بطارية الجيتا 2010

**mohamed.alu** · 28-05-2014 10:49 PM

انا معايا جيتا 2010 انا باسافر كتير بره مصر .......... لما باسافر باسيب المفتاح علشان يسخنوا العربية عندى مشكلة انى العربية ما بتكملش 3 ايام والبطارية تفضى روحت كشفت على الشحن وكل حاجة تمام بس البطارية كانت بقالها سنتين فا قولت اغيرها ........... جبت بطارية بوش 70 a زى اللى كانت فيها وخدت بيها مشوار من السكندرية للقاهرة ورجعت يعنى العربية المفروض كده شحنت .......... سافرت عملت نفس الحركة ......... سيبتها لما رجعت مصر عملتها توصيلة وبدات اتحرك عادى فى البلد من غير سفر العربية زى الفل قولت اجرب اسيبها ما طلعش بيها سيبتها 3 ايام مع العلم انى كنت بامشى جوه البلد يعنى شحن مش جامد والعربية برده مفهاش حاجة بعد 3 ايام !!!!! ............ دلوقتى انا سافرت وبعد تلات ايام الراجل بتاع الجراج جه يدورها نفس القصة ......... ارجو المساعدة ايه يكون السبب ( كشفت على دايرة الشحن بتشحن عادى مفيش مشكلة وجربت كمان الشحن وانا منور النور كله زى الفل ) ملحوظة تانية انا باسيبها فى الجراج مفتوحة علشان السنتر ما يسحبش الشحنة بتاعة البطارية ..............

**mohamed.alu** · 29-05-2014 08:45 AM

ايه يا شباب محدش عنده فكره عن المشكلة دى اعمل فيها ايه ؟؟؟؟؟؟

**pharonicking** · 29-05-2014 11:12 AM

افصل البطارية لو مش حتستخدمها "" وافحص كمان الدينامو ""

**Bently** · 29-05-2014 11:23 AM

حضرتك عندك تسريب كهربا و لازم تتحط على الكومبيوتر ....انا حصل معايا كده فى الفولكس كادى

**ahmedelrayan** · 29-05-2014 12:13 PM

فعلا اكيد عندك تسريب كهرباء ولو حضرتك عايز تتاكد قرب كابل البطارية الموجب من الباطرية لو شوفته عمل شرز كتير يبقى كدة فى تهريب

**tameem2010** · 29-05-2014 12:35 PM

ده اكيد تسريب كهرباء
بس العربيات الاوربي بتكون رزلة في الموضوع ده عاوزة واحد متخصص عشان يعرف التسريب ده فيه لان العربيه كلها دوائر كهرباء

**mohamed.alu** · 29-05-2014 12:56 PM

شكرا يا جماعة على الردود بس كل الناس خوفتنى من فصل البطارية عن الكمبيوتر بتاع العربية فانا اخاف قبل ما اسافر افصل البطارية ............... بالنسبة لموضوع التسريب من الافضل اوديها التوكيل يفحصها احسن ولا ايه ؟