أنا حجزت سوبارو xv

**MahmoudYasser** · 30-05-2014 06:24 PM

بعد إذن حضراتكم كان عندي استفسار صغير أنا شوفت السوبارو xv وأعجبتني جداً بس أنا قلقان جداً من موضوع عدم انتشار العربية مع العلم أني كونت هحجز هيونداي ix35 فكونت عايز اعرف من حضرتكم لو حد ليه تجربه سابقه للعربية او نعدو معلومات ممكن تفدني يا رييت وجزاكم الله خيرا

**Ahmed.Essam** · 30-05-2014 06:29 PM

السوبارو عربية منعرفش قيمتها هنا في مصر لو يهمك المتعة والركوبة والدلع خليك فيها
لو هامك بقا اعادة بيع وانتشار وما الى ذلك مش هتلاقيه مع السوبارو

عموما الف مبروك مقدما ايا كان اختيارك

**MahmoudYasser** · 30-05-2014 06:38 PM

المشاركة الأصلية كتبت بواسطة Ahmed.Essam

السوبارو عربية منعرفش قيمتها هنا في مصر لو يهمك المتعة والركوبة والدلع خليك فيها
لو هامك بقا اعادة بيع وانتشار وما الى ذلك مش هتلاقيه مع السوبارو

عموما الف مبروك مقدما ايا كان اختيارك

الف شكر علي الاهتمام يا باشا بس أنا فعلا مش هم مني أعاده البيع أنا عايز عربيه تستأهل الفلوس اليه دفعها فيها وحضرتك عارف ان الاوبشنز بتاع الكوري اعلي من الياباني وبجانب ذلك ان xv مش رخيصه وبصراحه بعد ما شوفت ال ix35 عجبني شكلها جداً فكنت عايز حد بس بقولي اي عيوب في السوبارو غير موضوع أعاده البيع وألف شكر علي اهتمامك

**Ahmed.Essam** · 30-05-2014 06:51 PM

ربنا يوفقك للاصلح يارب
انا بصراحة معنديش خبرة خالص في السوبارو غير انها دفع رباعي وثباتها جبار ما شاء الله ههههه
انا اسف لو معرفتش افيدك

**hardmind_doc** · 30-05-2014 07:12 PM

السوبارو لا تقارن ب 35 بصراحة اختيار صح جدا زى ماقال استاذ احمد بس المشكلة فى اعادة البيع

**ENG.MaRk** · 30-05-2014 08:14 PM

السوبارو أفضل في كل حاجة إلا العتمادية و إعادة البيع و أنا رأيي إنها أفضل عربية في فئتها

**J A G U A R** · 30-05-2014 08:22 PM

اعتقد مفيش حد اشتكى منها

**MahmoudYasser** · 31-05-2014 01:15 AM

الف شكر ليكم جميعا بس أنا سالت علي موضوع قطع الغيار مناسبه جدا مقارنه بالكوري في حاجات أرخص وحاجات أغلي لكن غالبا المتوسط واحد أنا بس عايز اعرف هل توكيل الصفوه الي هو في اسكندريه كويس ولا لا لإني عارف ان توكيل السوبارو في القاهرة ممتاز وسالت اكتر من حد عايز حد يفدني بالنسبه للمعامله هناك والاهتمام بالعميل

**eslamsubaru** · 31-05-2014 01:40 AM

المشاركة الأصلية كتبت بواسطة ENG.MaRk

السوبارو أفضل في كل حاجة إلا العتمادية و إعادة البيع و أنا رأيي إنها أفضل عربية في فئتها

!!!! السوبارو مش اعتمادية ؟؟ ازاى يعنى ؟؟ ده السوبارو الميزة اللى فيها انها اكتر عربية اعتمادية على مستوى العالم مش مصر .. عربية اعطالها نادرة , قطع غيارها معمرة جدا عمر قطعة الغيار من 3-4 مرات اكتر من الكورى و عربية عفشتها تستحمل أى بهدلة و مصممة للطرق الغير ممهدة .. فحتة انها مش اعتمادية كلامك فيها مش صح .. موضوع اعادة البيع فعلا ده اللى كلامك صح فيه .

المشاركة الأصلية كتبت بواسطة mando2002m

عربية محترمة جدا بس ملهاش سوق والتوكيل اسعارة نااااااااااااااااااااااار فى قطع الغيار

معلش ادخل شوف اسعار قطع غيار السيراتو فالموضوع ده و اعتقد مش هترجع تقول نااااااااااااااار دى تانى عن السوبارو خصوصا لما تعرف ان قطع غيار سوبارو ارخص من الموضوعين بتوع السيراتو و ارخص من البيكانتو كمان ..
شوف الرد رقم 4 فالموضوع ده :
http://www.nilemotors.net/Nile/413908-a.html
و ده للبيكانتو :
http://www.nilemotors.net/Nile/419046-2013.html

الناس لما تيجى تقارن اسعار قطع السوبارو اللى هى من التوكيل بتقارنها بالقطع الكورى اللى فالسوق استيراد مش من التوكيل و طبعا الاستيراد ده مبيكونش اصلى و معلهوش ضمان و لا متأكد من مصدره .

ففعليا مفيش حاجة اسمها قطع غيار السوبارو غالية .. شوف الباقى و بعدين احكم ..

المشاركة الأصلية كتبت بواسطة MahmoudYasser

الف شكر ليكم جميعا بس أنا سالت علي موضوع قطع الغيار مناسبه جدا مقارنه بالكوري في حاجات أرخص وحاجات أغلي لكن غالبا المتوسط واحد أنا بس عايز اعرف هل توكيل الصفوه الي هو في اسكندريه كويس ولا لا لإني عارف ان توكيل السوبارو في القاهرة ممتاز وسالت اكتر من حد عايز حد يفدني بالنسبه للمعامله هناك والاهتمام بالعميل

بالنسبة لفرع اسكندرية مش قد كده فى كذا شكوة جت من المعاملة بس من اسبوع تم كتابة شكوى على صفحتنا egyptian's subaru club و استجاب على الفور مهندس ايهاب (مهندس رقم 1 فى سوبارو ابو غالى) و تم التعامل مع المركز و حاليا الناس بتقول ان الدنيا اتغيرت و بقت افضل , و هناك وعد منه انه سيتم تطوير المركز ليصبح فرع صيانة متكامل للسوبارو فقط خلال الشهرين القادمين.

-

الموضوع: أنا حجزت سوبارو xv

LinkBack

أدوات الموضوع

عرض

-

-

-

المواضيع المتشابهه

حجزت سوبارو xv

2012 سوبارو إمبريزا مباشرة من نيويورك 4-2011 (سيدان#هاتشباك) عودة سوبارو بتصميم قوى #

2012 سوبارو إمبريزا مباشرة من نيويورك 4-2011 (سيدان و هاتشباك) عودة سوبارو بتصميم قوى

.:: سوبارو تطلق امبريزا 2009 سيدان Wrx المعدلة ::. بمحرك أقوى و تعديلات من سوبارو ::.

تــأكد الخـــبـــر : سوبارو / تويوتا سيارة دفع خلفي بمواتير سوبارو بحلول عام 2011 !

الكلمات الدلالية لهذا الموضوع

المفضلات

المفضلات

ضوابط المشاركة