في مثل هذا اليوم ........ 12 اكتوبر 1992 الموافق 15 ربيع الآخر1413 الساعة 2 و 43 دقيقة عصرا .....
طبعا افتكرتم ...
انه اشهر زلزال يضرب مصر في التاريخ المعاصر
لكنه هز المجتمع قبل ان يهز المباني .....
يا ترى ايه ذكراياتكم معاه
ابدأ بنفسي
انا كنت في السعودية .... وكنت باتصل بخطيبتي ( مدام شوماخر حاليا ) عارفين كنت باتصل ليه :k42:..... كنت باتصل عشان اسمع الموافقة الرسمية علي الخطوبة ( آل يعني كانت لسة ح تفكر ) ولقيتها بتتكلم وبتنهج ....
فيه ايه ....؟؟
اصل لسة طالعين من تحت .... :k23:
ليه يا بنت الحلال ..... ؟؟؟
اصل كان فيه زلزال ..... ؟؟؟
يانهار ابيض زلزال..... طيب وانتو كلكم كويسين ....؟؟؟
الحمد لله .....
طيب وانتي موافقة ولا لأ ...؟؟؟
يوه ما تكسقنيش بقى
لازم اسمعها منك ... وإلا ح ارجع في كلامي واشوفلي واحده فلبينية من هنا ....
فلبينية ...؟؟؟؟ لأموافقة طبعا ...آل فلبينية آل ...

قفلت معاها واتصلت بوالدتي الله يرحمها ... رد عليا والدي كان لسة جاي من الشغل .... والزلزال حصل وهو سايق العربية وما حسش بيه .... وطمني وقالي ما معناه ان الزلزال بسيط بس الناس هما اللي بيتدلعوا ....و اطمئئنيت ..... وروحت الشغل عادي وبعد ما روحت بالليل وبافتح التلفزيون ..... وشوفت المناظر .... ولمدة 3 اسابيع احاول اتصل بمصر علي مدار ال 24 ساعة .... استحالة ما فيش خطوط
لكن كنت اطمئنيت علي الاهل بالمكالمة دي