تجربتي مع زيوت وولفر بعد التغيير من زادو

**q_pidmusic** · 30-05-2014 05:47 PM

مبارح كنت في ورشة نايل موتورز عند أ/كريم منير وغيرت الزيت وولفر 5w-40 والراجل مشكورا عملي خصم ونزلنا الزيت القديم (زادو) مع العلم انه زيت محترم برضه قعد معايا 11400 كيلو لحد ما العداد اتصفر بس كان نازل اسود وده طمني الصراحة انه قام بواجبه على اكمل وجه وحطيت وولفر وانطباعي الاول عنه صوت المكنة قل شوية عن الاول خصوصا على السرعات العالية والسحب اختلف للاحسن طبعا (كنت جايب 140 وحاسس ان المكنة مستريحة) علما بان العربية جيلي باندا 1300 سي سي اوتو واما بشغل التكييف السحي كان بيتأثر جامد جدا وده محسيتوش اووي مع وولفر بس برضه فيه فرق في السحب وده الطبيعي مع 1300 سي سي وبرضه هتاابع وابقى اوافيكم بالنتائج وتحية خاصة مني للاستاذ كريم منير وكان نفسي اتعرف عليه بس المرة الجاية بقى ان شاء الله على خير ولاعضاء المنتدى المحترمين.

**drcobra** · 30-05-2014 11:37 PM

متابع

**hafizahmad** · 31-05-2014 04:19 PM

يعنى فى فرق لما حطيت زادو فى الأول عن الوولفر يعنى فى البداية بتاعة زادو وبتاعة وولفر حاسس ايهم افضل فى السحب ودرجة الحرارة وصوت الموتور ارجو التوضيح لأنى هغير زيت قريب

**asa3eed** · 31-05-2014 06:50 PM

متابع

**carrier** · 31-05-2014 11:29 PM

المشاركة الأصلية كتبت بواسطة hafizahmad

يعنى فى فرق لما حطيت زادو فى الأول عن الوولفر يعنى فى البداية بتاعة زادو وبتاعة وولفر حاسس ايهم افضل فى السحب ودرجة الحرارة وصوت الموتور ارجو التوضيح لأنى هغير زيت قريب

هات زيت
ac delco
usa
واشترى دماغك

**ameros** · 01-06-2014 11:07 AM

المشاركة الأصلية كتبت بواسطة carrier

هات زيت
ac delco
usa
واشترى دماغك

منين يا فندم بتجيب ال اي سي ديلكوا دا هايل

**q_pidmusic** · 01-06-2014 03:35 PM

المشاركة الأصلية كتبت بواسطة hafizahmad

يعنى فى فرق لما حطيت زادو فى الأول عن الوولفر يعنى فى البداية بتاعة زادو وبتاعة وولفر حاسس ايهم افضل فى السحب ودرجة الحرارة وصوت الموتور ارجو التوضيح لأنى هغير زيت قريب

لسة مش هقدر اديك نتائج دقيقة غير بعد 1000 او 2000 كم عشان ابقى محايد بس اللي لاحظته وعجبني حاجتين:
اولا: صوت العربية مع التكييف مش مزعج زي ماكان الاول
ثانيا:مع السرعت العالية عداد التاكوميتر (rpm) اقل من الاول على نفس السرعات بالمقارنة مع زادو وده يدل ان الماتور مستريح يعني مثلا انا امبارح مشيت على سرعة 140 والعداد كان معدي 4 بحاجة بسيطة مع زادة كان بيعدي 4.5 او ازيد شوية.
-التشتيت الحراري: ممتاز كان ممتاز بصراحة مع زادو , وولفر لسة مش هقدر احكم عليه دلوقتي بس مبدئيا تمام لحد دلوقتي مع التكييف والسرعات العالية والمشي كتير والعربية مسخنتش الحمد لله.

**hafizahmad** · 02-06-2014 12:33 AM

المشاركة الأصلية كتبت بواسطة q_pidmusic

لسة مش هقدر اديك نتائج دقيقة غير بعد 1000 او 2000 كم عشان ابقى محايد بس اللي لاحظته وعجبني حاجتين:
اولا: صوت العربية مع التكييف مش مزعج زي ماكان الاول
ثانيا:مع السرعت العالية عداد التاكوميتر (rpm) اقل من الاول على نفس السرعات بالمقارنة مع زادو وده يدل ان الماتور مستريح يعني مثلا انا امبارح مشيت على سرعة 140 والعداد كان معدي 4 بحاجة بسيطة مع زادة كان بيعدي 4.5 او ازيد شوية.
-التشتيت الحراري: ممتاز كان ممتاز بصراحة مع زادو , وولفر لسة مش هقدر احكم عليه دلوقتي بس مبدئيا تمام لحد دلوقتي مع التكييف والسرعات العالية والمشي كتير والعربية مسخنتش الحمد لله.

اولا الف شكر للأهتمام والرد من حضرتك وهو الميزة فى زادو بامانة حتة المرممات دية داخلة دماغى جدا , حضرتك بتقول ان صوت الموتور بقى هادى فهل معنى كدة ان صوت الموتور والتاكيهات برضة مكنش حلو مع زادو يعنى كان عالى شوية وفى انتظار راى حضرتك بعد 1000 كيلو ولغاية 10000 ههههههههههه معلش هنتقل عليك شوية