الموضوع: هوندا 93 94 تعمل كام

كلم سامح مشرف الهوندا وهو اللي يقول تعمل كام لانه عنده خبره كبيره فيها اكتر مني . وبعد ما يقولك هخصم 1000 لاي حد يشتريها من نايل موتورز . غير ما حد من بره :)
اطمن :) وموبايلي موجود اهه

ربنا يخليك يا موحا بجد انته راجل محترم وانا كلمتك قبل كده لما كنت عايز اجيب فوانيس عدسات وانته قولتلي لا جيب الاصلي انا دورت وجبتهم وفعلا نورهم تحفه وجم كمان بلمبات اصليه نورها حلو اوي .
حاله العربيه اهي من ايدك دي لايدك دي :)
البطاريه :
جديده سعودي جبتها من محل واحد صاحبي
العفشه :
زي الفل كلها جديده من بورسعيد وجايبها حته حته جلبه جلبه علي ايدي . وركبتها عند صنايعي هناك وبعدين جيت فكيتها وركبتها حته حته في المنصوره علي ايدي .
كمان جبتلها طنابير امامي مهواه . ادائها اكتر من رائع حتي لو الطريق مبلول . وكمان شكلها جميل
4 تيل فرامل اصلي مفكوكين من عربيه استيراد
الصالون:
الاصلي متغيرش فيه اي حاجه وبفرش بلادها وحاته كويسه جدا ولا قطع ولا خربوش ولا اي حاجه
التابلوه :
الاصلي وبحاله جيده
الكاسيت :
كينوود اصلي وسماعات كينود اصليه
الموتور :
ظبطت كل حاجه فيه . حتي الدينامو كان الطنبوره بتاعته مش عاجباني قمت مغيره علطول
الراشاشات مظبوطه بالكمبيوتر
كل حاجه تمام كانت بتجيب 200 كيلو في الساعه العربيه ولا حراره ولا اي حاجه
بس حصلت معايا مشكله من شهر ومن ساعتها وانا رافعها وراكب التانيه
كنت بشد مع حد وعلي 180 لمبه الزيت نورت قمت مبطل وواقف
كلمت الميكانيكي قالي عادي تلاقيها حراره قولتله مؤشر الحراره متحركش
استنيت حبه ودورت ومشيت سمعت صوت تكتكه . وقفت وجبت ونش حطها تحت البيت .
تاني يوم دورتها ومشيت رحت للميكانيكي قالي هظبطهالك ب 700 جنيه . دي سبيكه اتاكلت لان فلتر الزيت اتكتم مع السرعه . بصراحه انا كنت ناسي اغيره مع انه كنت جايبه الاصلي وسايبه في التابلوه :(

بس دي قصه العربيه كلها

لاه انا جبت ونش ورفعت العربيه تحت البيت لاني شغلي مش مخليني اعمل كل الحاجات دي وماشي بعربيه تانيه :) علشان كده فكرت ابيعها لو حد عنده وقت هيستفيد بيها اكتر مني وانا انزله السعر يعمل كل الصيانات

كل ما ابصلها مركونه بكتئب :(