انا اشتريت ميجان 2006 من حوالي شهرين وفي الاول كنت زيك كدا وكنت ناوى علي البيع بس قلت لو بعت هخسر و سوق المستعمل مش مضمون فقلت اصبر واحاول معاها وحده وحده وفعلا بدءت اتعلم من المنتدي وهي ماشه فراى اصبر وربنا يكرمك في اصلحها
عرض للطباعة
انا باقول تاخدها لحد محترم يعمل لك مقايسة بتكلفة اصلاحها بالكامل
و لو المبلغ تخطى خسارتك في البيع يبقى بيع ولا تلتفت
لو ما تخطاش يبقى توكل على الله و صلحها
لكن المهم يكون اللي هاتاخدها له محترم و فاهم و امين لأن في الحالة دي اعتمادك عليه هايبقى 100%
بالنسبة لقطع الغيار , فيه قطع هايبقى لازم تشتريها اصلي , و فيه قطع هايبقى الافضل تشتريها تجاري او استيراد عشان النفقات طبعا
لو عملت كده وافينا بالتطورات و احنا معاك ان شاء الله
اخى الكريم قدر الله وما شاء فعل
بس انت غلطت فى انك مكشفتش عليها قبل الشراء طبعا
الميجان ركوبة حلوة جدا جدا لكن للاسف قطع غيار نار ومش اى حد بيشتغل فيها وعشان كده اعادة البيع يتاعتها سيئة جدا .
نصيحتى ليك انك تبيعها كده من بابها وتشترى حاجة احسن حتى لو ميجان بس تكشف عليها كويس لان العربيات بتيقى قرف وطالما قرفتها معاك كده من اولها يبقى متتعبش نفسك معاها وهتلاقى نفسك عمال تصرف وتقول يمكن تتظبط وتصرف ويصعب عليك اللى انت صرفته فتصرف تانى وهكذا وفى الاخر لما تبيع مش هتجيبلك اللى انت صرفته ( وطبعا صل استخارة و انت حر فى قرارك )
التصليح هيكون مكلف
العربيه دي وش متهانه جامد وملعوب ف عدادها
أؤيد المهندس تامر رأيه فى إنك تشوفها عايزة إيه بالضبط الأول
وبعدين إنت شاريها بكام ؟؟؟
أ/هاني
ممكن تقولن عملت ايه فى العربيه