ماهي العربيات السيدان cc1600 التي بها ESP في مصر وسعرها أقل من 200 ألف جنيه

**yasser100** · 30-05-2014 12:08 AM

ما عليش سؤال لحضرتك . هل يعقل انه ادور على ال esp كأمان و فى نفس الوقت حضرتك بتتكلم كذا مره عن مواقف خطيره على سرعات ما بين 120 و 170 و غرز ؟ و حمدت ربنا انك نجيت اكتر من مره
هل لو حضرتك سايق على السرعات المسموح بها هل فعلا محتاجه ؟ بغض النظر عن مناقشة فوائده فى الظروف الاستثنائيه اللى حضرتك اشرت اليها .

شكرا و تحياتى لمشاركتك

**Mohamed.Hany** · 30-05-2014 02:13 AM

تسلم يا وائل باشا علي الموضوع القيم.

طبعا هو فايدته في المواقف المفاجئة زي مانت قلت بالضبط و ما اكثرها في بلدنا الجميلة من ناس متهورة لا تبالي باي شئ سوي نفسها في السواقة.
انا برضو حابب اوضح انه مهم حتي في السرعات القليلة زي ٨٠ كم/س مثلا لان العربية علي السرعة دي بتعوم عادي جدا و اقرب مثال ال BMW في اختبار ال esp
2012 BMW 3 Series [ESC TEST] - YouTube
الكروز فعلا بقي فيها esp و ده من فترة صغيرة عشان كدة الموقع مش موضح و الموضوع مكنش معروف.
حابب اضيف في فئة الهاتش باك الابيزا و الفيستا و الاوريس و الليون كلهم فيهم.

المستهلك المصري بقي بيسال علي ال esp مؤخرا و ده شئ هايل و خطوة عشان نجبر التوكيلات تنزل العربية بكامل مواصفات الامان لان احنا بندفع اكتر من برة و ناخد امان اقل . اللي جربه او عموماعنده و انقذ حياته يعرف قيمته كويس جدا.

تحياتي ليك و شكرا مرة تانية علي الموضوع الشيق ده.

**walyamw** · 30-05-2014 08:27 AM

المشاركة الأصلية كتبت بواسطة Optiplex

و فى كمان القورد فوكاس سواء من اول فئة او هاى لاين المهم انها فئة بس ياريت ما تتكلشى ان عندك برنامج ثبات و متصدق تجرى الجرى مش فى صالحك ابدا حتى لو عربية صاروخ ربنا يستر طريقنا كلنا و يكفيك شرهاااااااااااا

شكرا يا باشا علي اضافة معلومة الفورد فوكس وأتفق مع حضرتك علي أهمية السواقة المعتدلة

المشاركة الأصلية كتبت بواسطة yasser100

ما عليش سؤال لحضرتك . هل يعقل انه ادور على ال esp كأمان و فى نفس الوقت حضرتك بتتكلم كذا مره عن مواقف خطيره على سرعات ما بين 120 و 170 و غرز ؟ و حمدت ربنا انك نجيت اكتر من مره

ياسر باشا بعد التحية
أحبب أوضح أن موضوع السواقة بسرعة عادة سيئة جدا ومضره جدا زي مثلا عادة التدخين، فأنا بأمانة بحاول أبطل أجري بالعربية لاقتناعي أن الجري ممكن يسبب كوارث بس أحيانا الطبع بيغلب التطبع.

هل لو حضرتك سايق على السرعات المسموح بها هل فعلا محتاجه ؟ بغض النظر عن مناقشة فوائده فى الظروف الاستثنائيه اللى حضرتك اشرت اليها .

شكرا و تحياتى لمشاركتك

لاشك أن السواقة علي السرعات المسموح بها بتضيف عامل أمان وتدي وقت أكبر لتفادي الاصطدام وبتساعد علي تخفيف شده الصدمة.

لكن زي ما أخونا محمد هاني قال أنه بيفيد حتي علي سرعات عادية زي 80 كم والمواقف الخطيرة في مصر كتيييييييييير، خد عندك : ميكروباص يرمي عليك - تاكسي يقف فجأة أمامك علشان يركب زبون - تكون علي الدائري و تلاقي واحد ماشي عكسي في وشك- بلاعة مفتوحة.
(يا باشا أحنا بلد ماشية بستر ربنا)

ياسر باشا دور اللي اشتري أو اللي لسه مشتراش عربية أنه يحسس التوكيل وخاصة قسم المبيعات بأهمية الـ ESP فالتوكيل ينزل العربية بمعاملات الأمان الازمة.

أما ومضوع مدي أهمية الـ ESP فشركة بوش الالمانية عملت دراسة مجمعة عرضت فيها النتائج التالية:

**yasser100** · 30-05-2014 10:00 AM

المشاركة الأصلية كتبت بواسطة walyamw

شكرا يا باشا علي اضافة معلومة الفورد فوكس وأتفق مع حضرتك علي أهمية السواقة المعتدلة

لاشك أن السواقة علي السرعات المسموح بها بتضيف عامل أمان وتدي وقت أكبر لتفادي الاصطدام وبتساعد علي تخفيف شده الصدمة.

لكن زي ما أخونا محمد هاني قال أنه بيفيد حتي علي سرعات عادية زي 80 كم والمواقف الخطيرة في مصر كتيييييييييير، خد عندك : ميكروباص يرمي عليك - تاكسي يقف فجأة أمامك علشان يركب زبون - تكون علي الدائري و تلاقي واحد ماشي عكسي في وشك- بلاعة مفتوحة.
(يا باشا أحنا بلد ماشية بستر ربنا)

ياسر باشا دور اللي اشتري أو اللي لسه مشتراش عربية أنه يحسس التوكيل وخاصة قسم المبيعات بأهمية الـ esp فالتوكيل ينزل العربية بمعاملات الأمان الازمة.

أما ومضوع مدي أهمية الـ esp فشركة بوش الالمانية عملت دراسة مجمعة عرضت فيها النتائج التالية:

شكرا يا باشا و ربنا يسترها مع الجميع :)

**Ahmedkishk@** · 30-05-2014 12:34 PM

انا عندي سؤال لو سمحتو هوا ايه الفرق بين نظام ال vsc او esp و ما بين نظام ال ebd
ولا الاتنين حاجه واحده

**bassem.naguib** · 30-05-2014 12:42 PM

المشاركة الأصلية كتبت بواسطة ahmedkishk@

انا عندي سؤال لو سمحتو هوا ايه الفرق بين نظام ال vsc او esp و ما بين نظام ال ebd
ولا الاتنين حاجه واحده

ال vsc هو ال esp .. واختلاف المسمى على حسب ما مسمياه الشركة المصنعة .. ووظيفته الاحتفاظ بثبات السيارة ومسارها في المنحنيات أو المواقف الحرجة .. وبيكون مرتبط أحياناً مع وجود نظام التراكشن كنترول .

ال ebd هو توزيع قوة الفرامل على الأربع عجلات وبيشتغل في الظروف العادية يعني مش شرط يكون فيه منحنيات أو موقف حرج ... وبيكون مرتبط بشكل كبير بوجود نظام abs معاه .

ال ESP ممكن يفرمل عجله أزيد من العجلات الثلاثة التانيين .. ال EBD بيوزع قوة الفرامل على الأربع عجلات بالتساوي

**Mohamed.Hany** · 30-05-2014 12:52 PM

المشاركة الأصلية كتبت بواسطة bassem.naguib

ال vsc هو ال esp .. واختلاف المسمى على حسب ما مسمياه الشركة المصنعة .. ووظيفته الاحتفاظ بثبات السيارة ومسارها في المنحنيات أو المواقف الحرجة .. وبيكون مرتبط أحياناً مع وجود نظام التراكشن كنترول .

ال ebd هو توزيع قوة الفرامل على الأربع عجلات وبيشتغل في الظروف العادية يعني مش شرط يكون فيه منحنيات أو موقف حرج ... وبيكون مرتبط بشكل كبير بوجود نظام abs معاه .

ال ESP ممكن يفرمل عجله أزيد من العجلات الثلاثة التانيين .. ال EBD بيوزع قوة الفرامل على الأربع عجلات بالتساوي

متفق معاك يا كبير في كل شئ ،ال ebd بيستخدم ال abs ،

بس حسب علمي ان ال esp مش بيستخدم التراكشن TRC هو بيستخدم ال ebd مع ال abs و علي كوتشة منفردة فقط ، بدليل انك ممكن تفصل ال TRC بدون فصل ال esp و الله اعلم يمكن اكون غلطان

**bassem.naguib** · 30-05-2014 01:03 PM

المشاركة الأصلية كتبت بواسطة Mohamed.Hany

بس حسب علمي ان ال esp مش بيستخدم التراكشن TRC هو بيستخدم ال ebd مع ال abs و علي كوتشة منفردة فقط ، بدليل انك ممكن تفصل ال TRC بدون فصل ال esp و الله اعلم يمكن اكون غلطان

معنديش معلومة تؤكد أو تنفي الكلام ده ..

أنا اللي كنت أقصده بصفة عامة أن العربيات اللي فيها ESP احياناً بيكون فيها تراكشن .. ومكنتش أقصد أنه النظام ده مرتبط بده زي ال ebd وال abs ..

اللي عنده معلومة يا ريت يفيدنا .. مع أن لو فكرت فيها بالمنطق .. حتلاقيها ممكن تمشي كدة وممكن تمشي كدة .. ولكن الواقع والرأي العلمي هو الفيصل في النهاية

**Mohamed.Hany** · 30-05-2014 01:31 PM

المشاركة الأصلية كتبت بواسطة basnaguib

معنديش معلومة تؤكد أو تنفي الكلام ده ..

أنا اللي كنت أقصده بصفة عامة أن العربيات اللي فيها ESP احياناً بيكون فيها تراكشن .. ومكنتش أقصد أنه النظام ده مرتبط بده زي ال ebd وال abs ..

اللي عنده معلومة يا ريت يفيدنا .. مع أن لو فكرت فيها بالمنطق .. حتلاقيها ممكن تمشي كدة وممكن تمشي كدة .. ولكن الواقع والرأي العلمي هو الفيصل في النهاية

انا بتهيألي العكس لأن في عربيات فيها trc و مفيهاش esp زي السكودا اوكتافيا مثلا مش العكس .
كل العربيات اللي فيها esp لازم تلاقي trc عشان العربية لو غرزت تعرف تفصله ، و في الحالة دي تقدر تفصل ال trc بون فصل ال esp و لكن العكس مينفعش مينفعش تفصل ال esp و تشغل ال trc ده دليل برضو ان ال esp مش بيعتمد علي ال trc و ان ال trc ممكن يكون بيعتمد علي قرايات معينة من وحدة ال esp

بس الاكيد انهم معتمدين علي بعض ، و الله اعلم

الموضوع: ماهي العربيات السيدان cc1600 التي بها ESP في مصر وسعرها أقل من 200 ألف جنيه

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

المواضيع المتشابهه

ماهي المخالفات المرورية التي تعرضت إليها

كل العربيات الصينية فاشلة وسيئة وسعرها مرتفع

ضروري ... ماهي الزيوت التي يجب الكشف عليها دوريا في السيارة ؟

ماهي الآسس الآولى التي تختار سيارتك بناءا عليها؟

الكلمات الدلالية لهذا الموضوع

المفضلات

المفضلات

ضوابط المشاركة