تغيير زيت لنيسان صني 2013 الشكل الجديد عند 40 الف كيلو

**jos** · 30-05-2014 10:34 AM

المشاركة الأصلية كتبت بواسطة shady.shaheed

الحمد لله العربيه لحد دلوقتي تمام مفيش حاجه غي التيل و الطنابير
صوت الموتور علي شويه علشان كده فكرت اغير الزيت علشان انعم الموتور

تمام انا عامل 20000 والحمد لله برده مفيش الا موضوع التيل والتصفير وموضوع صوت الموتور ساعات بيبقى هادى وساعات بيبقى عالى واعتقد ان ده ملوش علاقة بالزيت ده بيبقى من الفيتيس لانه ساعات بينقل على ار بى ام منخفض وساعات مينقلش الا بعد ار بى ام 4 وده برده له علاقه بالطريقه اللى بتدوس بيه البنزين

**islamabady1980** · 31-05-2014 01:31 PM

هما في احمد مرعي بيستخدموا توتال

**Moh. Elnagar** · 31-05-2014 06:44 PM

مبقاش في شل لأن توتال إشترت شل حتى مش هتلاقي بنزينات شل كلها بقت توتال

**MELKASHEF** · 01-06-2014 12:19 AM

بص يا باشا

لو راجعت الكتالوج بتاع العربية حتلاقي ان الزيت اللي بتحتاجه المفروض تكون لزوجته 10w-30 .

وده للأسف مش موجود عندنا في السوق المصري.

درجات اللزوجة اللي في السوق يا إما 5w-30 أو 5w-40 ودول برضه ممكن استخدامهم للعربية زي ما الكتالوج موضح.

أنا في الأول حطيت 5w-40 لكن علشان لزوجته عالية فكان صوت الموتور عالي واستهلاك البنزين عالي.

بعد كده غيرت وحطيت ال 5w-30 وعلشان لزوجته أخف فكان صوت الموتور واطي تماما واستهلاك البنزين قليل وزي الفل.

بالنسبة للماركات اللي حتلاقي فيها ال 5w-30 ففيه وولف اوفيشال تيك (وديه أنا مجربها ممتازة وزي الفل) وفيه فالفولاين سين باور وفيه شل.

أنا أفضل انك تجيب وولف أو فالفولاين.

يا رب أكون افدتك.