الموضوع: معروض عليا 320 2007 , محتاج رأيكم

معروض عليا 320 موديل 2007 بدون فتحة و اى درايف , فابريكة بره و جوه 113 الف كيلو .
العربية مبدأيا كويسة جدااا و صالونها زيرو و صاحبها واضح انه مهتم بيها جداا , جربتها و مشيها كويس ما شاء الله و رحت حطتها على الكومبيوتر , كله تمام ما عدا حساس شكمان تانى و حساس ايرباج الكرسى الى جنب السواق و حساس درجة الحرارة الخارجية و حساس الشبورة فى مرآة السواق .. المهم المهندس انا اعرفه كويس و بيقولى كلها حاجة سهلة و بسيطة , الاساسيات كلها سليمة .صاحبها طالب فيها 170 الف جنيه ده اخره .
العربية فيها كاسيت dvd جنط 17 m و فوانيس معدلة امامى و خلفى و شاشات فى المخادع و الراجل بيحلف ان العربية مش محتاجه اى حاجة و انه على طول متابعها , طبعا مفيش صيانات توكيل او اى حاجة لان احنا فى المنصورة مفيش لا توكيل و لا مراكز خدمة معتمدة يعنى كل الصيانات عند صنايعية bmw بره ..

دلوقتى اعمل ايه ؟ حد يقولى رأيه فى العربية والسعر ؟ و ايه الى ممكن اتأكد منه تانى ؟

المشاركة الأصلية كتبت بواسطة hany63

سؤال برئ هوا حساس الايرباج بيبوظ ليه ؟

اكيد مش انا الى هاجاوب على السؤال ده :)

المشاركة الأصلية كتبت بواسطة minicooper20

فكك
تصليح و صيانه عند صنايعيه يعنى عك و مسامير ضايعه
مركب شاشات و مس عارف ايه يعنى شغل كهربا و كبارى فى سلوك و ايرور مامسوح طبعا
حساس ايرباج بايظ دجه علشان فى لعب فى الكهربا و كبارى و دى حاجه اكيده
جنوط ام بقا يعنى العفشه هتفتح قريب ده ان مكنتش متلصمه
و ١١٠ الف كيلو
بلاش يا باشا
وجهه نظر

هو ده الى حصل :)
ربنا ييسر لنا الخير , و يرزقنا حاجة كويسة ..