الموضوع: حد يفيدني بعد اذنكم في مقاس كاوتش الجوليت

وعليكم السلام ورحمة الله وبركاته
ليه عايز تركب مقاس مختلف ؟ الأفضل تلتزم بنفس المقاس
عرض الكاوتش الجديد اقل من القديم المفروض العرض يزيد مش يقل علشان الثبات
على العموم الأرتفاع هيقل حوالى 2 سم و السرعه هتقل 3.11 % و ده غلط و خطر

المشاركة الأصلية كتبت بواسطة a.elmosallamy

السلام عليكم جميعا ,,,
دي اول مشاركة ليا مع اني متابع الموقع من زمان و استفدت كتير جدااااااا
بس عندي استفسار صغير انا ان شاء الله نويت اشتري فردتين كاوتش كومهو سولوس مقاس 14/60/185
مع العلم ان الاتنين اللي هيبقوا راكبين معاهم مقاسهم 14/65/185 فا ده هيبقى فيه مشكلة في اداء العربية و العفشة ولا عادي ؟؟؟
الفردة سألت عليهاصنع فيتنامي ب 340 جنية دي معقول ؟؟؟
ولو فيه اي حد عنده اي اقتراحات تانية انا يشرفني اني استفيد من خبراتكم و ارائكم ... شكراااااا

احسنلك خليهم نفس المقاس لان ده 14/60/185 هياثر على العفشة شوية

المشاركة الأصلية كتبت بواسطة A.Elmosallamy

شكرا على ردك بس هو من الواضح ان حضرتك فهمتني غلط لأن العرض مش هيقل ولا حاجة العرض 185
العفو و بعتذر لحضرتك عن النقطه دى معلش كنت مركز فحاجه تانيه فعلا العرض واحد
و اللي ناوي اشتريه كل اللي هيتغير انه بدل 65 هجيب 60 و ده المقاس اللي مكتوب في كتالوج العربية
تمام بس حضرتك تشترى الـ 4 مقاس واحد غير كده لا
بس هو انا سؤالي هيحصل حاجة لو مشيت فترة بفردتين 60 و فردتين 65 ؟؟؟
هيحصل
وبالنسبة للسرعة ايه السبب اللي يخليها تقل و ايه مصدر الخطورة في الموضوع
السرعه هتقل علشان سمك الكاوتش هيقل
تخيل حضرتك ان الكاوتش القديم عباره عن دائره قطرها 65 سم و الجديد دائره قطرها 60 سم و نفرض انك هتركب الـ 2 على محور بيدور بسرعه ثابته و الدائره هتدور دوره واحده
هل الدائره اللى قطرها 65 هتقطع نفس المسافه اللى هتقطعها الدائره اللى قطرها 60 سم ؟
الأجابه لا طبعا
نرجع للكاوتش نفسه لما تكون العربيه ماشيه بسرعه 100 كم فالساعه (على عداد السرعه) بالكاوتش القديم هتكون ماشى 100 كم/س و بالجديد 97 كم/س
" لو حضرتك بتقول ان المقاس الأصلى المفروض يكون الـ 60 يبقى حضرتك طول الفتره دى ماشى بسرعه فعليه 103 كم/س و مؤشر السرعه 100 كم/س و ارتفاع العربيه زياده 2 سم عن الأرتفاع الطبيعى "
ايه الخطوره من ده
حضرتك تخيل عجله الكاوتش الأمامى مقاسه اقل من الكاوتش الخلفى و المفروض العجله تمشى بسرعه ثابته هتلاقى فكل 100 لفه الكاوتش الأمامى بيلف 3 لفات زياده علشان يوصل للسرعه المطلوبه و ممكن تلف زى ما بيتقال على الهوا او الكاوتش الخلفى يتأخر 3 لفات علشان يمشى بنفس السرعه يعنى الكاوتش مش هيتحرك لفتره تعادل وقت الـ 3 لفات دول كانك دايس فرامل
انا مش عارف اشرحها ازاى بس انا عايز حضرتك تتخيلها و هتعرف الفرق
"لما محور الدوران بتاع الـ 2 يلف 100 لفه الكاوتش الـ 65 هيلف 100 لفه و الـ 60 هيلف 103 لفه علشان يبقى فنفس السرعه"
شكرا لاهتمامك ومستني ردك
العفو يا باشا و بعتذر لو الكلام مش واضح بس انا هحاول اوصل لطريقه اسهل للشرح

المشاركة الأصلية كتبت بواسطة A.Elmosallamy

ياباشا مش واضح ايه بس دانتا فهمتني اللي بتوع الكاوتش نفسهم معرفوش يفهمهولي تسلم ايدك بجد عالمجهود و الاهتمام
بجد ؟ طيب الحمد لله
يعني استنتج من كلامك ان الاربع فرد لازم يكونوا نفس المقاس بس حضرتك بقى ترشحلي 60 ولا 65
تمام كده, الأفضل الـ 60 لانه المقاس الأصلى اللى المفروض يكون فالعربيه لكن اعتقد حضرتك تركب الـ 65 علشان هو اللى كان فالعربيه طول الفتره السابقه و كمان علشان تحافظ على الـ 2 سم الأرتفاع و تحافظ على العفشه
وياريت كمان بالمرة اجيب كومهو سولوس ولا اكستا و ايه الفرق بينهم و ده هيبقى اخر سؤال ان شاء الله
:)
انا بعتذر لحضرتك لان كل تعاملى مع الكونتينتال و معنديش اى معلومه عن الـ 2
بس الأعضاء كانوا بينصحوا بالــ اكستا
http://www.nilemotors.net/Nile/371365-a.html
و حضرتك شوف الموضوع ده كمان هتلاقى ردود مفيده
http://www.nilemotors.net/Nile/309888-kumho-ecsta.html
لو فيه اى استفسار انا تحت امرك