حد جرب زيت زيتون كويس للأكل؟

**hady83** · 30-05-2014 10:44 AM

لما قرأت عنه فوائد زيت الزيتون قررت إني أجيبه واحطه في الأكل، روحت خير زمان والراية لقيت أنواع كتير جدا وبأسعار مختلفة ومتفاوتة، مش عارف ايه الاختلاف، وايه أحسن نوع يكون كويس ومفيد زي ما قرأت.
فيه حد جربه قبل كدا؟

**abou-yahia** · 30-05-2014 10:48 AM

الاهم يكون
عصره اولي علي البارد
ونسبه الحموضه فيه قليله
وممكن تشتري من مجمعات الجيش عندهم حاجه من انتاجهم

**MotorX** · 30-05-2014 11:49 AM

رايي الشخصي ، افضل زيت زيتون الزيت اليوناني يليه الايطالي والمصري ثم الاسباني ، طبعا هنا انا بتكلم على زيت الزيتون البكر الممتاز عصره اولى على البارد حموضة اقل من 0.8% ، اما الانواع " اليادا او سبرطة يوناني / كولافيتا ايطالي / وادي فوود او سان مارينا مصري / بورجس اسباني" ، وخلي بالك اليوناني هاتلاقي طعمه قوي زيادة ولو مش متعود عليه مش هاتستسيغ الطعم ويبقى الافضل تستعمل المصري طعمه متوسط ومقبول و سعره افضل طبعا .

تحياتي.

**automea** · 30-05-2014 01:57 PM

زيت الزيتون اصلا ده احسن زيت ممكن تاكل بيه واحسن حاجة الخام الي معلهوش اي اضافات لونه بيكون غامق انا بوصى ناس تجبهولي من العريش من معقل ارض الزيتون

**Anaslbda** · 30-05-2014 02:24 PM

أي منفذ بيع بتاع مياه صافي بتاعت الجيش هتلاقي عندها زيت زيتون كويّس.

**marsguy** · 30-05-2014 04:24 PM

وادي فود كويس بس جيب حاجه يكون تاريخ انتاجها حديث على قد ما تقدر

**S O P H O S** · 30-05-2014 06:12 PM

معلش اي افضل زيت محش بيه فالاكل كطعم
خصوصا اني ناوي انقل من الزيوت العادية لزيت الزتون

**heeshooheeshoo** · 30-05-2014 07:32 PM

"وادى فود"
extra virgin olive oil
ممتاز وسعره معقول وموجود فى معظم السوبر ماركت

أو زيت "صافى"
extra virgin olive oil
ولكنه موجود فقط فى منافذ القوات المسلحة وأيضا نوعيته ممتازة وسعره رخيص

**dedi** · 31-05-2014 01:25 AM

واحد صاحبى والعهدة على الراوى قال لة شخص شغال فى مجال الاعشاب انة فى الصين وصلوا الى زيت ليس لة لون او طعم كتير من مصانع بيضربوة مع زيت الزيتون ودة بيفسر سبب رخصة مقارنة لما مثلا تشترية من معصرة بلدة كمثال
ولاحظت دة انا فى ماركة مشهورة ودة بيخلى مرات تلاحظ طعم مميز وظاهر واحيان اخرى انواع كانة زيت عادى ونكهتة خفيفة جدا جدا
حتى الزيت ضربتة الصين