الموضوع: سؤال عن مياه ريداتير الياريس

المشاركة الأصلية كتبت بواسطة h_askalany

هو أنا كنت حابة أعرف ،،أنا كنت زودت تقريبآ لتر مياه عادية (أو أكثر قليلآ أو أقل لاأتذكر) على المياه الحمراء إللى كانت فى العربية لما إشترتها
هل كده محتاجة أغسل الريداتيير ولا مش محتاجة أغسله و ممكن لو إحتجت أزود أبقى أحط مياه حمراء بعد كده عادى

المقصود من الغسيل هو غسيل دورة المياه بالكامل وده في حالة إذا كان فيه صدأ أو كنتي حاطه مياه حنفيه أو خضراء .. أما غسيل الريدياتير وسربنتينة التكييف فشئ كويس ومطلوب كل فترة وبيزود من كفاءتهم زي تنظيف فلتر الهواء وفلتر التكييف علشان لو فيه تراب أو حاجة ...
وطالما حضرتك زودتي مياه عادية على المياه الحمراء يبقى كل اللي هتعمليه تفضي المياه من الموتور والريدياتير وتحطي 2 زجاجة مياه معدنية وتفضيهم تاني وبعد كده تقفلي وتعبي 2 زجاجة مياه حمراء وبعدها المياه المعدنية .. وبالتوفيق إن شاء الله

كل اللى هتعمليه حضرتك انك هتفضى دورة التبريد كلها
وما تحطيش اى نوع ميه سواء معدنيه او مياه عاديه

وتحطى مياه معتمده (ايادا-تويوتا-موبيل) وتطلعى الهواء من داخل المواسير والموتور
ولما تزودى القربه حطى مياه معتمده برضه ولا ينصح باضافه مياه الشرب او الحنفيه ابدا

تجربتي امس:

روحت امبارح بنزينة موبيل بالهرم وقلتله عايز مياه حمرا - رد بانه لا يوجد مياه حمرا ولكن فيه مياه خضراء موبيل فاشتريت 4 لتر ب 80 جنيه واخد مصنعية 35 جنيه يعني كله على بعضة كلف 105 جنيه

للعلم المياه الخضراء تختلف فى تركيبتها عن المياه الحمراء

تيوتا عموما تستخدم مياه حمراء

وده جزء منقول من مشاركه هنا فى المنتدى

كل مبردات الردياتير مبنية على اساس الجليكول سواء ايثيلين او بروبلين جليكول
الاختلاف بيكون في الاضافات المانعة للصدأوالتآكل

التآكل بيحصل نتيجة ان مياه الردياتير بتكون حامضية وده اللي بيسبب التأكل
لذلك بتحاول شركات تصنيع مياه التبريد جعل وسط مياه التبريد قاعدي عن طريق الاضافات

المياه الخضراء هي تكنولوجيا قديمة وتحتوي على اضافات الفوسفات والنيترات والامينات

المياه الحمراء هي تكنولوجيا احدث وصديقة للبيئة ولا تحتوي على الفوسفات والنيترات والامينات

المشاركة الأصلية كتبت بواسطة h_askalany

طيب معلش سؤال لزيادة الفهم
هل فى فرق بين غسيل الريداتير،وإنى أروح أفضي مياه التبريد القديمة من الريداتيرو أحط بدلها مياه جديدة،،ولا الإتنين حاجة واحدة

آسفة لو كنت بكرر الأسئلة،،بس لأنى متلخبطة شوية

اه فى فرق

بس اعتقد انك مش محتاجه انك تغسلى الردياتير لان مفيش مشاكل ظهرت عندك

عشيل الردياتير بيبقى عباره عن انه بيدخل اسياخ بداخل الردياتير علشان يشيل الصداء والترسيبات اللى جوا المواسير اللى بتتكون على مرورو الزمن


فى حالتك انتى انصحك انك تروحى بنزينه زى بنزينه وطنيه ويكون عندها جهاز دوره غسيل الموتور وتنضفى الدوره من الداخل ويكون معاكى المياه الحمرا الاصليه وتخليه بعد الغسيل يحط المياه دى وخلاص على كده