجه
عرض للطباعة
انا اشتريت ميجان وكان فيها عفشة كاملة موديل 2007 وهى عربية جميلة جدااا رغم كانت ماليانة مشاكل وانا بتعامل مع مركز المصطفى فى الحرفين مهندس مصطفى فهمى وده دكنور ميجان وامين جدااا وعيرت العفشة كلها والمساعدين امامى وخلفى وبطاحات وكل حاجة واتكلفت 3500ج بس خالها زبرو والحمد لله
نصيحه هامه!!! نفس الموقف ده حصل معايا 2009 وروحت اشتريت ميجان 2006 فابريكه وعداد 63000 !! المهم لو قلت لك اني شفت أيام سوداء مع العربيه دي في أقل من 3 شهور!!! ماتور بيسحن وضعيف!! مش مشكله صلح يا سيدي (حوالي 4500 جنيه) يشمل مروحه+رادياتتتر+مشط ضفيره +لوحه فيوز!!! وكله في الحرفييين علي التوكيل,,,قلت أضبط العفشه كمان (بطاحات ومساعدين زاللي لاذي منه) (1800 جنيه) !!! مفيش بعدها بيومين لقيت طالع ع الشاشه يقولي check gear box والعربيه مش راضيه تنقل خالص!!!! ركنت العربيه في الشارع وروحت مغموم ع الاخر.... أخويا راح يجربها تاني يوم اشتغلت ومشيت عادي!!! المهم أسبوع تاني وتاني ماشي بالعربيه الأقي فار خارج من الدواسه وبيجري قدامي علي التابلوه !!! أي والله العظيم!!! ربك ستر محدش لبس في من ورا لأن خدتي خلتني اضرب فرامل وانزل اجري من العربيه
المهم انا خليت أخويا يبيع العربيه دي وخسرت فيها فوق ال15000 جنيه بس ارتاحت نفسيا كتييييييير
موضوع ان الشنطه من تحت معمول فيبر ده كارثي!!!!!بيخلي الفئران تاخد راحتها ع الأخر
بيع يا باشا والله لن تندم!!!!!! وبأي خساره!!!! ألحق نفسك قبل ما لعنت الميجان تطولك
انا شايف ان العيوب مش اللي تخليك تبيع ... تشيك جيربوكس يبقى غير الزيت ف التوكيل ويحط لك زيت الغالي مش العادي ابو 30 جنيه .... وده هيكلف حوالي 1000 جنيه ... ترس الديفيزور هيكلفك يجي 1000 هو كمان ... واعتقد تقدر تقضي حجات العفشه بحجات تجاري موقتا .. اعتقد توديها لحد محترم لو مفيهاش غير دول صلح وتوكل على الله الميجان عربيه محترمه لو سليمه .. وانا شايف ان الحجات دي بسيطه .... وربنا يسترها معاك .... ولو هتبيع لازم تقول للي هتبيعهاله على العيوب حتى لو هتخسر ... ( البيعان بالخيار مالم يتفرقا , فإن صدقا وبينا بورك لهما في بيعهما وان كتما وكذبا محقت بركه بيعهما ) وربنا يجعل الفلوس اللي خسرتها دي كفاره عنك ان شاء الله .... جدير بالذكر ان كل اللي قلته مش عن تجربه شخصيه ولكن من كلام الناس في المنتدى . انا الحمد لله مظهرش عندي حاجه من دول
انت ساكن فين يا باشا ؟
اصل انا ممكن اكون قابلتك من كام يوم كده فى شارع 30 القاهره
كانت ميجان فضى تقريبآ وصاحبها بيسألنى على شويه حاجات وان الماتور عنده بايظ والجيربوكس وفتحت الكابوت عنده لاقيت المكنه بتنفخ زيت من الاولسيلات ومن الوش عند الكويلات ومبهدله الدنيا
وقالى انه قرر يغير المكنه بالجيربوكس وبيفكر يعملهم فى التوكيل وطلبو منه مصنعيه 1600 جنيه
بص فيه واحده بعد مرور محرم بيه هتدخل جمب بنزينه التعاون فى الشارع المكسر ده هتلاقيه على شمالك وهتلاقى عنده عربيات رينو مركونه بره وجوه هو اسمه محمد حسن وعلى ما اسمع انه راجل محترم بس معرفش مصنعينه عاليه ولا ايه !
نصيحه منى روحله وخليه يقولك ايه اللى هيتصرف على العربيه بالمليم والسحتوت
انا ساكن في العصافرة بس مش انا اللي انت قابلته والحمد لله االعربية لسه مدخنتش ولا بتنفخ زيت
وانا في المعهد اهلا وسهلا بك اتشرف بمعرفتك