الموضوع: صفارة فى العجل زى سن السكاكين!!!

تيل الفرامل بيودع يا اما عايز يتنضف من التراب

خلاص تمام، هغير التيل فى أقرب فرصة...

بجد شاكر جدا لكل اللى ردوا عليا و لكل المشاهدات كمان، جزاكم الله كل خير :-)

قبل ما تغير التيل خلى ميكانيكى كويس يبص عليه ويمكن يكون محتاج يتنظف ويتغسل بشوية ينزين وخلاص

قبل ما تغير التيل خلى ميكانيكى كويس يبص عليه ويمكن يكون محتاج يتنظف ويتغسل بشوية ينزين وخلاص

كلام مضبوط
لو التيل لسه مليان متغيروش
هتغسل الطنابير بالبنزين و تخشن التيل على الأسفلت (أو بسنفرة خشنه 60 مثلاً) و تغسله بالبنزين و تسقطه مكانه
طبعاً لو متآكل, يبقى طفم جديد بحوالى 35 ج و ربنا يستر و ميكونش مضروب و كله رايش نحاس

سلام عليكم يا جماعة...
رحت أمبارح شارع دمشق جمبينا فى مصر الجديدة، جبت طقم تيل أمامى أصلى بـ 65 جنية من محل اسمه "أولاد حسين"، و غيريت القديم بمصنعية 30 جنية و قلت الحمدلله و أستبشرت خير و مشيت عادى و فعلاً الصوت أختفى... النهاردة لسه راجع بالعربية بعد كام مشوار، تصدقوا........... الصوت رجع تانى بس المرة دية من العجل الخلفى و زى ما قلت قبل كدا لما بكون طالع على الأول أو التانى أو مهدى فى ملف... الخ، يعنى لما بكون على سرعة بطيئة بيبقى الصوت عامل زى سن السكاكين تمام!!!!
أنا أمبارح سألت الصنايعى و البياع أغير قدام و ورا و لا أيه؟ هما الأتنين قالوا أمامى بس، اللى ورا بيبقى مش عارف أيه طارة أو حاجة زى كدا و مابيحتجش يتغير، لكن الصوت اللى ورا دا معناه أيه؟ لازم أغير التيل الخلفى كمان؟ و لا ايه الحكاية؟ أنا بجد محبط و خايف يكون الموضوع كبير، لأنى كنت فاكر غيرت التيل اللى فيه المشكلة و خلصت، لكن يظهر كنت غلطان :-(

ممكن حد من حضرات الأعضاء الكرام يفيدنى؟ أكون شاكر بجد
د/ مصطفى