لبست عربية ميجات

**Hany.0101** · 27-05-2014 11:39 PM

اشتريت عربية ميجان 2006 من شهرين و للاسف مكشفتش عليها بغض النظر عن المظهر الخارجي و الداخلي الموتور عايز الرمي و الفتيس شرحه ده غير البطاحات و الكبالن و المساعدين كانت عاملة 76200 كم واشتريتها ب 63000 مش عارف اعمل ايه انا حبيت الميجان بش شكلها هتفتح معايا. رايكم ايه

**hilal** · 27-05-2014 11:50 PM

لو تعرف تبيعها وتشتري موديل 2007 هتوفر عليك مصاريف ووقت التصليح
انصحك تنزل بيها السوق ، ولو خسرت فيها الف او الفين
بس ما تشتريش الا بعد الكشف

**ah-gawad** · 28-05-2014 12:39 AM

بيتهيألي البيع هيكون افضل بس المشكلة انك للاسف ممكن تخسر كتير.اعرضها للبيع و شوف حجم الخسارة و احسب اللي المفروض تصرفه علي عربيتك علشان تظبطها و بعد كده خد القرار و بالتوفيق ان شاء الله

**Super_Star_h** · 28-05-2014 12:51 AM

76 ألف كيلو وجابت مكنه وفتيس وكبالن
العداد ده ملعوب فيه والله اعلم

**elpasha1** · 28-05-2014 12:55 AM

احس ثمن الحاجات اللي عازة تتغير
وانزل السوق شول هتجيب كام وقارن مع نفسك

**Hany.0101** · 28-05-2014 01:27 AM

شكرا للردود،،، انا لاحظت ان super-star-h و ah-gawad من اسكندرية و معاكم Megane 2006 لو ممكن حد يبصلي علي العربية ولو يقدر يفيدني يبقي جزاه الله خيرا، يمكن انا اللي مبفهمش لان تقريبا مفيش عندي خبرة بتاتا

**Ahmed Koller** · 28-05-2014 01:35 AM

انا من اسكندرية
لو عاوز ميكانيكى كويس ... روح لحمدى بيرو فى الحرفيين ... بس لو هيصلحلك حاجه وهيجبها من عنده أسأل عليها بره الأول بكام

العنوان
الحرافيين طريق الموقف الجديد - الشارع ال بعد البنزينه وانت نازل من الكوبري

**eng wael** · 28-05-2014 02:14 AM

قدر الله وما شاء فعل
طبعا حضرتك غلطان لعدم الكشف على العربيه
برجاء لو هتعرض للبيع توضح كل مشاكل العربيه اللى اخفاها عليك مالكها الاول
وربنا يخلف عليك ببركه الامانه

**Hany.0101** · 28-05-2014 02:19 AM

هوه بالنسبة للموتور صوته عالي و خشن وترس الديفيزر عايز يتغبر و الموتور الزيت بينقص وعلي حيب ما قرات انه من الديليزر، والفتيس وانا بسافر مش بجري يعني اخري 110 والزقيه كتبلي check gearbox ثم gearbox overheating بعد ساعة ونصف مشي بس جوه البلد مش بيعمل كده يمكن لقصر المسافات وساعتها بركن شوية بتروح الرسالة بس ذيبقي في تاخير في النقل automatic